Nga mulayisandula biyeni mibuzyo eeyi kamubelesya Ngaziyakulinda yamu 2019?

Leza wakali kwaambaanzi naakasyomezya kuti: “Kunyina cilwanyo cipangilwa kulwana nduwe iciyoozwidilila”? (Is. 54:17)

Tulakonzya kusyoma kuti Jehova ulatukwabilila muzintu zikonzya kutunyongania zili mbuuli “bukali bwabantu basilunya.” (Is. 25:4, 5) Basinkondoma tabakazwidilili pe kutunyonyoona chakumaninina.​—w19.01, pp. 6-7.

Jehova wakabutondeezya biyeni bululami kumaIsrayeli akali kumupapila akubana Kkenani?

Jehova wakabuzya maIsrayeli kuti wakali kuyoobeteka bantu bakali kuchita bwaamu abakali kubajata munzila iitali kabotu banakazi abana. Jehova wakali kulongezya bantu bakali kusyomeka kulinguwe abakali kubajata kabotu bamwi.​—w19.02, pp. 22-23.

Tweelede kuchitaanzi kuti muntu uutali Kamboni wakomba katuliwo?

Tulakonzya kusala kuumuna pesi munzila yabulemu. Tatweelede kwaamba pe kuti “ameni” naakuti kujatana mumaboko nikuli kukombwa. Tulakonzya kusala kukombela mumoyo.​—w19.03, p. 31.

Nkamboonzi kutamujata kabotu mwana mumakani akoonana nichili chibi chipati?

Kutabajata kabotu bana mumakani akoonana nkubabisizya, nkubisizya mbungano, nkubisizya mfulumende alubo nkubisizya Leza. Baalu baleezya kubelesya milawu yamfulumende iili atala akubuzya basimilawu.​—w19.05, pp. 9-10.

Niinzi chinga chilakugwasya kuti uchinche mizeezo iikweendelezya?

Weelede kukomba kuli Jehova, kuyeeyesesya kuli aamakanze aakulilanga-langa akusala beenzinyokwe balikabotu.​—w19.06, p. 11.

Niinzi nzitukonzya kuchita lino kuti tulibambile kupenzegwa?

Tweelede kusimya bweenzuma mbutulaabo aJehova, kuba achoonzyo chakuti Jehova ulatuyanda akuti takatulekelezyi pe. Kubala Bbayibbele buzuba abuzuba akukomba chiindi choonse. Alubo tweelede kuba achoonzyo chakuti zilongezyo ziyooyetwa aaBwaami bwaLeza zizoozuzikizigwa alubo tweelede kwaaziba amutwe magwalo ngituyandisya anyimbo zitembawula Jehova.​—w19.07, pp. 2-4.

Nga tulachita biyeni kuti tugwasye babbululu besu kuti bakafutuke?

Ba muntu uumvwisisisya, ba chikozyano chibotu alubo ba amoyo mulamfu mpawo ubelesye bupampu.​—w19.08, pp. 15-17.

Tulemununwa biyeni mbuuli mbakaamba Jesu muli Matayo 11:28?

Tulaabalangizi balikabotu, tuli abeenzuma balikabotu amulimu uuyandikana loko.​—w19.09, p. 23.

Jehova utugwasya biyeni kuti tube amanguzu achiyandisyo chakuchita mulimu wakwe? (Flp. 2:13)

Chiindi nitubala Jwi lyaLeza akuyeeyesesya nzitubala, Leza ulatupa chiyandisyo amanguzu aakuti tuchite nzyayanda. Muuya uusalala ulatugwasya kuti tuchite zyiingi.​—w19.10, p. 21.

Niinzi nzweelede kuchita nuyanda kusala?

Zintu zili 5 nzweelede kuchita: Yanduulisisya, kombela kuba abusongo, langa-langa makanze aako, ziba kuti ulazizuzikizya biyeni nzuwakasala alubo bona zintu munzila iilikabotu.​—w19.11, pp. 27-29.

Njiisyo yakuti kuli chintu chisyaala kachipona kuti muntu wafwa yakasaangunina mumajwi Saatani ngaakabuzya Eva na?

Teembubo pe. Saatani wakali kwaamba kuti Eva wakali kuyoozumanana kupona kutali kuti wakali kuyoobonekaanga wafwa luzutu. Takwe bukombi bwakubeja bwakafutuka Zambangulwe pe. Kweelede kuti njiisyo eeyi yakasaanguna Jehova katanapambula bantu bakali kuyaka Bbabbelo.​—w19.12, p. 15.