Chiiyo 18
Atusungwaazyanie Kumiswaangano Yambungano
“Atuyeeyane . . . , tusungwaazyanie.”—HEB. 10:24, 25.
LWIIMBO 88 Kondipa Kuzyiba Nzila Zyako
ZITAYIIGWE a
1. Nkamboonzi nitusandula kumiswaangano yambungano?
NKAMBOONZI nitunjila miswaangano yambungano? Kaambo kakusaanguna nkakuti tuyanda kutembawula Jehova. (Int. 26:12; 111:1) Alubo tunjila miswaangano kuchitila kuti tusungwaazyanie muziindi eezino ziyumu. (1 Tes. 5:11) Chiindi nitutambika kuti tusandule, ngatuli kutondeezya kuti tuyanda kutembawula Jehova akusungwaazyania.
2. Ndiilili nitukonzya kusandula kumiswaangano?
2 Mviki amviki tujana myeenya yakuti tusandule kumiswaangano yambungano. Muchikozyano, kumamanino aamviki, tulasandula nikuchitwa Chiiyo chaNgaziyakulinda. Aamiswaangano yaakati kamviki, tulasandula aachipanzi chaKuyanduula Lubono muJwi lyaLeza, aChiiyo chaBbayibbele chaMbungano anikuchitwa zimwi zipanzi zyakwaambuuzyania.
3. Niinzi zikonzya kutuyumina kuti tusandule alubo lugwalo lwa Mahebberu 10:24, 25 lutugwasya biyeni?
3 Toonse tuyanda kutembawula Jehova akusungwaazya bakombima. Pesi chiindi nitusandula, kuli zintu zikonzya kuchitika. Tulakonzya kuyoowa kusandula naakuti tulakonzya kuba aachiyandisyo chakusandula kwaziindi zyiingi pesi katutali kwaambwa pe kuti tusandule. Niinzi zikonzya kutugwasya muzyiimo eezi? Nsandulo tulakonzya kwiijana mulugwalo lwamwaapostoli Pawulu ndwaakalembela maKkristu bachiHebberu. Naakali kwaambuula atala ambukuyandikana kubunganaamwi, wakaamba kuti makanze eesu ngakuti “tusungwaazyanie.” (Bala Mahebberu 10:24, 25.) Kuti twabona kuti bamwi balasungwaazigwa ansandulo zyesu zifwiifwi, tulaba aachiyandisyo chakusandula kwaziindi zyiingi. Pesi kuti teetwaambwa kuti tusandule nikuba kuti twatambika kwaziindi zyiingi, tulakonzya kubotelwa kuti bamwi ngabajana myeenya yakuti basandule.—1 Pet. 3:8.
4. Tulalanga-langaanzi muchiiyo eechi?
4 Muchiiyo eechi, tulasaanguna kulanga-langa mbutukonzya kusungwaazyania mumbungano niini zili aabantu bache basandula. Alubo tulabona mbutukonzya kusungwaazyania mumbungano zipati zili aabantu biingi basandula. Kumamanino, tulabona mbutukonzya kusungwaazya bamwi amajwi ngitubelesya chiindi nitupa nsandulo zyesu.
ATUSUNGWAAZYANIE NIKUBA MUMBUNGANO ZINIINI
5. Niinzi nzukonzya kuchita kuti usungwaazye bamwi kuti kamuli bache mumbungano?
5 Mumbungano ziniini naakuti mutubunga, ngamuli bantu bache basandula. Chimwi chiindi, sikuchitisya ngawalindila kuti umwi muntu atambike. Miswaangano iliboobu ilakonzya kutubbowa alubo tayisungwaazyi pe. Niinzi nzukonzya kuchita? Ba aachiyandisyo chakutambika kwaziindi zyiingi. Kuti wachita oobo, ulapa kuti bamwi batambike kwaziindi zyiingi.
6-7. Niinzi nzitweelede kuchita kuti tutayoowi loko chiindi nituyanda kusandula?
6 Niinzi nzweelede kuchita kuti kuyoowa kusandula? Teezyeenzu pe kubantu biingi. Pesi kuti ukonzye kusungwaazya bakombinyokwe, yanduula nzila zikonzya kukugwasya kuti utayoowi loko pe nusandula. Nga ulazichita biyeni?
