MULI Bwatatu kuseeni, muJanuary 24, 2018, bamumpuli yaaBbeteli kuUnited States akuCanada, bakabotelwa kumvwa chizibisyo chiyandikana chakuti: Mukwesu Kenneth Cook, Jr., waba aakati kabakwesu bamuKabunga Keendelezya kaBakamboni baJehova.

Mukwesu Cook, wakazyalilwa kuPennsylvania, U.S.A. alubo nkuko nkwaakakomenena. Wakayiya kasimpe kuli umwi sichikolonyina kali waba afwiifwi kumaninsya chikolo alubo wakabbabbatizigwa muJune 7, 1980. Wakasaanguna mulimu wachiindi choonse kali payona wachiindi choonse muSeptember 1, 1982. Naakapayona kwaminyaka iibili, wakatambwa kuti akabelekele kuBbeteli alubo wakasaangunina kuWallkill, New York muOctober 12, 1984.

Muminyaka iili 25 yakatobela, Mukwesu Cook, wakabeleka milimu iisiyene-siyene mudipatimenti yakuPulinta akuBethel Office. Wakakwatana amuchizi Jamie mu1996 alubo bakasaanguna kubelekaamwi mumulimu waaBbeteli kuWallkill. MuDecember 2009, Mukwesu aMuchizi Cook, bakakumbilwa kuti bakabelekele kuWatchtower Educational Center kuPatterson, New York, ooko Mukwesu Cook nkwaakakubeleka kali muDipatimenti Yakulemba (Writing Correspondence Department). MuApril 2016 kabali achiindi chifwiifwi kababeleka kuWallkill, Mukwesu aMuchizi Cook, bakakumbilwa kuti bakabelekele kuBrooklyn, New York. Nikwakayinda myeezi iili 5, bakakubelekela kumawofesi mapati, kuWarwick, New York. MuJanuary 2017, Mukwesu Cook, wakasalwa kuti abeleke kali mugwasilizi waKkomiti Yakulemba yaKabunga Keendelezya.