1. Nziizili zintu nzibakachita bachikula biingi?

 MUNYAKA amunyaka, maKristu bachiniini biingi balabbabbatizigwa. Uli umwi wabo na? Kuti kakuli oobo, bakwesu abachizi balabotelwa akusala nkwaakachita, anguwe Jehova ulabotelwa. (Tus. 27:11) Ulakonzya kuyeeya atala azintu zyiingi nzwaakachita. Amwi waba aaminyaka myiingi kubala akuyanduulisisya muBbayibbili. Nzulikwiiya, zilikupa kuti ube aachoonzyo chakuti Bbayibbili ndiJwi lyaLeza. Kwiinda zyoonse, zilikupa kuti umuzibe kabotu akuti umuyande Jehova, Mulembi waBbayibbili. Kuyanda Jehova nkuchita, kwakapa kuti usale kulipeda kulinguwe akubbabbatizigwa. Tusweekede pe, wakasala kabotu.

2. Tulalanga-langaanzi muchiiyo eechi?

 ² Kweelede kuti lusyomo lwako lwakasunkwa munzila zyiingi kutanabbabbatizigwa. Pesi nuyabukomena, uyooswaanana aamasunko aambi mapya. Saatani uzooyezya kupa kuti utamuyandi Jehova akupa kuti uleke kumukomba. (Ef. 4:14) Toyelede kuzumizya zintu zili boobo kuti zichitike. Niinzi zitakugwasye kuti ukkale kusyomeka kuli Jehova akuti upone kweendelana akulipeda kwako? Weelede kwiinkilila kunembo kukomena mubukombi. (Heb. 6:1) Nga ulazichita biyeni?

3. Niinzi nzibeelede kuchita maKristu boonse nibazwa aakubbabbatizigwa?

³ Nitwazwa aakubbabbatizigwa, toonse tweelede kutobela malayilile aamwaapostolo Pawulu ngaakalembela bakombinyina bakuEfeso. Wakabasungwaazya kuti babe maKristu “bapati.”  (Ef. 4:13) Mulaamwi majwi wakali kwaamba kuti, bayinkilile kunembo kukomena mubukombi. Tulakonzya kumvwisisisya nzyaakali kwaamba Pawulu chiindi naakakozyanisya kukomena nkutuchita mubukombi akukomena nkwaachita mwana. Bazyali balabotelwa akana kabo kachizwa kutumbukwa. Pesi kana aako takeelede kukkala kakali mbuboobo, keelede kukomena. Chiindi nikayabukomena, kalazisiya “zintu zyabwanike-nike.” (1 Kor. 13:11) Mbukubede akumaKristu. Nitwazwa aakubbabbatizigwa, tweelede kwiinkilila kunembo kukomena mubukombi. Atubone zimwi zikonzya kutugwasya kuti tuchite oobo.

4. Mbuubuli buntu butakugwasye kuti ukomene mubukombi? Pandulula. (Bafilipi 1:9)

⁴ Yungizya mbumuyanda Jehova. Nichoonzyo kuti umuyanda kale. Pesi luyando lwako anguwe lweelede kuyungizya. Nga ulazichita biyeni? Mwaapostolo Pawulu wakaamba imwi nzila mutukonzya kuzichita muli Bafilipi 1:9. (Bala.) Pawulu wakakombela kuti luyando lwambungano yakuFilipi “lwiinkilile kunembo kuyungizya.” Nkinkaako, luyando lwesu lulakonzya kukomena. Tulakonzya kuchita oobo kwiinda mukuba “aluzibo lwachoonzyo akumvwisisisya koonse.” Chiindi nitumuziba kabotu Jehova, luyando lwesu lulakomena alubo tulabona buntu bakwe bubotu anzila njachitaayo zintu. Alubo chiyandisyo chesu chakuyanda kumubotezya chilakomena alubo tatukachiti zintu zimunyemya. Tuyoobeleka changuzu kuti tumvwisisisye kuyanda kwakwe akuti tupone kweendelana ankuko.

