Mwakaamvwisisisya na makani aaNgazizyakulinda zyakiinda? Kujana mwayisandula biyeni mibuzyo iitobela?:

Tuzoojanaanzi kuti twalipa chiindi chakwaambuula, chakuswiilila achakuyeeya atala aJehova?

Tuyoosala kabotu, tuyooba bayiisi balikabotu, tuyooba aalusyomo lusimide alubo luyando lwesu aJehova luyookomena.—w22.01, pp. 30-31.

Niinzi zichitika kuti twasyoma Jehova abakwesu mbabelesya kuti batuzulwide?

Lino nchichiindi chakuti twiiye kusyoma kuchita zintu munzila yaLeza, katutawayi-wayi kutobela malayilile ngitupegwa abaalu. Kuchita oobo kuyootugwasya kuti tulibambile kuzooswiilila malayilile abonekaanga taakwe mutwe naakuti tabeleki.—w22.02, pp. 4-6.

Ngilozi yakali kweezya kutyeeni chiindi niyakaambuuula atala “cipimyo cakupimya bwiime bwacintu cakali mujanza [lyaMweendelezi] Zerubabeli”? (Zek. 4:8-10)

Chilengaano eechi chakagwasya bantu baLeza kuti babe aachoonzyo chakuti tempele lyakali kuyakwa lyakali kuzoomana akuti Leza wakali kulibona kaliyandikana.—w22.03, pp. 16-17.

Niinzi chikonzya kutugwasya kuti tube “chikozyano . . . mukwaambuula”? (1 Tim. 4:12)

Nga twaba chikozyano chibotu mukwaambuula kuti twaambuula munzila yaluzyalo, yabulemu chiindi nituli mumulimu wakukambawuka, nitwiimba akusandula kumiswaangano, anitwaambuula zintu zyachoonzyo ziyaka bamwi akutantamuka majwi aachisa bamwi.—w22.04, pp. 6-9.

Buntu bwiimininwa aabanyama (baami) bane baambidwe muli Daniyele 7, nkamboonzi nibwakaswaanizigwa mumunyama uumwi waambidwe muli Chiyubunuzyo 13:1, 2?

Munyama waambidwe muli Chiyubunuzyo 13 tayiminini bwaami bumwi luzutu, buli mbuli bwaRoma, pesi wiiminina nkamu zyoonse zyapolitikisi zilaamanguzu akweendelezya bantu.—w22.05, p. 9.

Niinzi chikonzya kutugwasya kuti tusyome kuti Leza ubeteka munzila iiluleme?

Kuti umwi muntu watutukila, watunyemya naakuti watubisizya, tweelede kweezya kutamunyemena mpawo tusiile makani mumaboko aJehova. Jehova uzoobambulula zintu zyoonse zyakapambanisigwa aachibi.—w22.06, pp. 10-11.

Niinzi nzyayeelede kuyeeya mukwesu ulaachilongezyo chakupa nkombyo kumiswaangano?

Nkombyo teeyakupa bakwesu lulayo naakuti chizibisyo. Kapati kumasaangunino aamiswaangano, tayelede kubelesya “majwi miingi.” (Mt. 6:7.)—w22.07, pp. 24-25.

“Aabo bakachita zintu zibi, bazoobusigilwa kukubetekwa” munzilaanzi? (Joh. 5:29.)

Kubetekwa ooku tazyaambi kuti bayoopegwa chisubulo akaambo kabuumi mbubakali kupona kabatanafwa. Pesi bayoolangwa-langwa kweendelana azintu nzibayoochita kabali babusigwa.—w22.09, p. 18.

Ngaali majwi alaanguzu ngaakaamba mukwesu J. F. Rutherford aamuswaangano wamuSeptember 1922?

Amuswaangano wakachitilwa kuCedar Point, Ohio, U.S.A., wakaamba kuti: “Mwaami ulikweendelezya! Inywe muli bayiminini bakwe. Nkinkaako, amwaambilizye, amwaambilizye, Mwaami aBwaami bwakwe!”—w22.10, pp. 3-5.

Nziizili nzila zitatu zili muli Isaya 30, Leza nzyabelesya kuti atusimye?

Chaandaano eechi chitondeezya kuti Leza (1) ulaswiilila akubweza ntaamu chiindi nitukomba kulinguwe, (2) ulatuzulwida akuti (3) unootulongezya chiindi choonse.—w22.11, p. 9.

Nkamboonzi nitukonzya kuba aachoonzyo chakuti majwi aali muli Intembauzyo 37:10, 11, 29 akazuzikizigwa chiindi akuti achiyoozuzikizigwa kunembo?

Majwi aaDavida aamba biyo zilongezyo zyakaliwo muchiindi chama-Israyeli, mbuli nikwakali kweendelezya Solomoni. Jesu wakaamba kuti kunembo kuzooba Paradayizi, kwiinda mukuzubulula vesi 11. (Mt. 5:5; Lk. 23:43)—w22.12, pp. 8-10, 14.