Peji yakusaanguna yawebbusayiti yesu ilaazyiiyo amavidiyo aapa kuti bantu batali Bakamboni babe aachiyandisyo. (Mil 13:48) Peji eeyi itondeezya makani aali mumanyuzi naakuti zintu nzibayeeya bantu anzibaambuula.

Nga ulayibelesya biyeni peji yakusaanguna ya-jw.org nulikukambawuka?

• Njila aawebbusayiti chiindi achiindi. Bala zyiiyo zili mukati mpawo ubone kuti nga ulazibelesya biyeni kuti ugwasye muntu ulaachiyandisyo. (Kuti ujane zimwi zyiiyo zyakagwisigwa lino-lino tyanka aalembedwe kuti “Yiiya Zyiingi.”) Kunjila aawebbusayiti chiindi choonse kulakugwasya kuti ujane zimwi nzila mpya zyakubelesya mumulimu wakukambawuka.

• Belesya zyiiyo amavidiyo aabikkidwe aapeji yakusaanguna kuti ukonzye kwaambuuzyania aabantu. Eezi zilatugwasya kuti tuzibe zintu nzibayeeya bantu bali muchilawu chesu.

• Tondeezya bantu peji yakusaanguna. Mutondeezye makani aasiyene-siyene aabikkidwe mpawo umugwasye kuti akonzye kujana makani miingi aawebbusayiti.

• Sendela muntu link. Bamwi bantu kulabayumina kwaambuula aandiswe pesi balayanda kwiiya zyiingi aawebbusayiti yesu. Nkinkaako, utawayi-wayi pe kusendela bantu bali aachiyandisyo link naakuti kubasendela chiiyo naakuti vidiyo iijanika aawebbusayiti yesu.