Nkamboonzi Bamwi Nibatachilemeki Buumi Bwabo?
NKAMBOONZI KULILEMEKA NIKUYANDIKANA?
Bantu balilemeka nga bali aachibindi chiindi nibaswaana buyumu-yumu alubo balalisimya.
-
Kweendelana akuyanduulisisya kwakachitwa, bantu batalilemeki chiindi chiingi nga balaapenzi lyakukataazikana akuba aapenzi lyakulya. Alubo balakonzya kunywa bukande zyiindilide akubelesya madrugs.
-
Bantu balilemeka tabalyeezyanisyi aabamwi pe, eezi zipa kuti kubawubile kumvwanana aabantu mbibazibenaabo alubo balamvwanana abantu. Pesi bantu batalilemeki, ngababa aachiimbo chakutazuminana aanzibaamba bamwi, eezi zipa kuti batamvwanani aabantu.
-
Bantu balilemeka balalisimya nikuba nibaswaana buyumu-yumu; tabazumizyi kufumbwa chintu kuti chibakachizye kuzuzikizya makanze aabo. Pesi bantu batalilemeki chiindi chiingi babona tuntu tuniini tubakataazya kachili chintu chipati nchibatakonzyi kuzunda. Eezi zipa kuti kubayumine kulisimya.
NZUKONZYA KUCHITA
Mvwanana aabantu balikabotu. Mvwanana aabantu balemeka, balaandaba anduwe alubo baambuula zikuyaka.
Gwasya bamwi. Kuti kubachitila zintu zibotu bamwi kuswaanizya abaabo mbuzi kuti tabakonzyi pe kukuchitila zintu eezyo, ulakonzya kujana kubotelwa kwachoonzyo kweetwa aakaambo kakupa. Ulakonzya kubotelwa nikuba kuti bantu mbwaachitila zintu zibotu teebakulumba.
Gwasya bana bako kuti balilemeke. Imwi nzila mbukonzya kuzichita, nkubalekela kuti babambulule penzi kabali aabalikke kuti kabakonzya kuchita oobo. Eezi zilabagwasya kuti bayiye mbubakonzya kulisimya akubambulula penzi eelyo. Kuti bachita zintu eezi, balalilemeka alubo zizoobagwasya lubo nibakomena.
ZILIKUCHITWA AABAKAMBONI BAJEHOVA
Miswaangano yaBakamboni baJehova amabambe aakwiiya Bbayibbili agwasya bantu kuti babotelwe mubuumi akuti balilemeke.
MISWAANGANO YESU IICHITWA MVIKI AMVIKI
Kumiswaangano yesu iichitwa mviki amviki, nga twaswiilizya nkani zizwa muBbayibbili, nkani eezyo chiindi chiingi nga zyaambuula atala ambutukonzya kulilemeka. Miswaangano yesu injilwa mahala alubo muntu woonse ulaangunukide kusika. Muchikozyano, kumiswaangano yesu uyooyiya nkani ziti . . .
-
ulayandikana na kuli leza?
-
ukanzide kuchitaanzi mubuumi?
-
mbukonzya kujana beenzinyokwe akukkala kamumvwanana
Alubo uyoojana beenzinyokwe bachoonzyo ‘bagwasyania.’—1 Bakkorinte 12:25, 26.
Kuti wiiye zyiingi atala amiswaangano yesu, yanduula kavidiyo kati, Niinzi Cicitika kuN’anda yaBwaami? aajw.org.
KWIIYA BBAYIBBILI
Tuyiisya bantu Bbayibbili katutabbadalisyi pe katubelesya bbuku liti, Mbukonzya Kubotelwa Mubuumi Kukabe Kutamani! Bbuku eeli lili aamavesi aali aatwaambo tupati, lilamvwisisika, lili aamibuzyo iipa kuti muntu ayeeyesesye, lili aamavidiyo aasika aamoyo alubo lili aazifanikisyo zibotu. Kwiiya Bbayibbili kugwasya bantu kuti balemekeke akuti babe aabuumi bulikabotu.
Bona kwiiya Bbayibbili aBakamboni baJehova mbukukonzya kukugwasya, yanduula kavidiyo kati, Nkamboonzi Nitweelede Kwiiya Bbayibbele? aajw.org.
You May Also Like
ATALA ANDISWE
Kumbila Kuswayigwa
Mwaambuule atala amubuzyo wamuBbayibbili, naakuti yiya zyiingi atala aBakamboni baJehova.
ATALA ANDISWE
Njila Miswaangano
Ziba zyiingi atala amiswaangano yesu. Jana ndawu iinjililwa miswaangano ili afwiifwi ankukkala.
