1. Muchiindi chakalembwa Bbayibbili, bantu bakali kuchibona biyeni chinkwa?

 Muchiindi chakalembwa Bbayibbili, chinkwa bakali kuchibona kachili chintu chiyandikana. (Matl. 14:18; Lk. 4:4) Eezi nzizyo zyakapa kuti muBbayibbili chimwi chiindi kubelesegwe bbala lyakuti “chinkwa” nilyaamba chakulya. (Mt. 6:11) Alubo Jesu wakabelesya chinkwa muzigambyo zibili nzyaakachita. (Mt. 16:​9, 10) Chimwi chigambyo eecho chilembedwe muli Johane chaandaano 6. Nitwanoolanga-langa atala ankani eeyi, tulabona zyiiyo nzitukonzya kubelesya mazubaano.

2. Basikwiiya baJesu bakakataazikana atalaanzi?

² Baapostoli baJesu nibakazwa aakukambawuka bakali kuyanda kulyookezya, mpawo bakatanta bwaato baya kuGalili. (Mk. 6:​7, 30-32; Lk. 9:10) Bakaya kundawu yakawumwide yakuBbetisayida. Bantu nibakamvwa kuti bakali kuya kundawu eeyo, bakabafwambaanina kusika nkuko mpawo bakajana kababungene. Jesu taakabalekelezya pe bantu aabo. Wakabayiisya atala aBwaami akuponia bachiswa. Mbukunga kwakali kuyabusiya, basikwiiya baJesu bakakataazikana kuti bantu bakali kuyoochijana kuli chakulya. Bamwi kulakonzeka kuti bakali aachakulya chiche, pesi biingi bakali kukonzya kuula chakulya mumyuunzi. (Mt. 14:15; Joh. 6:​4, 5) Niinzi Jesu nzyaakachita?

JESU WAKAPA BANTU CHINKWA MUNZILA YACHIGAMBYO

3. Jesu wakabuzya baapostoli bakwe kuti bachiteenzi? (Langa chifanikisyo chili aachivumbyo.)

³ Jesu wakabuzya baapostoli bakwe kuti: “Tabeelede kweenda pe, inywe amubape chakulya.” (Mt. 14:16) Eezi zyakali kubonekaanga tazikonzeki pe akaambo kakuti kwakali baalumi basika ku 5 000 bakali kuyanda chakulya. Alubo kuti twaswaanizya banakazi abana, namba yabantu bakali kuyanda kusaninwa yakali kukonzya kusika ku 15 000. (Mt. 14:21) Andreya  wakaamba kuti: “Nkaka kalombe kali aazinkwa zyabbali zili musanu atuswi tubili. Pesi zilabasisyaali bantu biingi oobu?” (Joh. 6:9) Zinkwa zyabbali chiindi chiingi zyakali kuligwa aabantu bafwaba abamwi alubo tuswi tuniini kulakonzeka kuti twakali kubikkwa munyo akuyumisigwa. Nikuba oobo, chakulya nchikakalaacho kalombe aaka teechakali kukonzya pe kukkwana bantu boonse.

