Wakaamvwisisisya na makani aaNgazizyakulinda zyamunyaka uuno? Nga ulayisandula biyeni mibuzyo iitobela?

Jehova ubajata biyeni banakazi?

Baalumi abanakazi ubayanda munzila iikozyenie. Leza ulaandaba ambubalimvwa azintu zibakataazya banakazi. Alubo upede bachizi bachiKkristu mulimu wakuchita.—w24.01, pp. 15-16.

Kujana twaabelesya biyeni majwi aali muli Ba-efeso 5:​7, aakuti: “Mutaliswaanizyi aambabo pe”?

Mwaapostoli Pawulu wakali kutuchenjezya kuti tutaliswaanizyi aabantu bakonzya kupa kuti kutuyumine kukakatila kuzyeelelo zyaLeza. Kuliswaanizya aabantu aaba takugoleli aakujana chiindi chakubaamwi kupela katubwenene ambabo. Pesi kuswaanizya kwaambuulaabo katubelesya nzila zyakwaambuuzyania zyamazubaano.—w24.03, pp. 22-23.

Niinzi nzitukonzya kuchita kuti tuzibe manwa aabasinkondoma akuti twaatantamuke?

Tweelede kuchenjelela makani aazwa kubeenzuma aazwa kubantu batasyomeki, mameseji aali aankani zibotezya zili atala abakombi baJehova aazwa kubantu mbitutazi pe abasiluleyo bachitaanga bayanda kwiiya Bbayibbili.—w24.04, p. 12.

Niinzi nzituzi anzitutazi pe atala anzila Jehova njayoomubetekaayo Mwaami Solomoni abaabo bakafwa mumuunzi waSodoma aGomora amuZambangulwe?

Tatuzi pe kuti Jehova wakasala kuti na bantu boonse aaba batazoobusigwi pe. Nikuba oobo, tulizi kuti nguwe ulaansandulo, iswe tatuzi pe akuti ulaaluzyalo lupati.—w24.05, pp. 3-4.

Kuziba kuti Leza ‘ndiBbwe’ kutusungwaazya biyeni? (Dt. 32:4)

Tulakonzya kuyuba muli Jehova. Jehova ulasyomeka alubo tatusiyi pe ukkala kazuzikizya zisyomezyo zyakwe. Alubo tachinchi pe, buntu bwakwe amakanze aakwe.—w24.06, pp. 26-28.

Niinzi chikonzya kukugwasya nwaachincha mbungano?

Syoma Jehova, ulakonzya kukugwasya mbuli mbaakagwasya bakombi bakwe bachiindi. Uteezyaanisyi mbungano mpya ayachiindi. Ba aazyiingi zyakuchita mumbungano mpya alubo ba aabeenzinyokwe bapya.—w24.07, pp. 26-28.

Nziizili zyiiyo nzitujana muzikozyano zitatu zili muli Mateyo chaandaano 25?

Chikozyano chambelele ampongo chaambuula atala akusyomeka. Chikozyano chabanakalindu bachenjede abafuba-fuba chitondeezya mbukuyandikana kulibambila akulindila. Alubo chikozyano chamatalenta chitondeezya mbukuyandikana kubeleka changuzu akuba basungu.—w24.09, pp. 20-24.

Kkoche lyatempele lyaSolomoni lyakali damfu biyeni?

Muli 2 Makani 3:​4, bumwi busanduluzi bwaamba kuti kkoche lyakali “tukokola tuli 120” bulamfu kuya mujulu, zyaamba kuti muduli ooyo wakali mulamfu kwamamita aali 53. Pesi bumwi busanduluzi bwaamba kuti lyakali “tukokola tuli 20 mubulamfwu,” naakuti mamita aasika ku 9 mubulamfu. Kubonekaanga njilika yakkoche yakaleelene anjilika yamiduli yatempele.—w24.10, p. 31.

Zyaambaanzi kuti mubelesi wambungano “mulumi uuli aamwanakazi uumwi”? (1 Tim. 3:12)

Zyaamba kuti ukwete mwanakazi uumwi kupela alubo tayelede kuchita bwaamu pe. Kuyungizya aali zeezi, tayelede kubamenena mate pe bamwi banakazi.—w24.11, p. 19.

Nkamboonzi nitukonzya kwaamba kuti zilembedwe muli Johane 6:53 teenzizyo pe zyakali kuchitwa kuChilalilo chaMwaami?

Johane 6:53 yaambuula atala akulya mubili waJesu akunywa ganzi lyakwe. Mu 32 C.E., Jesu naakali muGalili wakabuzya maJuda bakeelede kuba aalusyomo mulinguwe majwi aaya. Nikuba oobo, Chilalilo chaMwaami, chakazoochitwa mumunyaka wakazootobela kuJerusalema. KuJerusalema, Jesu wakali kwaambuula aabaabo mbatakayendelezyaabo kujulu.—w24.12, pp. 10-11.