Toonse tuli aachiindi chiche chakubala Bbayibbili akuyeeyesesya. Kujana twachibelesya biyeni chiindi eecho nchitujana? Chakusaanguna, lipe chiindi chikkwene nulikubala. Kuti wajana chiindi chikkwene chakubala nikuba zintu ziche biyo, kulakonzya kukugwasya loko kwiinda kuti ubale zintu zyiingi kulikuchijaana.

Kuzwa waawo, saanguna kubala zintu ziyandikana. (Ef. 5:15, 16) Nzezi zimwi nzukonzya kuchita:

• Bala Bbayibbili buzuba abuzuba. (Int. 1:2) Ulakonzya kusaanguna kubala zyaandaano zyamuBbayibbili nzitwiiya kumiswaangano yaakati kamviki.

• Libambile Chiiyo chaNgaziyakulinda amiswaangano yaakati kamviki. Libambile kabotu kuchitila kuti ukakonzye kusandula.—Int. 22:22.

• Yendelana aambunga kwiinda mukukkala kubala mabbuku akweebela mavidiyo aagwisigwa aajw.org.

• Yanduulisisya atala ayimwi nkani njuyandisya. Ulakonzya kuyanduulisisya atala abumwi buyumu-yumu mbulikuswaana, mubuzyo ngulaawo naakuti atala ayimwi nkani yamuBbayibbili njuyanda kumvwisisisya kabotu.