1. Jehova uyanda kuti tuchiteenzi?

 MWAALUMI amwanakazi balabotelwa chiindi nibaba aamwana. Pesi nikuba kuti bazyali aaba balamuyanda mwanaabo uuchizwa aakutumbukwa, tabayandi pe kuti akkale kali mutete kwabuumi bwakwe boonse. Balakataazikana loko kuti mwanaabo taakomena pe. Munzila iikozyenie, Jehova ulabotelwa chiindi nitubweza ntaamu zyakusaanguna kuti tube batobeli baJesu, pesi tayandi pe kuti tukkale katuli bana mubukombi. (1 Kor. 3:1) Uyanda kuti ‘tube bapati’ mubukombi.—1 Kor. 14:20.

2. Tulalanga-langaanzi muchiiyo eechi?

² MuKkristu waba mupati mubukombi ulibiyeni? Tukomena biyeni mubukombi? Chakulya chisimide chamubukombi chitugwasya biyeni kuti tukomene? Alubo nkamboonzi nituteelede kuyeeya kuti twakakomena kale mubukombi akuti taachikwe nchitucheelede kuchita pe kuti tusimye bweenzuma aJehova? Muchiiyo eechi, tulasandula mibuzyo eeyi.

MUKKRISTU WABA MUPATI MUBUKOMBI ULIBIYENI?

3. MuKkristu waba mupati mubukombi ulibiyeni?

³ MuBbayibbili, bbala lyachiGrikki lyakasandululwa kuti ‘mupati’ lilakonzya kwaamba kuti ‘wakomena.’ a (1 Kor. 2:6) Tuba bapati naakuti tulakomena mubukombi chiindi nitubeleka changuzu kuti tusimye bweenzuma mbutulaabo aJehova. Nikuba kuti twakomena mubukombi, pesi tweelede kwiinkilila kunembo kusimya bweenzuma bwesu aJehova. (1 Tim. 4:15) Toonse, bapati abaniini tulakonzya kukomena mubukombi. Pesi, niinzi chitondeezya kuti muKkristu wakomena mubukombi?

4. Niinzi zitondeezya kuti muKkristu wakomena mubukombi?

⁴ MuKkristu wakomena mubukombi upona kweendelana azintu  zyoonse nzyayanda Leza kuti achite alubo tasali pe malayilile ngayelede kuswiilila. Akaambo kakuti ulaachibi, chimwi chiindi ulapambanisya. Pesi zintu nzyachita anzyayeeya buzuba-abuzuba zilatondeezya kuti upona kweendelana akuyanda kwaLeza. MuKkristu wakakomena mubukombi wakazwaata buntu bupya alubo ubeleka changuzu kuti abone zintu mbuli mbazibona Jehova. (Ef. 4:​22-24) Wakaliyiisya kusala kabotu zintu kweendelana amilawu yaJehova amalayilile aakwe. Talindili kupegwa milawu kuti azibe nzyayelede kuchita. Kuti wasala kuchita chimwi chintu, ubeleka changuzu kuti achite kweendelana anzyaasala.—1 Kor. 9:​26, 27.

5. Mbuyumu-yumuunzi mbwakonzya kuswaana muKkristu uutakomeni pe mubukombi? (Ba-efeso 4:​14, 15)

⁵ MuKkristu uutakomeni mubukombi nkuuba kuti ayenwe ‘aabuchenjezu bwabantu anzila zyalweeno.’ Alubo ulafwambaana kuzumina makani aakubeja aapupululwa munyuuzi, aa-intaneti naakuti aambwa aabasiluleyo. b (Bala Ba-efeso 4:​14, 15.) Muntu uuli boobu ulakonzya kuba aabbivwe, kuyandisya zyakulwana, kufwambaana kunyema alubo kuti wasunkwa ulafwambaana kulida.—1 Kor. 3:3.

6. Nkamboonzi nitukonzya kweezyanisya kukomena nkwachita mwana akukomena nkwachita muKkristu mubukombi? (Langa chifanikisyo.)

⁶ Mbuli mbutwabona mumafuka aakusaanguna, Magwalo akozyanisya kukomena nkwachita muKkristu mubukombi akukomena nkwachita mwana. Mwana takwe luzibo lwiingi pe, nkinkaako, nga uyanda kukwabililwa akuzulwidwa aamuntu mupati. Muchikozyano, bayina balakonzya kubuzya mwanaabo musimbi uuchili muniini kuti abajate kukuboko chiindi nibayanda kuzubuka naakuti kutaaluka mugwagwa. Mwana ooyo nayabukomena, bayina balamuzumizya kuzubuka mugwagwa kali alikke pesi banoomuyeezya kuti kasaanguna kulanga kumabazu woonse katanazubuka mugwagwa. Mwana ooyo naaba muntu mupati, nga waabuziba nzyayelede kuchita aalikke kuti atanjili mungoozi. Munzila iikozyenie, mbuli mwana uutanakomena mbayanda kugwasigwa kuti atanjili mungoozi, mbukubede akumaKkristu batanakomena mubukombi, nga bayanda kugwasigwa aamaKkristu bakomena mubukombi kuti batazumizyi kufumbwa chintu kuti chipambanisye bweenzinyina bwabo aJehova akuti basale  kabotu. Pesi nibakomena mubukombi, beelede kubelesya malayilile aamuBbayibbili kuti babone kuti Jehova uzibona biyeni zintu nzibayanda kusala. Alubo beezye kubeleka changuzu kuti bachite zintu kweendelana anzibanga basala.

