Lufu Luzoomana Biyeni?
NIKUBA kuti kutaswiilila kwabazyali besu bakusaanguna Adamu aEva kwakeeta chibi alufu kubantu boonse pesi Leza taakachincha pe makanze aakwe. Mujwi lyakwe Bbayibbele muli mavesi miingi aatondeezya kuti Leza tachinchide pe makanze aakwe.
-
“Balulami bayookona nyika, alimwi bayookkala alinjiyo lyoonse mane kukabe kutamani.”—Intembauzyo 37:29.
-
“Uyoolumena lufwu mane kukabe kutamani, alimwi Mwami Singuzuzyoonse Jehova uyoosindula misozi kumasyu oonse.”—Isaya 25:8.
-
“Sinkondo wamamanino uuyoonyonyoonwa, ndufwu.”—1 Bakorinto 15:26.
-
“Lufwu talukabi limbi, akwalo koomoka, kulila nokuba kucisa takukabi limbi pe.”—Ciyubunuzyo 21:4.
Leza “uyoolumena” biyeni lufu naakuti kulumaninsya? Mbuuli mbutwabona Bbayibbele liti, “balulami bayookona nyika, alimwi bayookkala alinjiyo lyoonse mane kukabe kutamani.” Alubo lyaamba kuti, taakwe “muntu mululami munyika uucita buyo zibotu lyoonse kakunyina kubisya.” (Mukambausi 7:20) Eezi zyaamba kuti milawu yaLeza tichikabeleki na kachitila kuti basizibi bakajane buumi butamani? Inoobeleka nkaambo ‘Leza tabeji pe.’ (Tito 1:2) Animpo Leza uyoolumana biyeni lufu?
LEZA “UYOOLUMENA LUFWU MANE KUKABE KUTAMANI.”—ISAYA 25:8
LEZA UYOOBELESYA CHINUNUZYO KUMANINSYA LUFU
Jehova Leza wakatondeezya luyando kwiinda mukupa chinunuzyo kuti avune bantu kulufu. Chinunuzyo nimbadalo weendelana azintu zyakasweeka naakuti zyakapambanika. Akaambo kakuti bantu boonse balaachibi, Bbayibbele lyaamba kuti:“Kunyina naba omwe wabo uukonzya kunununa mwanookwabo nokuba kupa Leza cinunuzyo cakwe, (muulo wakunununa buumi bwabo ngwaatala kapati cakuti lyoonse tabaukonzyi pe).”—Intembauzyo 49:7, 8
Kuti muntu ulaachibi wafwa, ngawabbadala zibi zyakwe luzutu, takonzyi pe kunununa bamwi nikuba kulinununa lwakwe. (Baroma 6:7) Twakali kuyanda muntu uutakwe chibi pe kuti chiindi naafwa atabbadali zibi zyakwe pesi abbaddale zibi zyesu.—Bahebrayo 10:1-4.
Eezi nzizyo nzyaakachita Leza. Wakatuma Mwanaakwe Jesu kuti aze aanyika. Jesu wakazyalwa katakwe chibi. (1 Petro 2:22) Jesu wakaamba kuti wakaza aanyika kuti azoope “buumi bwakwe kuti bube cinunuzyo cakununuzya banji.” (Marko 10:45) Wakafwa kuti abbadale zibi zyesu kuchitila kuti tukonzye kunununwa kuzwa kulufu.—Johane 3:16.
LUFU LUZOOMANA LILI?
Bupolofita bwamuBbayibbele bwakuti “kuyooba ziindi zikatazya ncobeni” bulikuzuzikizigwa mazubaano, zitondeezya kuti tulikupona “kumazuba aamamanino.” (2 Timoteyo 3:1) Mazuba aakumamanino ayoomana “mubuzuba bwalubeta abwalunyonyooko lwabantu basampaula Leza.” (2 Petro 3:3, 7) Pesi bantu baswiilila Leza bayoofutuka akujana “buumi butamani.”—Matayo 25:46.
Jesu wakaza aanyika kuti azoope “buumi bwakwe kuti bube cinunuzyo cakununuzya banji.”—Marko 10:45
Kuyungizya waawo, kuli amwi mamiliyoni aabantu bakafwa bayoobusigwa kuti bajane buumi butamani. Jesu wakachita chigambyo chakubusya muntu uufwide chiindi naakaswaayide muunzi waNayini. Mwana wamukamufu naakafwa, Jesu “wakamufwida Luka 7:11-15) Mwaapostolo Pawulu wakaamba kuti: “Ndilijisi bulangizi kuli Leza . . . bwakuti kuyooba bubuke bwabantu baluleme abataluleme.” Bulangilizi oobu butondeezya kuti Leza ulabayanda bantu.—Milimo 24:15.
luzyalo” mpawo wakamubusya. (Mabbiliyoni aabantu balangilila kuzoopona kukabe kutamani. Bbayibbele lyaamba kuti: “Balulami bayookona nyika, alimwi bayookkala alinjiyo lyoonse mane kukabe kutamani.” (Intembauzyo 37:29) Muchiindi eecho bayoobona kuzuzikizigwa amajwi aabotezya kawumbulizya akaambwa amwaapostolo Pawulu muminyaka iili 2 000 yayinda aakuti: “O lufwu, ino luli kuli luzundo lwako? O lufwu, ino luli kuli lumoola lwako?” (1 Bakorinto 15:55) Lufu sinkondonyina wabantu unooli wamaninsigwa!