7 Kulanga-langa tumwi twaambo twakapupululwa mumamagazini aaNgazizyakulinda zyakayinda kulakonzya kukugwasya. b Muchikozyano, kamwi kaambo nkakuti weelede kulibambila. (Tus. 21:5) Kuti waziziba kabotu zintu nzimuyooyiya kumiswaangano, kulakonzya kukuubila kuti utambike kwaziindi zyiingi kuti usandule. Alubo pa nsandulo mfwiifwi. (Tus. 15:23; 17:27) Nsandulo mfwiifwi ikugwasya kuti utayoowi pe. Alubo igwasya bakombinyokwe kuti bajate kaambo kayandikana pesi nsandulo ndamfu nga ilaatwaambo twiingi zyakuti bakombinyokwe balatubula twaambo tuyandikana. Kuti wapa nsandulo mfwiifwi mumajwi aako, nga ulikutondeezya kuti wakalibambila kabotu akuti wakachimvwisisisya chiiyo nchimuli kwiiya.
8. Jehova umvwa biyeni kuti twabeleka changuzu kuti tusandule?
8 Niinzi nzukonzya kuchita kuti wabona kuti uchiyoowa loko kusandula kwaziindi zyiingi nikuba kuti weezya kubelesya zintu zyaambwa aajulu? Ba aachoonzyo chakuti Jehova ulazilumba zintu zyoonse nzukonzya kuchita. (Lk. 21:1-4) Jehova talangilili kuti uchite zyiingi zyiinda nzukonzya. (Flp. 4:5) Chita nzukonzya mpawo ukombe kukumbila Jehova kuti akugwasye kuti ubatame. Makanze aako aabe akupa nsandulo mfwiifwi.
ATUSUNGWAAZYANIE NIKUBA MUMBUNGANO ZIPATI
9. Nkamboonzi nikukonzya kutuyumina kusandula mumbungano zipati?
9 Kuti mumbungano yanu kamuli basikupupulula biingi, ulakonzya kuswaana buyumu-yumu busiyene ambubaswaana banjila aambungano ziniini. Kulakonzeka kuti basikupupulula biingi ngabali kutambika kwaziindi zyiingi kuti basandule pesi iwe kutali kwaambwa pe kuti usandule nikuba kuti ngawatambika twiingi. Muchikozyano, Danielle ulabotelwa akusandula kumiswaangano. c Kusandula ukubona kachili chipanzi chabukombi, kayili nzila yakusungwaazya bakombinyina alubo kumugwasya kuti asimye lusyomo lwakwe akasimpe kamuBbayibbili. Pesi naakalongela kumbungano mpati, wakali kwaambwa kwaziindi ziche kuti asandule alubo chimwi chiindi muswaangano woonse wakali kumana kataambidwe pe kuti asandule. Wakati: “Ndakanyema loko. Ndakalimvwa mbuli kuti teendakajana mweenya wakutembawula Jehova akusungwaazya bakombima. Kuti zyachitika kwaziindi zyiingi, ngawasaanguna kubonaanga sikuchitisya uchita aachaali.”
10. Niinzi nzitukonzya kuchita kuti tujane myeenya yakusandula kumiswaangano?
10 Zyakakuchitikila na anduwe zintu zyaambwa aaDanielle? Ulakonzya kuyeeya kuleka kusandula kumiswaangano kuyanda kunooswiilizya kupela. Pesi utaleki pe kusandula. Niinzi nzukonzya kuchita? Ulakonzya kulibambila nsandulo zyiingi amuswaangano umwi awumwi. Kuti teewaambwa pe kuti usandule kumasaangunino aachiiyo, ulakonzya kujana umwi mweenya wakuti usandule chiindi nimuli kuchita chiiyo eecho. Kuti kulikulibambila Chiiyo chaNgaziyakulinda, yeeya mafuka mbaanjililana amutwe wachiiyo. Kuti wachita oobo, tuzibuli pe zintu zyakwaamba kumiswaangano. Kuyungizya aalizeezi, ulakonzya kulibambila mafuka aali aanjiisyo zyamuBbayibbili ziyumu kupandulula. (1 Kor. 2:10) Nkamboonzi? Nkaambo mbantu bache batambika kuti basandule azipanzi ziliboobu. Niinzi zimwi nzukonzya kuchita kuti kutajani mweenya wakuti usandule nikuba kuti weezya kubelesya nzila eezi? Ulakonzya kwaambuula aasikuchitisya miswaangano kayitanasaanguna pe mpawo umubuzye fuka nduyanda kusandula.
