Mwakaamvwisisisya na makani aNgaziyakulinda zyakiinda? Kujana mwayisandula biyeni mibuzyo iitobela:

Bazyali bazwa kuli amwi masena kujana bachita biyeni kuti bagwasye bana babo kuzintu zyabukombi kababelesya mulaka ngubamvwisisisya?

Bana balakonzya kwiiya mulaka waambuulwa kubusena nkubakalongela, kuchikolo naa nibali abeenzinyina. Zilagwasya kuti mwana azibe milaka myiingi. Bazyali beelede kubona kuti bana babo beelede kunjila miswaangano ambungano ibelesya mulaka wabo naa mulaka wakubusena nkubakalongela. Bazyali beelede kusala mulaka uukonzya kugwasya bana babo kuzintu zyabukombi kutali mulaka ngubayanda.​—w17.05, pp. 9-11.

Jesu wakali kwambaanzi naakabuzya Petro kuti: “Sena ulandiyandisya kwiinda aaba?” (Joh. 21:15)

Kubonekaanga Jesu wakalikwaamba baswi naa mulimu wakuzuba baswi. Naakafwa Jesu, Petro wakabweeda kumulimu wakwe wakuzuba baswi. MaKristu beelede kuba amaboneno alikabotu atala amulimu wakumubili.​—w17.05, pp. 22-23.

Nkamboonzi Abrahamu naakabuzya Sara kuti amwaambe kuti munyaandumi wakwe? (Matl. 12:10-13)

Sara wakali muchizi waAbrahamu. Nikuli Sara wakaamba kuti mulumaakwe, Abrahamu wakali kunojayigwa alubo eezi zyakali kuyoopa kuti lunyungu lwakasyomezegwa aLeza lutazwidilili.​—wp17.3, pp. 14-15.

Elias Hutter wakabelesya nzila ili kuti agwasye bantu bakali kuyanda kwiiya mulaka wachiHebrayo?

Wakali kuyanda kugwasya basichikolo kuti bazibe zisiko zyamabala achiHebbrayo ali muBbayibbele mbuzisiyene atukumbatizyosule atukumbatizyonembo. Nkinkaako wakali kulemba chisiko chabbala kabelesya mubala usiiya loko mpawo tukumbatizyosule atukumbatizyonembo wakali kutusiya. Nzila eeyi yakabelesegwa muBbayibbele litegwa New World Translation of the Holy Scriptures​—With References.​—wp17.4, pp. 11-12.

MaKristu beelede kukubona biyeni kubelesya ntobolo kuti balikwabilile?

Buumi bulasalala mumeso aLeza. Jesu wakalayilila basikumutobela kuti batabelesyi zilwanisyo. (Lk. 22:36, 38) Tweelede kufula zilwanisyo kuti zibe maamba akulimya. Buumi buyandikana loko kwiinda zintu nzitulaazyo. Tulaalemeka manjezeezya abamwi alubo tuyanda kuba chikozyano chibotu kuli mbabo. (2 Kor. 4:2)​—w17.07, pp. 31-32.

Nkamboonzi zintu zili atala abuumi bwaJesu zyakalembwa aMatayo nizisiyene azyakalembwa aaLukka?

Matayo wakalemba atala azintu nzyaakachita Josefa, Mariya naakaminta achiindi mungelo naakababuzya kuti bachijile kuEgepita anibakaboola. Pesi Lukka wakalemba atala aMariya chiindi naakaswaya Elizabbeti achiindi Jesu naakasyaala kutempele.​—w17.08, p. 32.

Bbayibbele lyakafutuka muzintu zili biyeni?

Amwi mabala amajwi akabelesedwe muBbayibbele akachincha mukuya kwachiindi. Milaka yaambuulwa abantu ilachincha-chincha. Basikukazya teebakali kuyanda pe kuti Bbayibbele lisandululwe mumilaka imwi.​—w17.09, pp. 19-21.

Muntu umwi awumwi uli amungelo uumukwabilila na?

Peepe. Jesu wakabuzya basikwiiya bakwe kuti bangelo babo balangide kubusyu bwaLeza. (Mt. 18:10) Wakali kwaamba kuti bangelo bakali kukonzya kubagwasya basikwiiya bakwe kutali kuti umwi awumwi wabo uli amungelo uumukwabilila.​—wp17.5, p. 5.

Nduululi luyando lupati?

Nduyando lwaa·gaʹpe. Luswaanizya kubikkila maanu kuli umwi akuba abweenzinyina buli aafwiifwi. Alubo lutondeezegwa kwiinda mukuchitila bamwi zintu zibotu.​—w17.10, p. 7.