4. Twiiyaanzi kulugwalo lwa Johane 6:​11-13? (Langa zifanikisyo.)

⁴ Jesu wakali kuyanda kubafwida luzyalo bantu nkinkaako, wakababuzya kuti bakkale mumasokwe kabali mutubunga. (Mk. 6:​39, 40; Bala Johane 6:​11-13.) Bbayibbili litondeezya kuti chiindi Jesu naakali kuyanda kupa bantu chinkwa atuswi wakakomba kuli Wisi. Kwakali kweelela kuti amulumbe Leza akaambo kakuti nguwe wakapa kuti chijanike chakulya eecho. Kulayandikana kuti tutobelezye chikozyano chaJesu kwiinda mukukomba katutanalya, nikuba katuli aatulikke naakuti katuli aakati kabantu. Kuzwa waawo, Jesu wakazoolayilila basikwiiya bakwe kuti babape chakulya bantu, alubo bantu bakalya akukkuta. Chakulya chakasyaala alubo Jesu wakali kuyanda kuti chakulya chakasyaala chibambwe kabotu. Nkinkaako, wakabuzya basikwiiya bakwe kuti babweze chakulya chakasyaala eecho amwi bakali kukonzya kuzoochibelesya muchiindi chilikunembo. Jesu wakatusiila chikozyano chilikabotu loko munkani yakuzibelesya kabotu zintu nzitulaazyo. Kuti kuli muzyali, ulakonzya kulanga-langa nkani eeyi kulaamwi abana bako mpawo mwaambuuzyanie atala azyiiyo nzimukonzya kwiiya atala akukomba, kutambula beenzu akupa.

5. Zintu nzyaakachita Jesu mubuzuba oobo zyakapa kuti bantu bachiteenzi, alubo Jesu wakazumina na?

 ⁵ Bantu bakagamba nibakabona Jesu kali kuchita zigambyo anaakali kubayiisya munzila iibasika aamoyo. Mbukunga bakalizi kuti Mozesi wakali waamba kuti Leza wakali kuzoobabusizya mupolofita aakati kabo, nkinkaako, kulakonzeka kuti bakayeeyela kuti Jesu nguwe wakali mupolofita ooyo. (Dt. 18:​15-18) Kuti kakuli boobo, eezi zyakapa kuti bantu babonaanga Jesu ulakonzya kuba mweendelezi uulikabotu alubo wakali kuzoobapa chakulya bantu boonse bamuchisi cha-Israyeli. Nkinkaako, bantu bakayanda kuti, “bazoomujate kuti bamubikke kuba mwaami.” (Joh. 6:​14, 15) Kaansinga Jesu wakazumina kuti abe mwaami, nikuli wakaliswaanizya mumakani aazyapolitikisi aamaJuda bakali kweendelezegwa aamaRoma. Wakazumina na kuba mwaami? Inee. Bbayibbili lyaamba kuti Jesu ‘wakachijila kuchilundu alikke.’ Nikuba kuti bantu bakali kumusungilizya biyeni Jesu taakwe naakaliswaanizya pe mumakani aazyapolitikisi. Nchikozyano chibotu loko nchitweelede kutobelezya andiswe!

6. Kujana twatondeezya biyeni kuti tuyanda kutobelezya chikozyano chaJesu? (Langa chifanikisyo.)

⁶ Nikuba kuti bantu tabakonzyi pe kuti batukumbile kuti tubape chakulya munzila yachigambyo, naakuti kutukumbila kuti tuponie bachiswa, naakuti kutusala kuti tube baami, pesi balakonzya kutusungilizya kuti tuvoote,  naakuti kusumpula umwi muntu ngubabonaanga ulakonzya kuchincha zintu kuti zibote munyika. Pesi Jesu wakazibikka aantanganana nzitweelede kuchita. Wakakaka kunjilila mumakani aazyapolitikisi, alubo wakaamba kuti: “Bwaami bwangu teebwanyika eeyi pe.” (Joh. 17:14; 18:36) MaKkristu mazubaano beelede kuchita mbuli mbaakachita Jesu akutobelezya chikozyano chakwe. Tusumpula Bwaami bwaLeza alubo tubuzya bamwi atala aBwaami oobo akubukombela kuti busike. (Mt. 6:10) Kuli zyiingi nzitwiiya kuchigambyo nchaakachita Jesu chakupa bantu chinkwa.