11. Lugwalo lwa Bafilipi 2:4 lutusungwaazya kuti tuchiteenzi?
11 Bala Bafilipi 2:4. Kazulwidwa aamuuya uusalala, mwaapostoli Pawulu wakasungwaazya maKkristu kuti babikkile maanu kuzintu ziyandwa aabamwi. Nga tulaabelesya biyeni malayilile aaya nituli kumiswaangano? Tweelede kukkala katuyeeya kuti bakombima ambabo bayanda kujana mweenya wakusandula.
Pa bamwi mweenya wakuti basandule kumiswaangano mbuli mbuchita kuti kuzuwa abamwi (Langa fuka 12)
12. Niinzi nzitukonzya kuchita kuti tupe kuti bakombima balimvwe kabayandikana kumiswaangano? (Langa chifanikisyo.)
12 Kuti kulikuzuwa abeenzinyokwe, uyanda kuba nduwe unoowaambuula kupela na bamwi kabataambuuli pe? Teembuyanda pe. Uyanda kuti ambabo bajane mweenya wakunoowaambuula. Munzila iikozyenie, nituli kumiswaangano tuyanda kuti bamwi bajane mweenya wakusandula kuchitila kuti ambabo basungwaazye bakombinyina. (1 Kor. 10:24) Atubone mbutukonzya kuzichita.
13. Niinzi nzitukonzya kuchita kuti tupe bamwi mweenya wakusandula?
13 Chimwi chintu nchitukonzya kuchita, nkukkala katupa nsandulo mfwiifwi kuchitila kuti tupe bamwi mweenya wakusandula. Baalu abamwi basikupupulula basimide mubukombi beelede kuba chikozyano munkani eeyi. Nikuba chiindi nupa nsandulo mfwiifwi, utaambi twaambo toonse tuli mufuka. Kuti waamba twaambo toonse tuli mufuka, bamwi balabula chakwaamba. Mufuka eeli, twabona twaambo tubili kupela tuswaanizya kupa nsandulo mfwiifwi akutaamba twaambo toonse tuli mufuka. Kuti waba nduwe nwaasaanguna kwaambwa kuti usandule mufuka ndileeli, yezya kwaamba kaambo kamwi mpawo usiile bamwi.
Ndiilili nitukonzya kusala kutatambika kumiswaangano? (Langa fuka 14) f
14. Niinzi nzitweelede kuchita kuti tutapi kuti bamwi baleke kusandula? (Langa chifanikisyo.)
14 Ziba chiindi chakutambika kuti usandule. Kuti katutambika loko, tulakonzya kupa kuti sikuchitisya kanoowaamba ndiswe kwaziindi zyiingi nikuba kuti bamwi ngatabanajana mweenya wakusandula pe. Eezi zilakonzya kubabbowa bamwi akupa kuti baleke kusandula.—Muk. 3:7.
15. (a) Niinzi nzitweelede kuchita kuti teetwaambwa pe kuti tusandule? (b) Niinzi nzibeelede kuchita basikuchitisya kuti babikkile maanu kubantu boonse? (Langa kabbokesi kati “ Kuti Kuchitisya Chiiyo.”)
15 Kuti basikupupulula biingi kabatambika kuti basandule nikuchitwa chimwi chiiyo, tulakonzya kutajana mweenya wakuti tusandule kwaziindi zyiingi. Chimwi chiindi, sikuchitisya ulakonzya kutatwaamba pe kuti tusandule kusikila chimane chiiyo eecho. Eezi zilakonzya kutubbowa pesi tatweelede kunyema pe kuti zyatuchitikila.—Muk. 7:9.
16. Nga tulabasungwaazya biyeni bamwi kuti basandula kumiswaangano?
16 Kuti teewajana mweenya wakusandula kwaziindi zyiingi, ulakonzya kuswiilisisya bamwi nibanoosandula mpawo niyamana miswaangano ubalumbe akaambo kansandulo zyabo zisungwaazya. Bakwesu abachizi balasungwaazigwa kuti wabalumba mbuli mbubali kukonzya kusungwaazigwa aansandulo zyako kaansinga wajana mweenya wakusandula. (Tus. 10:21) Kulumba bamwi njiimwi nzila yakusungwaazyania.
