Mibuzyo Yabasikubala
Nkamboonzi bamwi bantu nibaamba kuti lugwalo lwa Intembauzyo 12:7 lwaamba “majwi aa Jehova” (aali muvesi 6) kakuli Bbaibbele lya Busanduluzi Bwanyika Mpya lyakasandululwa kalyaamba “bantu bapengede [naakuti bali mumapenzi]” (muvesi 5)?
Majwi aazyungulukide atondeezya kuti muvesi eeyi, Davida wakali kwaamba bantu.
Muli Intembauzyo 12:1-4, tubala kuti “bantu basyomeka baloba akati kabantu.” Mpawo muli Intembauzyo 12:5-7, wakazoowamba kuti:
“‘Akaambo kakuti bantu bapengede baladyaamininwa,
Akaambo kakutongela kwabacete,
Ndilanyamuka akubweza ntaamu,’ mbwaamba Jehova.
‘Ndilabafwutula kuli baabo babasampaula.’
Majwi aa Jehova alasalala;
Ali mbuli nsiliva yasalazyigwa mubbibi lyamulilo lyabulongo, iisalazyidwe ziindi zili ciloba.
Yebo uyoobalinda, O Jehova;
Uyoomukwabilila umwi aumwi wabo kutalikila kuzyalani eeli mane kukabe kutamani.”
Vesi 5 yaambuula atala azintu Leza nzyatazoochitile bantu bali mumapenzi. Uzoobafutula.
Vesi 6 iyungizya aamajwi aakuti “majwi aa Jehova alasalala” “mbuli nsiliva yasalazyigwa.” Oobu mbumbubo mbutwaabona majwi aaJehova.—Intembauzyo 18:30; 119:140.
Lino bona zyaambwa muvesi iitobela, Intembauzyo 12:7 yaamba kuti: “Yebo uyoobalinda, O Jehova; Uyoomukwabilila umwi aumwi wabo kutalikila kuzyalani eeli mane kukabe kutamani.” Tuzizi biyeni kuti majwi aachiHebberu aakusaanguna muvesi eeyi akali kwaamba “bantu bapengede” kutali “majwi aa Jehova”?
Akaambo kakuti vesi 6 itobelana aavesi 7, bantu babonaanga Leza ‘ulinda’ majwi aakwe mbukunga vesi 6 yaambuula atala ‘amajwi aa Jehova.’ Nichoonzyo, tulizi kuti Leza wakakwabilila Bbayibbili nikuba kuti basikukazya bakeezya aanzila zyiingi kuti balikasye akuti balinyonyoone.—Is. 40:8; 1 Pet. 1:25.
Nikuba oobo, Jehova ulabalinda chachoonzyo bakombi bakwe baambidwe muvesi 5. Jehova ulikwiinkilila kunembo kubagwasya akubafutula “bantu bapengede” ‘abadyaamininwa.’—Job. 36:15; Int. 6:4; 31:1, 2; 54:7; 145:20.
Niinzi chipa kuti twaambe katuli aachoonzyo kuti vesi 7 yaambuula atala abantu?
Majwi amuli Intembauzyo ngawo aatondeezya kuti vesi eeyi yaambuula atala abantu.
Muli Intembauzyo 12:1, 2, Davida wakaamba kuti bantu teebakachili kusyomeka pe alubo eezi zyakapa kuti we abamwi baswaane mapenzi. Mpawo vesi 3 yaamba kuti Jehova uzoobasubula aabo batasyomeki. Intembauzyo eeyi itugwasya kuba aachoonzyo chakuti tulakonzya kusyoma Leza kuti ulakonzya kugwasya bakombi bakwe nkaambo majwi aakwe alasalala.
Nkinkaako, vesi 7 yaamba kuti Jehova ulabalinda akubakwabilila aabo bali mumapenzi aayetwa aabantu babi.
Makkopi aasyomeka aaMagwalo aachiHebberu akabelesya bbala lyaamba bantu muvesi eeyi. Nkinkaako, kweelede kuti muvesi eeyi mulikwaambwa atala abantu basyomeka balikupenzegwa akudyamininwa. Mpawo vesi 7 yaamba kuti muntu uusyomeka “umwi aumwi” uzookwabililwa “kuzyalani eeli” lisumpula ‘bukkale bubi kapati.’ (Int. 12:7, 8) Vesi 7 niyakasandululwa mumulaka wachi-Aramayikki kuzwa mumulaka wachiHebberu, yaamba kuti: “Yebo, O MWAAMI, uyoobakwabilila bantu baluleme, uyoobalinda kutalikila kuzyalani eeli bbi mane kukabe kutamani.” Majwi aaya apa bumwi bukamboni bwakuti Intembauzyo 12:7 tayaambuuli atala amajwi aaLeza pe.
Akaambo kakaambo aaka, vesi eeyi ibapa bulangilizi “bantu basyomeka” bwakuti Leza uzoobagwasya.