“NCHIZYIIMININA ZINKWA”

7. Niinzi Jesu nzyaakachita alubo baapostoli bakwe bakachitaanzi? (Johane 6:​16-20)

⁷ Jesu naakazwa aakusanina nkamu yabantu, we abaapostoli bakwe bakazwa mundawu eeyo mpawo bakabweeda kuKkapenawume kababelesya bwaato alubo wakabweeda lubo kuchilundu nkaambo taakali kuyanda pe kuti bantu bamubikke kuti abe mwaami. (Bala Johane 6:​16-20.) Baapostoli nibakali mubwaato, mulwizi mwakaba mayuwe aayoosya akaambo kamoya wakali kuunga changuzu. Mpawo Jesu wakaboola kuli basikwiiya bakwe kayabweenda aajulu aamaanzi. Kuzwa waawo, wakabuzya mwaapostoli Petro kuti anguwe ayende aajulu aamaanzi. (Mt. 14:​22-31) Naakanjila mubwaato Jesu, luuwo lwakamana. Bakagamba basikwiiya bakwe mpawo bakaamba kuti: “Kwaamba choonzyo uli Mwana waLeza.” a (Mt. 14:33) Zilagambya kuti basikwiiya baJesu bakabona kuti Jesu mwana waLeza nibakamubona kayobweenda aajulu aamaanzi pesi taakwe nibakazibona pe chiindi naakapa bantu chinkwa munzila yachigambyo. Makko naakali kwaambuula atala azyakachitika eezi, wakaamba kuti: “[Baapostoli] zyakabagambya loko, nkaambo teebakalinamvwisisisya pe nchizyiiminina zinkwa pesi myoyo yabo yakalitindibede mukumvwisisisya.” (Mk. 6:​50-52) Baapostoli bakakachilwa kumvwisisisya kuti Jehova wakali wapa Jesu manguzu aakuchita zigambyo. Mukuya kwachiindi, Jesu wakazoowambuula lubo atala achigambyo chachinkwa alubo wakatuyiisya chiiyo chimbi chiyandikana.

8-9. Nkamu yabantu yakali kumuyandwiidaanzi Jesu? (Johane 6:​26, 27)

⁸ Bantu mbaakasanina Jesu bakali kubikkila maanu kuzintu zyakumubili akuzintu nzibakali kuyanda. Nkamboonzi nitwaamba oobo? Mubuzuba bwakatobela, nibakaboola bakajana Jesu abaapostoli bakwe beenda. Aachito kwakali maato aakazwide kuTibberiyo nkinkaako, nkamu yabantu aabo bakatanta maato aayo mpawo bakatozya kuKkapenawume kuti bakayanduule Jesu. (Joh. 6:​22-24) Bakali kuyanduula Jesu kuti abakambawukile makani aali atala aBwaami na? Inee. Makanze aabo mapati ngakuti bakali kuyeeya atala azintu zyakumubili akuti abape chinkwa. Nkamboonzi nitwaamba oobo?

⁹ Atubone zyakachitika chiindi bantu nibakabona Jesu aafwiifwi akuKkapenawume. Jesu wakababuzya chaantanganana kuti bantu aaba bakali kubikkila maanu kuzintu zyakumubili. Alubo wakababuzya kuti “mwakalya zinkwa mwakkuta” ‘achakulya chibola.’ Alubo wakababuzya kuti bakeelede kubelekela kuti bajane “chakulya chitaboli chipa buumi butamani.” (Bala Johane 6:​26, 27.) Jesu wakaamba kuti Wisi wakali kukonzya kubapa chakulya eecho. Bantu bakagamba loko nibakamvwa atala achakulya chipa buumi butamani. Nchiichili chakulya eecho alubo niinzi nzibakeelede kuchita kuti bachijane chakulya eecho?

10. Nguuli “mulimu waLeza” bantu ngubakeelede kwiiya atala anguwo?

 ¹⁰ MaJuda aabo bakali kuyanda kuziba kuti niinzi nzibakeelede kuchita kuti bajane chakulya eecho. Kulakonzeka kuti bakali kuyeeya atala akuchita “milimu” yakaambidwe muMulawu waMozesi. Nikuba oobo Jesu wakababuzya kuti: “Kubeleka mulimu waLeza chaamba kuba aalusyomo muli yooyo ngwaakatuma.” (Joh. 6:​28, 29) Jesu wakali wabayiisya kale maJuda aabo kuti bakeelede kuba aalusyomo mulinguwe kuchitila kuti ‘bajane buumi butamani.’ (Joh. 3:​16-18, 36) Alubo aali zimwi ziindi Jesu wakazoozyaamba lubo kuti niinzi nzibakeelede kuchita kuti bajane buumi butamani.—Joh. 17:3.