5-6. Niinzi nzitweelede kuchita kuti tuyungizye mbutumuyanda Jehova? Pandulula.

⁵ Luyando lwesu aJehova lulakonzya kukomena kwiinda mukumuziba kabotu Mwanaakwe ooyo wakatondeezya buntu bwaWisi munzila iimaninide. (Heb. 1:3) Nzila iilikabotu yiinda zyoonse yakumuziba kabotu Jesu, nkwiiya mabbuku aaMakani Mabotu aali 4. Kuti kutanasaanguna kuba aapulogilamu yakubala Bbayibbili buzuba abuzuba, ulakonzya kusaanguna kuchita oobo lino. Chiindi nubala atala alwaano lwaJesu, bikkila maanu kapati kubuntu bwakwe. Jesu wakali kusikika; wakali kubukata bana. (Mk. 10:13-16) Wakali kupa kuti basikwiiya bakwe baangunuke kumubuzya nzibali kuyeeya. (Mt. 16:22) Muzintu zyoonse eezi, Jesu wakali kutobelezya Wisi wakujulu. Anguwe Jehova ulasikika. Tulakonzya kukomba kulinguwe katumubuzya zintu zyoonse zili mumyoyo yesu. Tuli aachoonzyo chakuti takatupi mulandu pe. Ulatuyanda alubo uli aandaba andiswe.—1 Pet. 5:7.

⁶ Jesu wakali kubeetelela bantu. Mwaapostolo Mateyo wakalemba kuti: “Naakabona makamu aabantu, wakabeetelela nkaambo bakali kupenzegwa alubo bakalimwayikide mbuli mbelele zitakwe mweembeli.” (Mt. 9:36) Ani Jehova ulimvwa biyeni? Jesu wakaamba kuti: “Taata uuli kujulu tayandi pe kuti umwi wabaniini aaba alobe.” (Mt. 18:14) Makani aaya apa kuti tubotelwe nkaambo atondeezya kuti ulatuyanda. Kuti twamuziba kabotu Jesu, luyando lwesu aJehova lulakomena.

7. Kuliswaanizya aamaKristu basimide mubukombi nga kulakugwasya biyeni?

⁷ Ulakonzya kwiiya kuba aaluyando akukomena mubukombi kwiinda mukubaziba kabotu bakwesu abachizi basimide mubukombi bali mumbungano yanu. Bona mbubali kubotelwa. Tabalisoli pe akusala nkubakachita kuti babelekele Jehova. Bakumbile bakubuzye zimwi zintu nzibakaswaana mumulimu waJehova. Kuti kuyanda kusala chimwi chintu chiyandikana, ulakonzya kubakumbila kuti bakugwasye nkaambo kuli “kuzwidilila ikuti kakuli basikulaya banji.”—Tus. 11:14.

8. Niinzi nzukonzya kuchita kuti kutakwe choonzyo atala anzilyaamba Bbayibbili?

 ⁸ Zunda zintu zipa kuti utabi aachoonzyo atala azintu nzusyoma. Mbuli mbutwabona  mufuka 2, Saatani uzooyezya kupa kuti utakomeni pe mubukombi. Imwi nzila njakonzya kubelesya njakupa kuti utabi aachoonzyo atala azimwi njiisyo zyamuBbayibbili. Muchikozyano, muchiindi chifwiifwi buyo, uzooswaana imwi njiisyo iitalemeki Leza yakuti zintu teezyakalengwa biya pe. Amwi taakwe nwaakali wayeeya atala ankani eeyi kuchili muniini, pesi lino akaambo kakuti wakomena, kulakonzeka kuti amwi waabwiiswaana kuchikolo. Nzibaamba bayiisi bako atala ankani yakusanduka kwazintu zilakonzya kubonekaanga zili aamutwe akuti nzyachoonzyo. Pesi taakwe nibakali balipa chiindi chakuti bayanduule bukamboni bwakuti kuli Mulengi. Muli Tusimpi 18:17 mujanika malayilile aakuti: “Uusaanguna kwaamba kaambo kakwe ulibonya kuti uliluleme, kusikila mane mweenzinyina waboola akumubuzyisisya.” Kwiinda kuti uzumine zintu nzumvwa kuchikolo kakutakwe bukamboni, lipe chiindi chakuyanduula kasimpe kajanika muJwi lyaLeza Bbayibbili. Yanduulisisya mumabbuku eesu. Aambuula aabakwesu abachizi bakali kusyoma njiisyo yakusanduka kwazintu. Buzya zintu zyakapa kuti basyome kuti kuli Mulengi uutuyanda. Kuti twaba aakwaambuuzyania kuli boobu, tuyoojana bukamboni butondeezya kuti kuli Mulengi.