7. Kuti muKkristu wakomena mubukombi zyaamba kuti tachiyandi kugwasigwa aabamwi na?

⁷ Kuti muKkristu wakomena mubukombi, zyaamba kuti tachiyandi kugwasigwa aabamwi na? Teembubo pe. Chimwi chiindi maKkristu bakomena mubukombi balakonzya kukumbila kugwasigwa aabamwi. Pesi muKkristu uutanakomena mubukombi ulakonzya kulangilila kuti bamwi bamubuzye nzyayelede kuchita naakuti bamusalile zintu nzyayelede kulisalila alikke. Nikuba oobo, chiindi muKkristu wakomena mubukombi nakumbila kugwasigwa aabamwi bali aabusongo aluzibo lwiingi, nga ulizi kuti Jehova uyanda kuti alinyampwide “mukuli wakwe” alikke.—Gal. 6:5.

8. MaKkristu bakomena mubukombi basiyene biyeni?

⁸ Mbuli bantu bapati boonse mbubasiyene, ambabo maKkristu bakomena mubukombi bali aabuntu busiyene. Muchikozyano, bamwi bali aabusongo, bali aachibindi, balapa alubo bali aalweetelelo. Mukuyungizya, chiindi maKkristu babili bakomena mubukombi nibaswaana chiimo chikozyene, balakonzya kusala zintu zisiyene pesi kazyeendelana amalayilile aamuBbayibbili. Eezi nzizyo zikonzya kuchitika kapati nibasala zintu kweendelana amyoyo yabo. Kuziba zintu eezi kubagwasya kuti batabeteki bamwi nibasala zintu zisiyene anzibasala. Pesi bachita zintu zipa kuti bakkale kabajisini.—Rom. 14:10; 1 Kor. 1:10.

TUKOMENA BIYENI MUBUKOMBI?

9. Zilalichitikila na kuti tukomene mubukombi? Pandulula.

⁹ Chiindi nichiyoobweenda, mwana ulakomena akuba muntu mupati pesi muKkristu takomeni pe mubukombi kuti taachita zintu zipa kuti akomene. Muchikozyano, bakwesu abachizi bakuKkorinte bakatambula makani mabotu, bakabbabbatizigwa, bakatambula muuya uusalala alubo bakagwasigwa azintu nzyaakabayiisya mwaapostoli Pawulu. (Mil. 18:​8-11) Pesi nikwakayinda minyaka kabali babbabbatizigwa, biingi teebakayinakomena pe mubukombi. (1 Kor. 3:2) Niinzi nzitukonzya kuchita kuti eezi zitatuchitikili pe andiswe?

10. Niinzi nzitweelede kuchita kuti tukomene mubukombi? (Juda 20)

¹⁰ Kuti tukomene mubukombi, tweelede kusaanguna kubelekela kuba aachiyandisyo chakuti tukomene. Aabo bayandisya “kubula luzyibo,” nkukwaamba aabo bayanda kukkala kabali batete mubukombi tabazookonzyi pe kukomena mubukombi. (Tus. 1:22) Tatuyandi pe kuba mbuli muntu mupati uutayandi pe kulichitila milimu yakwe alubo uuyanda kuti kasalilwa zyakuchita abazyali bakwe. Pesi tuyanda kuti tuchite milimu yesu atulikke kuchitila kuti tukomene mubukombi. (Bala Juda 20.) Kuti kuli kubelekela kuti ukomene mubukombi, komba kuli Jehova kuti akugwasye kuti ube “aachiyandisyo amanguzu aakuchita zintu.”—Flp. 2:13.

11. Jehova wakatupaanzi kuti atugwasye kuti tukomene mubukombi? (Ba-efeso 4:​11-13)

¹¹ Jehova talangilili kuti tukomene mubukombi atulikke. Aabo babeleka kabali beembeli naakuti kabali bayiisi mumbungano yachiKkristu, balilibambilide kutugwasya kuti tukomene mubukombi “kusikila tusike aakuba aachiimo chizwide chaKkristu.” (Bala Ba-efeso 4:​11-13.) Alubo Jehova utupa muuya uusalala kuti atugwasye kuti tube “aamizeezo yaKkristu.” (1 Kor. 2:​14-16) Mukuyungizya, Leza wakatupa mabbuku aaMakani Mabotu aali 4 aatutondeezya mbaakali kuyeeya Jesu, mbaakali kwaambuula azintu nzyaakali kuchita chiindi naakali kuchita mulimu wakwe waanyika. Kutobelezya nzila njaakali kuyeeyaayo Jesu anjaakali kuchitaayo zintu kulakonzya kutugwasya kuti tukomene mubukombi.