11. MaJuda bakatondeezya biyeni kuti bakali kubikkila maanu kuli chakulya? (Intembauzyo 78:​24, 25)

¹¹ MaJuda aabo teebakayitambula pe njiisyo yaJesu mpya yakali atala ‘amulimu waLeza’. Bakamubuzya kuti: “Nchiichili chitondeezyo nchulikuchita, kuchitila kuti tuchibone mpawo tukusyome?” (Joh. 6:30) Alubo bakaamba kuti masianyinakulu bakapona muchiindi chakapona Mozesi bakapegwa mana kuti balye. (Neh. 9:15; bala Intembauzyo 78:​24, 25.) Zili aantanganana kuti mizeezo yabo yakachili kubikkila maanu kunkani yachakulya. Alubo chiindi Jesu naakambuula atala “[achinkwa] chachoonzyo kuzwa kujulu,” chakali kukonzya kupa kuti bajane buumi butamani taakwe nibakabuzisisya pe kuti Jesu abapandulwide kuti wakali kwaambaanzi. (Joh. 6:32) Bakachili kubikkila maanu kuzintu zyakumubili alubo teebakaba aandaba pe akasimpe Jesu nkaakali kubayiisya. Twiiyaanzi kunkani eeyi?

NZITWEELEDE KUBIKKILA MAANU

12. Jesu wakaamba kuti niinzi nzitweelede kubikkila maanu loko?

¹² Muli Johane chaandaano 6 kuli chiiyo chiyandikana loko nchitujana. Tweelede kubikkila maanu kuzintu zyamubukombi. Alubo Jesu wakayiisya kaambo aaka kayandikana naakasunkwa aaSaatani. (Mt. 4:​3, 4) Kunkambawuko yakwe Yakuchilundu wakasimya kaambo aaka kakuti tubikkile maanu kuzintu zyabukombi. (Mt. 5:3) Nkinkaako tweelede kulibuzya kuti, ‘Nzila njindiponaayo ilatondeezya na kuti ndibikkila maanu kuzintu zyamubukombi kwiinda zintu zyakumubili?’

13. (a) Nkamboonzi nikuyandikana kuti tukombele kuti tujane chakulya? (b) Pawulu wakatuchenjezya atalaanzi? (1 Bakkorinte 10:​6, 7, 11)

¹³ Kulayandikana kuti tukombele zintu zyakumubili akuti tunoneezegwe anzizyo. (Lk. 11:3) Bbayibbili lyaamba kuti muntu weelede “kulya, kunywa alimwi akukkomana” alubo eechi “cizwa kujanza lya Leza mwini-mwini.” (Muk. 2:24; 8:15; Jak. 1:17) Nikuba oobo, tweelede kuba aamaboneno aalikabotu atala azintu zyakumubili. Mwaapostoli Pawulu wakayiwamba nkani eeyi naakali kulembela maKkristu bakali kupona kumamanino aabweende bwazintu bwachiJuda. Wakaamba zintu zyakachitikila ma-Israyeli nibakali munkanda kuswaanizya azintu zyakachitika kabali aafwiifwi aChilundu chaSinayi. Wakachenjezya maKkristu atala ankani eeyi, “kuchitila kuti [batayandi] zintu zibi mbuli [ma-Israyeli] mbubakaziyanda.” (Bala 1 Bakkorinte 10:​6, 7, 11.) Nikuba kuti Jehova wakabapa chakulya munzila yachigambyo, pesi ma-Israyeli akaambo kabutangazu bakapa kuti nzyaakachita Jehova zibonekaanga ‘nzintu zibi.’ (My. 11:​4-6, 31-34) Alubo chiindi nibakapanga ng’ombe yangolida bakalya, bakanywa, alubo bakali kubotelwa. (Kul. 32:​4-6) Pawulu wakabelesya chikozyano chabo kuchitila kuti ibe nchenjezyo kumaKkristu bakali kupona kumamanino aabwiime bwachiJuda mu 70 C.E. Andiswe tulikupona kumamanino aabwiime bwazintu oobu nkinkaako, kulayandikana kuti twaaswiilile malayilile ngaakaamba Pawulu.