9. Twiiyaanzi kuzwa kuzintu zyakachitika kuli Melissa?

⁹ Kuyanduulisisya nkwaakachita umwi muchizi uutegwa Melissa atala ankani yakulengwa kwazintu kwakamugwasya loko. * Wakaamba kuti: “Kuchikolo, nkani yakusanduka kwazintu bayipandulula munzila iipa kuti ubonaanga njachoonzyo. Kumasaangunino, teendakali kuyanda pe kuyanduulisisya nkaambo ndakali kuyoowa kuti amwi ulabona ndazoojana kuti nzindisyoma teezyachoonzyo pe. Pesi ndakazoobona kuti Jehova tayandi pe kuti tumukombe katutakwe bumboni buli atala azintu nzitusyoma. Nkinkaako, ndakayanduulisisya. Ndakabala bbuku litegwa Is There a Creator Who Cares About You? Akabbuku kategwa Was Life Created? akategwaThe Origin of Life—Five Questions Worth Asking. Eezi nzizyo biya nzindakali kuyanda. Ngandalombozya  kuti kaansinga ndakafwambaana kuzichita.”

10-11. Niinzi zikonzya kukugwasya kuti ukkale kusalala? (1 Batesalonikka 4:3, 4)

¹⁰ Tantamuka michito iitali kabotu. Chiindi nulikukomena, chiyandisyo chakoonana chilakonzya kusima zyakuti chilakonzya kukutuma kuti uchite bwaamu. Eezi nzizyo Saatani nzyayanda kuti uchite. Niinzi zikonzya kukugwasya kuti ukkale kusalala? (Bala 1 Batesalonikka 4:3, 4.) Komba kuli Jehova, umubuzye mbulikulimvwa. Utamusisili pe, mubuzye zyoonse alubo umukumbile kuti akusimye. (Mt. 6:13) Utalubi kuti Jehova uyanda kukugwasya kutali kukupa mulandu. (Int. 103:13, 14) Kubala Jwi lyaLeza kulakonzya kukugwasya. Melissa waambwa kumasaangunino, wakali aapenzi lyakuyeeya zintu zitali kabotu. Wakaamba kuti: “Kubala Bbayibbili buzuba abuzuba kwakandigwasya kuti nditaleki pe kulwana penzi eeli. Alubo kwakandigwasya kubona kuti ndili waJehova akuti ndiyanda kumubelekela.”—Int. 119:9.

¹¹ Uteezyi kulwana mapenzi aako kuli aawulikke. Ambuula aabazyali bako, ubabuzye penzi lyako. Teekuba pe kwaambuula nkani ziliboobo abazyali bako, pesi kulayandikana kuti uchite oobo. Melissa wakati: “Ndakakomba kuli Jehova kandimukumbila kuti andigwasye ndibe aachibindi mpawo ndakazoobuzya ndeende atala apenzi lyangu. Nindakachita oobo, ndakamvwa kandili ndalemutuzigwa. Ndakalizi kuti Jehova ulikubotelwa andime.”

