▪ Bbayibbili talyaambi pe kuti nkamboonzi nibakasala oobo. Pesi litondeezya makani aatugwasya kubona kuti nkamboonzi nibakasala kuchita oobo.

Ngilozi yakabuzya Mariya kuti wakali kuzooba aada akuti wakali kuzootumbuka mwana. Chiindi ngilozi niyakamubuzya mulumbe ooyu, Mariya aJosefa bakali kukkala kuNazareta iili kuGalili, nkwaakali kuzwa Josefa. (Lk. 1:26-31; 2:4) Mukuya kwachiindi, nikaboola kuzwa ku-Ijipiti, bakabweeda kuNazareta. Jesu wakakomenena nkukooko alubo wakaba wakuNazareta. (Mt. 2:19-23) Chiindi nituyeeya atala aNazareta, ngatwayeeya Josefa, Mariya aJesu.

Mariya wakali aabbululu wakwe uutegwa Elizabbeti wakali kukkala kuJuda. Elizabbeti wakakwetwe aamupayizi Zekkariya alubo mbibayina baJohane Mubbabbatizi. (Lk. 1:5, 9, 13, 36) Mariya wakaswaya Elizabbeti alubo wakakkala nkukooko kuJuda kwamyeezi iitatu. Mpawo Mariya wakazoobweeda kuNazareta. (Lk. 1:39, 40, 56) Nzizyo zyakapa kuti ayizibe kabotu Juda.

Mukuya kwachiindi, Josefa wakaswiilila mulawu wakuti ‘akalilembye.’ Josefa wakeenda kuzwa kuNazareta kuyoosika kuBbetelehema “mumuunzi waDavida” alubo nkuko kwakapulofitidwe kuti kuzoozyalilwa Mesiya. (Lk. 2:3, 4; 1 Sam. 17:15; 20:6; Mik. 5:2) Chiindi Mariya naakatumbuka Jesu, Josefa aMariya bakasala kuti batabweedi kuNazareta pesi bakkale muBbetelehema. Bakkala muBbetelehema alubo musinzo wakuzwa kuBbetelehema kusika kuJerusalema wakali kulampa makkilomita aasika ku9. Eezi zyakapa kuti bakonzye kweenda aamwanaabo kutempele akuti bakape chipayizyo.—Lev. 1212:2, 6-8; Lk. 2:22-24.

Ngilozi yakabuzya Mariya kuti mwanaakwe wakali kuzoopegwa “chuuno chabwaami chaDavida” akuti wakali kuzooba “Mwaami uutazooyendelezye.” Kulakonzeka kuti Josefa aMariya bakakubona kakuyandikana kuti Jesu azyalilwe mumuunzi waDavida. (Lk. 1:32, 33; 2:11, 17) Kulakonzeka kuti bakayeeya kuti bakasala munzila yabusongo kuti bakkale nkukooko akuti balindile Leza kuti ababuzye zimwi nzibakeelede kuchita.

Tatuzi pe kuti bakali baba aachiindi chilamfu biyeni kabali muBbetelehema, chiindi basikupandulula bweende bwanyenyeezi nibakasika. Pesi bakachili kukkala mung’anda amwanaabo wakachili mutete. (Mt. 2:11) Bakasala kukkala muBbetelehema akuba aamuunzi mumo kutali kuti babweede kulimbabo kuNazareta.

Herodi “wakatuma bantu kuti bakajaye bana balombe boonse bamuBbetelehema . . . bakali aaminyaka iibili kaziya aansi.” (Mt. 2:16) Ngilozi yakachenjezya Josefa aMariya mpawo bakachijila ku-Ijipiti aJesu alubo bakkala nkukoko kusikila Herodi naakafwa. Nikwakayinda chiindi Josefa wakayinka kuNazareta ampuli yakwe. Nkamboonzi nibakatabweeda kuBbetelehema? Nkaambo mwana waHerodi wakali kutegwa Akkilasi wakali kweendelezya kuJudiya wakali aalunya loko alubo ngilozi yaJehova yakamuchenjezya Josefa kuti atayinki. Kali kuNazareta, Josefa wakali kukonzya kumukomezya kabotu Jesu akumuyiisya atala aJehova.—Mt. 2:19-22; 13:55; Lk. 2:39, 52.

Kulakonzeka kuti Josefa wakafwa Jesu katanafwa pe akupa kuti bamwi bazookonzye kuya kujulu kuti bakeendelezye. Nkinkaako, Josefa uzoobusigwa kuti azoopone aanyika. Bantu biingi bazooswaananaawe alubo bazooziba zyiingi kuti nkamboonzi naakasala kukkala kuBbetelehema ampuli yakwe chiindi Jesu naakazyalwa.