14. Niinzi nzitulangilila munyika mpya munkani yachakulya?

 ¹⁴ Chiindi Jesu naakatubuzya kuti tukombele “chakulya chesu chabuzuba oobuno,” wakatuyiisya kuti tukombele kuti kuyanda kwaLeza kuchitwe “aanyika mbuli kujulu.” (Mt. 6:​9-11) Niinzi chisika mumizeezo yako kuti wayeeyesesya atala abuumi mbubutanoobede muchiindi eecho? Bbayibbili litondeezya kuti nikwazoochitwa kuyanda kwaLeza aanyika, aanyika kuzooba chakulya chinono loko. Kweendelana alugwalo lwa Isaya 25:​6-8, kunooli chakulya chiingi nikwazoosaanguna kweendelezya Bwaami bwaJehova. Intembauzyo 72:16 yaamba kuti: “Kuyooba maila manji anyika; atala lyamalundu ayoovwula citaambiki.” Tuyandi na kuyoojika chakulya nchuyandisya loko naakuti kuyooyezya kujika chimwi chakulya nchutanaba aabuzuba wachilya pe? Kuyungizya aali zeezi, uyoobyala misaansa mpawo uyoolya michelo yamisaansa eeyo. (Is. 65:​21, 22) Bantu boonse batanooli aanyika, banoononeezegwa akunonelwa aazyakulya eezi.

15. Niinzi nzibatazooyiisigwe bantu batazoobusigwe? (Johane 6:35)

¹⁵ Bala Johane 6:35. Niinzi zitazoochitikile aabo Jesu mbaakasanina aachinkwa atuswi? Nibazoobusigwa, bamwi ulakonzya kuzoobaswaana. Nikuba kuti kumasaangunino teebakatondeezya lusyomo pe, pesi balakonzya kuzoobusigwa. (Joh. 5:​28, 29) Bantu aabo bayooyiisigwa kuti Jesu wakali kwaambaanzi naakababuzya kuti: “Ime ndili chinkwa chabuumi. Kufumbwa muntu uuza kulindime, tazoobi aanzala pe.” Beelede kuyooba aalusyomo muchinunuzyo chaJesu akuba aalusyomo lwakuti Jesu wakabafwida. Pesi aachiindi eecho, kunooli mabambe aakuyiisya bantu batazoobusigwe abana batazoozyalwe munyika mpya. Chinooli chilongezyo chipati loko kutola lubazu mumabambe aaya aakuyiisya! Kutola lubazu mumulimu ooyu wakuyiisya bantu kuti bazibe atala aLeza kunoononeezya loko kwiinda kulya chakulya chibola. Nichoonzyo, munyika mpya, nkani zyabukombi nchicho chinooli chintu chiyandikana loko.

16. Tuzoolanga-langaanzi muchiiyo chitobela?

¹⁶ Twalanga-langa chipanzi chankani iili muli Johane chaandaano 6, pesi kuli zintu zyiingi nzyaakayiisya Jesu atala ‘abuumi butamani.’ MaJuda mbaakali kuyiisya Jesu bakeelede kuzibikkila maanu zintu nzyaakaamba Jesu. Andiswe tweelede kuzibikkila maanu. Muchiiyo chitobela, tuzooyinkilila kunembo kulanga-langa lugwalo lwa Johane chaandaano 6.