 MUTUGWASIGWA ACHAKULYA CHISIMIDE CHAMUBUKOMBI

12. Njiisyo “yakusaanguna iili atala aKkristu” iswaanizyaanzi?

¹² Kuti tukonzye kukomena mubukombi, tweelede kuba aanjiisyo ‘yiinda njiisyo yakusaanguna iili atala aKkristu.’ Zimwi njiisyo eezi zili atala akusanduka, lusyomo, kubbabbatizigwa akubusigwa kwabantu bafwide. (Heb. 6:​1, 2) Njiisyo eezi zyakusaanguna nzizyo nzibeelede kuziba maKkristu boonse. Akaambo kakaambo aaka, mwaapostoli Petro wakaambuula atala anjiisyo eezi chiindi naakali kukambawukila bantu aaPentekkosti. (Mil. 2:​32-35, 38) Tweelede kusyoma njiisyo eezi zyakusaanguna kuchitila kuti tube basikwiiya baKkristu. Muchikozyano, Pawulu wakatuchenjezya kuti kufumbwa muntu uukaka njiisyo yakubusigwa kwabantu bafwide, takonzyi pe kulyaamba kuti ngusikwiiya waKkristu. (1 Kor. 15:​12-14) Nikuba oobo, tatweelede kukkutisikana aakuba aanjiisyo zyakusaanguna kupela.

13. Niinzi nzitweelede kuchita kuti tugwasigwe achakulya chamubukombi chisimide chaambidwe muli Mahebberu 5:14? (Langa chifanikisyo.)

¹³ Kusiyana anjiisyo yakusaanguna, chakulya chamubukombi chisimide chiswaanizya milawu yaJehova amalayilile aakwe aatugwasya kuti tumvwisisisye nzyayeeya. Kuti tukonzye kugwasigwa aachakulya eechi, tweelede kwiiya atala aJwi lyaLeza, tuyeeyesesye atala anzitubala alubo tuzibelesye mubuumi bwesu. Chiindi nituchita oobo, nga tuli kuliyiisya kuti tusale zintu zibotezya Jehova. c—Bala Mahebberu 5:14.

14. Pawulu wakabagwasya biyeni maKkristu bakuKkorinte kuti bakomene mubukombi?

¹⁴ MaKkristu batakomeni mubukombi chiindi chiingi nga kwabayumina kusala zintu zilikabotu kuti kakutakwe mulawu waambidwe muBbayibbili. Bamwi babonaanga balakonzya kuchita kufumbwa zintu nzibayanda kuti kakutakwe mulawu waambidwe muBbayibbili. Chiindi nikutayandikani mulawu, bamwi balakonzya kubuzya kuti, ‘Ani kuli mulawu na uukasya?’ Muchikozyano, kulakonzeka kuti maKkristu bakuKkorinte bakabuzya kuli Pawulu kuti kwakali mulawu na wakali kwaamba kuti balye chakulya chakali chapegwa kuzibumbwa. Kwiinda kuti Pawulu ababuzye zyakuchita, wakabatondeezya kuti umwi awumwi wakali ‘aacheelelo chakulisalila’ kweendelana aziyandwa aamoyo wakwe uuyiisidwe.  Pawulu wakababuzya aamwi malayilile aamuBbayibbili aakali kukonzya kubagwasya kuti basale zintu zyakali kupa kuti myoyo yabo itabapi mulandu akuti batalebyi bamwi. (1 Kor. 8:​4, 7-9) Nzyaakachita Pawulu zyakagwasya maKkristu bakuKkorinte kuti bakomene mubukombi kuchitila kuti bakonzye kubelesya maanu aabo aakuyeeya kutali kulindila kugwasigwa aabamwi naakuti kuyanduula milawu kupela.

