Imwi nzila bazyali njibakonzya kugwasya bana babo kuti bajane busongo buzwa kuli Leza, nkubagwasya kuti bagwasigwe amiswaangano yambungano. Nzibabona bana, nzibamvwa anzibaamba munsandulo zyabo kumiswaangano, zilakonzya kubagwasya kuti bayiye atala aJehova akuti babe beenzinyina. (Dt 31:12, 13) Kuti kuli muzyali, kujana wabagwasya biyeni bana bako kuti bagwasigwe amiswaangano?

• Chita zyoonse nzukonzya kuti ujanike kumiswaangano chiindi choonse.—In 22:22

• Jana chiindi chakuti mwaambuuzyanie aabamwi kuNg’anda yaBwaami miswaangano kayitanasaanguna aniyamana.—Heb 10:25

• Baachoonzyo chakuti umwi awumwi wamumpuli ulaabbuku liyanda kuyooyiigwa kumiswaangano, kazitakwe ndaba kuti lyakapulintwa naakuti ndyamufooni

• Gwasya mwanaako kuti alibambile kusandula kabelesya majwi aakwe.—Mt 21:15, 16

• Waambuula zintu zibotu atala amiswaangano azyiiyo nzimujana

• Gwasya bana bako kuti baliswaanizye mukuchita imwi milimu mbuli kusalazya Ng’anda yaBwaami akwaambuula aabantu bachembaala bamumbungano yanu

Kugwasya bana bako kuti baswene aafwiifwi aJehova kuyanda kubeleka changuzu alubo chimwi chiindi kulakonzya kubonekaanga tazikonzeki. Nikuba oobo, Jehova ulakonzya kukugwasya kuti uzwidilile.—Is 40:29.

AMWEEBELE VIDIYO ITII NIBAZYALI, AMUSYOME KUTI JEHOVA UNOOMUGWASYA,’ KUZWA WAAWO, MUSANDULE MIBUZYO IITOBELA:

• Niinzi zyakazoochitika kuli Zack a-Leah nibakaba aamwana?

  Lemba nsandulo yako

• Nkamboonzi bazyali nibeelede kukumbila kugwasigwa aaJehova?

  Lemba nsandulo yako

• Zack a-Leah bakatondeezya biyeni kuti bakali kuyanda kugwasigwa aaJehova kuti bazwidilile?

  Lemba nsandulo yako