ZIGWASYA BAKWETENE
4: Kulekelelana
CHAMBAANZI?
Kulekelela chaamba kuluba zintu zyoonse mweenzinyokwe nzyaakubisizya. Kulekelela tachaambi kuti wawubaansya naakuti kuchitaanga takwe chibi chachitika.
NZILYAAMBA BBAYIBBELE: “Amukazikilane myoyo yanu akulekelelana, na umwi ulijisi kaambo kumweenzinyina.”—BaKolose 3:13.
“Kuti kumuyanda muntu, tulangi zibi nzyachita pe pesi unoolanga zibotu nzyalikweezya kuchita.”—Aaron.
NKAMBOONZI NIKUYANDIKANA?
Kukkala kunyemede kulakonzya kupa kuti uchiswe akuti ukataazikane mumizeezo alubo kunyongania lukwatano lwanu.
“Limwi zuba mulumaangu wakakumbila lulekelelo naakandinyemya. Kwakali kundiyumina kumulekelela. Ndakazoomulekelela pesi ndakalisola nkaambo teendakafwambaana pe kumulekelela. Eezi zyakapa kuti tutamvwanani kabotu mulukwatano lwesu.”—Julia.
NZUKONZYA KUCHITA
LILANGE-LANGE
Ngukwetenaawe naazookwaambila naakuti kukuchitila chintu chikunyemya, uzoolibuzye kuti:
-
‘Ndilafwambaana na kunyema?’
-
‘Nzyaandibisizya nzipati na zyakuti weelede kukumbila lulekelelo naakuti ndilasiyana aazyo luzutu?’
WAMBUUZYANIA MIBUZYO IITOBELA ANGUKWETENAAWE
-
Tutola chiindi chilamfu biyeni kuti tulekelelane?
-
Tweelede kuchitaanzi kuti tufwambaane kulekelelana?
ZIKONZYA KUMUGWASYA
-
Kuti mweenzinyokwe wakunyemya, utafwambaani kumuyeeyela zintu zitali kabotu.
-
Yezya kulekelela ngukwetenaawe, akuyeeya kuti “toonse tulalubya muziyanza zinji.”—Jakobo 3:2.
“Nkuuba kulekelelana kuti toonse twabisya pesi nkuyumu kuti nguumwi wabisya. Ziyanda kulibombya kuti ukonzye kumulekelela mweenzinyokwe.”—Kimberly.
NZILYAAMBA BBAYIBBELE: “Fwambaana kuzuminana [amweenzinyokwe].”—Matayo 5:25.
Kukkala kunyemede kulakonzya kupa kuti uchiswe akuti ukataazikane mumizeezo alubo kunyongania lukwatano lwanu