ZIMWI NZILA ZYAKUSUNGWAAZYANIA
17. (a) Bazyali ngabalabagwasya biyeni bana babo kuti balibambile nsandulo zyeendelana aaminyaka yabo? (b) Kweendelana akavidiyo, nziizili zintu zili 4 nzibeelede kuchita nibalibambila nsandulo? (Langa makani aamunsi.)
17 Kuli zimwi nzila mutukonzya kusungwaazyania kumiswaangano. Kuti kuli muzyali, gwasya bana bako kuti balibambile nsandulo zyeendelana aaminyaka yabo. (Mt. 21:16) Chimwi chiindi, kumiswaangano nga twayiya nkani zipati zili mbuli mapenzi aamulukwatano ankani zyakulijata, pesi kunooli mafuka bana ngibakonzya kusandula. Alubo gwasya bana bako kuti bamvwisisisye kuti nkamboonzi chimwi chiindi nibataambwi kuti basandule nikuba kuti ngabatambika. Kubapandulwida makani aaya kulakonzya kubagwasya kuti batanyemi chiindi nikwaambwa bamwi kuti basandule kutali mbabo.—1 Tim. 6:18. d
18. Niinzi nzitweelede kuchita kuti tutaambuuli zintu zyiingi loko atala andiswe nitusandula? (Tusimpi 27:2)
18 Toonse tuyanda kulibambila nsandulo zipa kuti Jehova alemekwe alubo zisungwaazya bakombima. (Tus. 25:11) Chimwi chiindi tulakonzya kwaamba zintu zyakatuchitikila mubuumi, pesi tatweelede kwaamba zintu zyiingi loko zili atala andiswe. (Bala Tusimpi 27:2; 2 Kor. 10:18) Chiindi nitwaamba zintu zyakatuchitikila, tweelede kuba aachoonzyo chakuti twaamba zintu zitondeezya mbutwakagwasigwa aJehova, Jwi lyakwe abakombima. (Chi. 4:11) Kuti mubuzyo kuuyanda kuti twaambe zintu zyakatuchitikila mubuumi, kulikabotu kuti tuchite oobo. Atubone amwi malayilile mufuka litobela.
19. (a) Niinzi zikonzya kuchitika kuti twababikkila maanu bamwi kumiswaangano? (Baroma 1:11, 12) (b) Niinzi zikubotezya atala ankani yakusandula kumiswaangano?
19 Nikuba kuti taakwe milawu iili aantanganana iili atala ambutweelede kusandula, toonse tulakonzya kuchita zintu zisungwaazya bamwi. Muchikozyano, amwi tulakonzya kusandula kwaziindi zyiingi. Tulakonzya kutondeezya kulumba amyeenya njitwajana kuti tusandule alubo tulabotelwa kuti bakombima ambabo bajana mweenya wakusandula. Kuti twabikkila maanu kuzintu ziyandwa aabamwi kumiswaangano yambungano, toonse tulakonzya ‘kusungwaazyania.’—Bala Baroma 1:11, 12.
LWIIMBO 93 Kotuleleka Twaswaangana
a Tulasungwaazyania kumiswaangano chiindi nitupa nsandulo. Nikuba oobo, bamwi balayoowa kupa nsandulo. Bamwi bali aachiyandisyo chakusandula alubo ngabalombozya kuti kaansinga ngabasandula kwaziindi zyiingi. Kufumbwa mbutulimvwa, nga tulatondeezya biyeni kuti tulabayeeya bamwi kuchitila kuti toonse tusungwaazigwe? Alubo ngatulachita biyeni kuti tupe nsandulo ziyaka bakombima alubo zipa kuti bachite milimu mibotu? Mibuzyo eeyi ilasandulwa muchiiyo eechi.
b Kuti ujane amwi makani aakonzya kukugwasya, langa Ngaziyakulinda yamuJanuary 2019, pp. 8-13.
c Mazina akachinchwa.
d Yebela kavidiyo aajw.org kati Bamweenzinyina waJehova—Libambile Mbutasandule.
e Langa Ngazi Yamulindizi yamuJuly 15, 2013, p. 32; aNgaziyakulinda yaChikuwa yamuSeptember 1, 2003, pp. 21-22.
f BUPANDULUZI BWACHIFANIKISYO: Mukwesu uunjila aambungano mpati wasandula kale alubo lino ulikupa bamwi mweenya wakuti basandule.
