Wakaamvwisisisya na makani aaNgazizyakulinda zyamunyaka uuno? Nga ulayisandula biyeni mibuzyo iitobela?

Zyaambaanzi ‘kuchincha mizeezo yesu’? (Rom. 12:2)

Kubambulula buumi bwesu takwaambi kuchita zintu zibotu ziche luzutu pe. Pesi kwaamba kulanga-langa mbutubede mukati kamoyo akubambulula aayanda kubambululwa kuchitila kuti tupone kweendelana azyeelelo zyaJehova.​—w23.01, pp. 8-9.

Nga tulatondeezya biyeni kuti tuli aamaboneno aalikabotu chiindi nituyanda kuziba zintu zili kuchitika munyika?

Tuli aachiyandisyo chakuziba kuti zintu zilikuchitika munyika zibuzuzikizya biyeni bupolofita buli muBbayibbili. Kwiinda kuti twaambuule zintu zikonzya kupa kuti mumbungano kutabi kujatana, pesi atwaambuule zizwa mumabbuku aapupululwa aambunga yaJehova. (1 Kor. 1:10)​—w23.02, p. 16.

Kubbabbatizigwa kwaJesu kusiyene biyeni akwabatobeli bakwe?

Jesu taakali kuyandikana kuti alipede pe kuli Jehova akaambo kakuti wakazyalilwa muchisi chabantu bakasalidwe aaLeza. Jesu wakalimaninide, taakalikwe chibi pe. Taakali kuyandikana kuti asiye zibi.​—w23.03, p. 5.

Niinzi nzitukonzya kuchita kuti tupe bamwi mweenya wakusandula?

Tulakonzya kupa nsandulo mfwiifwi kuchitila kuti tupe bamwi mweenya wakusandula. Tutaambi twaambo toonse tuli mufuka. Kuti twachita oobo, tulapa kuti bamwi ambabo bajane mweenya wakuti basandule.​—w23.04, p. 23.

“Nzila ya Busalali” yaambidwe muli Isaya 35:8 yaambaanzi?

Mugwagwa ooyu wakukozyanisya, kumasaangunino, wakali kwaamba nzila yamaJuda yakali kuzwa kuBbabbiloni kayiya kulimbabo. Ani mazubaano? Kwaminyaka myiingi iili musule aamunyaka wa1919, kwakachitwa zintu zyiingi loko kuti kusalazigwe nzila eeyi, mbuli kusandulula akupulinta maBbayibbili. Bakombi baLeza balikweendela ‘Munzila ya Busalali’ kuti banjile muparadayizi yakumuuya, itazoope kuti bajane zilongezyo.​—w23.05, pp. 15-19.

Ngaali malayilile aali muli Tusimpi chaandaano 9 aambuula atala abanakazi babili bakukozyanisya?

Muli Tusimpi chaandano 9 mwaambuulwa atala ‘amukaintu mufuba-fuba’ ‘abusongo bwini-bwini’ bwiiminina mwanakazi musongo. Kutambwa ‘aamukaintu mufuba-fuba’ kutuzulwida ‘kuCuumbwe’ mpawo kutambwa aamwanakazi musongo kutugwasya kuti ‘tuzumanane kweenda munzila yamaano’ akututola kubuumi. (Tus. 9:1, 6, 13, 18)​—w23.06, pp. 22-24.

Amba chikozyano chitondeezya kuti Jehova ulalibombya akuti uli aaluzyalo chiindi naakali kwaambuula aaLoti.

Jehova wakabuzya Loti kuti achijile kundawu yakali aazilundu. Loti wakakumbila kuti we ampuli yakwe bachijile kuZowari mpawo Jehova wakamuzumizya kuti achijile nkukoko.​—w23.07, p. 21.

Niinzi nzyakonzya kuchita mwanakazi kuti mulumaakwe kayebela ponogilafu?

Mwanakazi weelede kuyeeya kuti teenguwe pe uuli aamulandu. Kubala akuyeeyesesya atala abanakazi baambidwe muBbayibbili bakali kukataazikana alubo bakajana luumbulizyo kuli Jehova, kulakonzya kumugwasya loko. Ulakonzya kugwasya mulumaakwe kuti atantamuke zyiimo zikonzya kupa kuti ayebele ponogilafu.​—w23.08, pp. 14-17.

Chiindi nitwabuzigwa mubuzyo atala azintu nzitusyoma, bupampu ngabulatugwasya biyeni kuti tube bantu babombede?

Tulakonzya kubona mibuzyo njitubuzigwa kawuli mweenya wakuziba nzyayeeya muntu. Kuchita oobo, kutugwasya kuti tumusandule katuli aamoyo uubombede.​—w23.09, p. 17.

Twiiyaanzi kuzwa kuli Mariya atala ankani yakuyanduula lugwasyo kuzwa kuli bamwi?

Naakaziba kuti wakali kuzooba banyina baMesiya, Mariya wakayanduula lugwasyo kuzwa kuli bamwi. Gabbriyeli aElizabbeti bakasungwaazya Mariya kababelesya Magwalo. Mbuli Mariya, anduwe ulakonzya kujana lugwasyo kuzwa kubakombinyokwe.​—w23.10, p. 15.

Jehova uzisandula biyeni nkombyo zyesu?

Jehova utusyomezya kuti ulaziswiilila nkombyo zyesu alubo ulanga kuti zintu nzitumukumbila zyeendelana biyeni amakanze aakwe. (Jer. 29:12) Ulakonzya kusandula nkombyo zyesu munzila zisiyene-siyene pesi unootugwasya chiindi choonse.​—w23.11, pp. 21-22.

Nkamboonzi ‘bulangilizi’ nibwaambidwe lubo muli Baroma 5:4 kakuli bwaambidwe kale muvesi 2?

Muntu nasaanguna kumvwa makani mabotu, ulakonzya kuba aabulangilizi bwakuzoopona aanyika muparadayizi. Pesi kuti waswaana mapenzi mpawo walisimya akubona kuti wachita zintu zibotezya Leza, bulangilizi bwakwe bulakonzya kuyungizya kusima akubona kuti mbwachoonzyo.​—w23.12, pp. 12-13.