15. Pawulu wakabagwasya biyeni maKkristu bachiHebberu kuti bayinkilile kunembo kukomena mubukombi?

¹⁵ Kuli chimwi chiiyo chiyandikana loko nchitwiiya kuzwa kulugwalo Pawulu ndwaakalembela maKkristu bachiHebberu. Bamwi teebakayinkilila kunembo pe kukomena mubukombi, ‘bakabweeda lubo kukuyanda malili, kutali chakulya chisimide.’ (Heb. 5:12) Teebakazisyoma pe njiisyo zipya Jehova nzyaakali kubayiisya kabelesya mbungano. (Tus. 4:18) Muchikozyano, maJuda biingi bakachili kuswiilila mulawu waMozesi nikuba kuti kwakali kwayinda minyaka iili 30 kuzwa chinunuzyo chaJesu nichakapa kuti mulawu waMozesi wiimikile kubeleka. (Rom. 10:4; Tit. 1:10) Minyaka eeyi iili 30 yakapa maKkristu mweenya wakuti bamvwisisisye kuti teebakacheelede kutobela Mulawu waMozesi pe. Kufumbwa muntu uubala lugwalo Pawulu ndwaakalembela maKkristu bachiHebberu, ulakonzya kuzumina kuti bbuku eeli lili aachakulya chamubukombi chisimide. Eezi nzizyo biya maKkristu nzibakali kuyanda kuti bakonzye kusimya lusyomo lwabo kumabambe mapya aakukomba Jehova kwiinda muli Jesu. Alubo eezi zyakapa kuti babe aachibindi chakuti bayinkilile kunembo kukambawuka nikuba kuti bakali kukazigwa abamwi maJuda.—Heb. 10:​19-23.

UTABONAANGA WAKAKOMENA KALE MUBUKOMBI

16. Niinzi nzitweelede kuchita kuti twiinkilile kunembo kukomena mubukombi?

¹⁶ Tweelede kubeleka changuzu kuti tukomene mubukombi alubo tweelede kwiinkilila kunembo katuchita oobo. Eezi zyaamba kuti tatweelede kubonaanga twakakomena kale mubukombi akuti takuchiyandikani pe kuti tukkale katusimya bweenzuma aJehova. (1 Kor. 10:12) Tweelede ‘kwiinkilila kunembo kulilanga-langa’ kuti tube aachoonzyo chakuti tulikwiinkilila kunembo na kukomena mubukombi.—2 Kor. 13:5.

17. Lugwalo Pawulu ndwaakalembela maKkristu bakuKkolose lutondeezya biyeni kuti kulayandikana kuti twiinkilile kunembo kukomena mubukombi?

¹⁷ Mulugwalo ndwaakalembela maKkristu bakuKkolose,  Pawulu wakayiwamba lubo nkani yakukomena mubukombi. Nikuba kuti maKkristu bakuKkolose bakali bakomena kale mubukombi, pesi Pawulu wakabachenjezya kuti batabi aamizeezo njibalaayo bantu bali munyika. (Kol. 2:​6-10) Alubo Epafra wakabazi kabotu bamumbungano eeyi, chiindi choonse wakali kubakombela amoyo woonse kuchitila kuti ‘kumamanino biime nji mbuli bantu bakomena.’ (Kol. 4:12) Twiiyaanzi? Pawulu a-Epafra bakalizi kuti, kuti muKkristu akonzye kukomena mubukombi weelede kubeleka changuzu akuti weelede kugwasigwa aaLeza. Bakali kuyanda kuti maKkristu bakuKkolose bayinkilile kunembo kukomena mubukombi nikuba kuti baswaana buyumu-yumu.

18. Niinzi zikonzya kuchitika kumuKkristu wakomena mubukombi? (Langa chifanikisyo.)

¹⁸ Pawulu wakachenjezya maKkristu bachiHebberu kuti muKkristu wakomena mubukombi ulakonzya kutatambulika kuli Leza kwabuumi bwakwe boonse. Moyo wamuKkristu ulakonzya kuyuma nta mbuli bbwe zyakuti ngatachikonzyi pe kuti asanduke akuti alekelelwe aaLeza. Pesi maKkristu bachiHebberu teembubakabede pe. (Heb. 6:​4-9) Mazubaano, kutegwani abaabo batachichiti mulimu naakuti aabo bakagwisigwa mumbungano mpawo bazoosanduka? Kulibombya nkubakachita kwiinda mukusanduka kutondeezya kuti balisiyene abaabo Pawulu mbaakalemba atala ambabo kuti balakonzya kutatambulika kuli Leza kusikila kukabe kutamani. Nikuba oobo, chiindi nibaboola kuli Jehova nga bayanda kugwasigwa. (Ezk. 34:​15, 16) Baalu balakonzya kuchita mabambe aakuti muKkristu ulaaluzibo abagwasye kuchitila kuti basime lubo mubukombi.

19. Tweelede kukanza kuchitaanzi?

¹⁹ Kuti kuli kubeleka changuzu kuti ukomene mubukombi, ulakonzya kuchizuzikizya chipeekezyo chako! Yinkilila kunembo kulya chakulya chamubukombi chisimide alubo weezye kubona zintu mbuli mbazibona Jehova. Kuti kuli wakakomena mubukombi, yezya kuchita zyoonse nzukonzya kuti ukkale kuli mbuboobo lino kusikila kukabe kutamani.