Bantu batulwana akutuyoosezya balakonzya kupa kuti tunyeme akuti tukataazikane. Balakonzya kupa kuti tuleke kusyoma Jehova kuti twayoowa chiindi nibatubuzya kuti tuleke kukomba Jehova. Kujana twalikwabilila biyeni kubantu aaba?

Bakombi baJehova biingi bakakonzya kuzwidilila kulwana aabantu batuyoosezya kwiinda mukusyoma Jehova. (In 18:17) Muchikozyano, Esita wakaambuula kuti akonzye kuyubununa makanze mabi aamwaalumi mubi uutegwa Hamani. (Es 7:1-6) Katanachita oobo, wakatondeezya kuti wakali kusyoma Jehova kwiinda mukulyiimya kulya. (Es 4:14-16) Jehova wakayilongezya milimu njaakachita alubo wakamukwabilila kuswaanizya abantu bakulimbabo.

Nibachikula, kuti mwaswaanana aamuntu uuyanda kumulwana naakuti uuyanda kumuyoosezya, amukumbile Jehova kuti amugwasye alubo mwaambuule aamuntu mupati naakuti kubuzya muzyali. Jehova uyookugwasya mbuli mbaakagwasya Esita. Niinzi zimwi nzweelede kuchita kuti ulisimye chiindi nikwaba muntu uukulwana naakuti uukuyoosezya?

AMWEEBELE KAVIDIYO KATII BUUMI BWABACHIKULA—NIINZI NZINDEELEDE KUCHITA KUTI NDILISIMYE KUTI KWABA MUNTU UUNDILWANA?, KUZWA WAAWO, MUSANDULE MIBUZYO IITOBELA:

• Bachikula bayiyaanzi kuzwa kuchikozyano cha-Charlie acha-Ferin?

  Lemba nsandulo yako

• Bazyali bayiyaanzi kuzwa kuzintu zyaambwa aa-Charlie a-Ferin atala akugwasya bana babo chiindi nikwaba bantu babalwana akubayoosezya?

  Lemba nsandulo yako