12. Niinzi zikonzya kukugwasya kuti usale kabotu?

¹² Zulwidwa aamalayilile aamuBbayibbili. Chiindi nukomena, nga ulikuba aalwaangunuko lwakulisalila kuchita zimwi zintu. Pesi nga tunaba aaluzibo pe. Niinzi nzweelede kuchita kuti utapambanisyi bweenzinyokwe aJehova? (Tus. 22:3) Muchizi uutegwa Kari wakaamba zintu zyakamugwasya kuti asale kabotu. Wakabona kuti muKristu uusimide mubukombi tayandi kuti kazulwidwa aamulawu chiindi choonse. Wakati: “Ndakeelede kumvwisisisya malayilile aamuBbayibbili kutali milawu luzutu.” Chiindi nubala Bbayibbili, libuzye kuti: ‘Makani aaya andiyiisyaanzi atala amaboneno aJehova? Kuli malayilile ngindikonzya kubelesya na kuchitila kuti ndichite zintu zilikabotu? Kuti kakuli oobo, andigwasya biyeni kuti ndaabelesya?’ (Int. 19:7; Is. 48:17, 18) Kubala Bbayibbili akuyeeyesesya atala amalayilile aali mumo, kulakonzya kukugwasya kuti usale zintu zibotezya Jehova. Chiindi nuyabukomena, uzoobona kuti takunooyandikani kuti uzulwidwe aamulawu chiindi choonse nkaambo unooli waabumvwisisisya mbazibona zintu Jehova.

13. Niinzi zikonzya kuchitwa abeenzuma balikabotu? (Tusimpi 13:20)

¹³ Sala beenzinyokwe bayanda Jehova. Mbuli mbutwabona mufuka 7, beenzinyokwe mbusala balakonzya kukugwasya naakuti kukupambanisya mubukombi. (Bala Tusimpi 13:20.) Muchizi uutegwa Sara wakasaanguna kutabotelwa. Pesi kuli chimwi chintu chakachitika chakapa kuti asaangune lubo kubotelwa. Sara wakaamba kuti: “Ndakajana beenzuma balikabotu aachiindi cheelede. Ime awumwi muchizi wachiniini twakasaanguna kubala zyiiyo zyaNgaziyakulinda mviki amviki. Mpawo umwi mweenzuma wakandigwasya kuti ndisaangune kusandula kumiswaangano. Zintu zyakali kuchitwa abeenzuma zyakandigwasya kubona mbukuyandikana kubala akuyanduulisisya akukomba. Ndakasaanguna kuba aabweenzuma busimide aJehova alubo ndakasaanguna lubo kubotelwa.”

14. Niinzi nzyaakachita Julien kuti ajane beenzinyina balikabotu?

¹⁴ Niinzi nzukonzya kuchita kuti ujane  beenzinyokwe balikabotu bakonzya kukugwasya mubuumi? Julien, lino uubeleka kali mwaalu wakaamba kuti: “Nindakachili muniini, ndakajana beenzuma balikabotu mbindakali kukambawukaabo. Beenzuma aaba bakali basungu, bakandigwasya kubona mbundikonzya kubotelwa mumulimu wakukambawuka. Ndakazooba aamakanze aakuti ndinjile mumulimu wachiindi choonse. Alubo ndakazoobona kuti kumvwanana aabasela lyangu luzutu kwakapa kuti ndisweekelwe aazintu zyiingi nzindakali kukonzya kujana nikuli ndakali kumvwanana aabantu bamasela aasiyene-siyene. Mukuya kwachiindi, ndakazoojana bamwi beenzuma kuBbeteli. Chikozyano chabo chakandigwasya kuti ndisale zyakulikondelezya zilikabotu akuti ndiswene afwiifwi aJehova.”

15. Niinzi nzyaakaamba Pawulu naakali kuchenjezya Timoti atala abantu bakuliswaanizyaabo? (2 Timoti 2:20-22)

¹⁵ Niinzi nzweelede kuchita kuti wabona kuti umwi mumbungano yanu tali mweenzuma uulikabotu? Pawulu wakalizi kuti bamwi mumbungano yachiKristu yamumwaanda wakusaanguna, teebakali kuchita kabotu pe mubukombi, nkinkaako wakachenjezya Timoti kuti abatantamuke. (Bala 2 Timoti 2:20-22.) Bweenzuma mbutulaabo aJehova buyandikana kwiinda zintu zyoonse. Tatweelede kuzumizya kufumbwa muntu kuti apambanisye bweenzuma oobo mbutwakabelekela changuzu kuti tubaabo.—Int. 26:4.

16. Nziizili zimwi nzukonzya kusala kuchita?

¹⁶ Sala zyakuchita zikonzya kukugwasya. Sala zyakuchita zikonzya kukusimya akupa kuti ukomene mubukombi. (Ef. 3:16) Muchikozyano, ulakonzya kuba aapulogilamu yakubala Bbayibbili akuyanduulisisya buzuba abuzuba. (Int. 1:2, 3) Amwi ulakonzya kubona kuti kulayandikana kuti ukombe kwaziindi zyiingi akuti usumpuke kunzila njukombaayo. Amwi ulakonzya kubona kuti kulayandikana kuti ulinyone kuzintu zyakulikondelezya nzusala ambuchibelesya chiindi. (Ef. 5:15, 16) Kuti Jehova wabona kubeleka changuzu nkulikuchita kuti usime mubukombi, ulabotelwa.

17. Kugwasya bamwi ngakulakugwasya biyeni?

¹⁷ Kugwasya bamwi kulakonzya kupa kuti ube muKristu uusimide. Jesu wakaamba kuti:  “Kupa, kupa kubotelwa loko kwiinda kutambula.” (Mil. 20:35) Uyoobotelwa loko kuti wabelesya chiindi chako amanguzu aako kuti ugwasye bamwi. Muchikozyano, ulakonzya kusala kugwasya bachembeede abatachikwe manguzu bali mumbungano yanu. Amwi ulakonzya kubachitila imwi milimu akubagwasya kuti bakonzye kubelesya mafooni aabo azimwi zibelesyo zyamazubaano. Kuti kuli mukwesu, ulakonzya kubelekela kuba mubelesi wambungano kuli aamakanze akugwasya bakwesu abachizi. (Flp. 2:4) Alubo ulakonzya kutondeezya luyando kulibaabo batali Bakamboni kwiinda mukubakambawukila makani mabotu aaBwaami. (Mt. 9:36, 37) Kuti kazichita, ulakonzya kuba aamakanze aakunjila mumulimu wachiindi choonse.

18. Kubeleka mumulimu wachiindi choonse nga kulakugwasya biyeni kuti usime mubukombi?

¹⁸ Mulimu wachiindi choonse ulakonzya kukujulila myeenya yakuti ukomene mubukombi. Muchikozyano, kupayona kulakonzya kukujulila mweenya wakuti unjile Chikolo Chabakambawusi baBwaami, ubelekele kuBbeteli naakuti mumulimu wakuyaka mayake aambunga. Umwi muchizi uupayona uutegwa Kaitlyn wakaamba kuti: “Kubeleka aabakwesu abachizi bali aaluzibo mumulimu wakukambawuka kwakandigwasya kuti ndisime mubukombi nindakazwa aakubbabbatizigwa. Chikozyano chabo chakandisungwaazya kuti ndiyungizye luzibo lwangu atala aBbayibbili akuti ndibe muyiisi uulikabotu.”

19. Nziizili zilongezyo nzuyoojana kuti wayinkilila kunembo kusima mubukombi?

¹⁹ Chiindi nuyabukomena mubukombi, uyoojana zilongezyo zyiingi. Tukamochi chiindi amanguzu aako kuli kuyanduula zintu zitagwasyi. (1 Joh. 2:17) Tukaswaani mapenzi aayetwa aakutasala kabotu. Pesi uyoozwidilila akujana kubotelwa kwachoonzyo. (Tus. 16:3) Chikozyano chako chibotu chiyoosungwaazya bakombinyokwe bachili baniini abapati. (1 Tim. 4:12) Kwiinda zyoonse, uyooba aaluumuno akukkutisikana kuzwa mukuziba kuti ulikubotezya Jehova akuti ulikuba aabweenzinyina buli aafwiifwi anguwe.—Tus. 23:15, 16.