1, 2. (a) Bamwi bazyali balimvwa biyeni chiindi mwanaabo nayanda kubbabbatizigwa? (b) Nkamboonzi bantu bayanda kubbabbatizigwa nibabuzigwa kuti bakalipeda na kuli Jehova? (Langa chifanikisyo chili kumatalikilo achiiyo.)

BAZYALI bakasimbi nkitutiite kuti Mariya, bakali kalangide chiindi nikakiimvwi kunembo kakayanda kubbabbatizigwa abamwi. Mujwi lilaajulu, kakasandula mibuzyo iibili yakabuzigwa asikwaambuula. Mpawo kakabbabbatizigwa.

² Bazyali baMariya bakabotelwa loko mwanaabo naakalipeda kuli Jehova akubbabbatizigwa. Nikuba boobo, katanabbabbatizigwa banyina bakali kulikataazya. Bakali kulibuzya kuti ‘Mariya uchili muniini na kuti abbabbatizigwe? Ulizi na kuti kubbabbatizigwa nchintu chiyandikana? Zilikabotu na kuti ajane bwiimikila kubbabbatizigwa?’ Bazyali biingi ngabalibuzya mibuzyo eeyi chiindi mwanaabo nayanda kubbabbatizigwa. (Muk. 5:5) Kulipeda akubbabbatizigwa nzintu ziyandikana kumaKristu.​—Langa kabbokesi katii, “ Wakalipeda Na Kuli Jehova?”

3, 4. (a) Mwaapostolo Petro wakakukozyanisya anyamaanzi mbukuyandikana kubbabbatizigwa? (b) Nkamboonzi kubbabbatizigwa nikukozyenie akuyaka bwaato nkwaakachita Nowa?

 ³ Naakali kwaambuula atala akubbabbatizigwa, mwaapostolo Petro wakapandulula Nowa mbaakayaka bwaato. Wakati: “Lubbapatizyo, ilukozyene aceeci, alwalo lulamufutula lino.” (Bala 1 Petro 3:20, 21.) Bwaato bwakali kutondeezya antanganana kuti Nowa wakalilipedelede kuchita kuyanda kwaLeza. Nowa wakachita mulimu ngwaakapedwe aJehova. Lusyomo ndwaakatondeezya lwakapa kuti Nowa ampuli yakwe bafutuke. Chikozyano chakaambwa aPetro chambaanzi?

⁴ Bwaato mbwakayaka Nowa bwakatondeezya kuti wakali alusyomo. Akulako kubbabbatizigwa kunembo lyabantu kutondeezya kuti muntu uli alusyomo. Nkamboonzi nikuli boobo? Nkaambo kutondeezya kuti sikwiiya wakalipeda kuli Jehova akuti ulamusyoma Jesu. Mbuuli Nowa, basikwiiya bakalipeda bachita zintu Jehova nzyabalayilila kuchita. Nowa wakafutulwa chiindi chaZambangulwe, nkinkaako bantu bakabbabbatizigwa bayoofutuka yakunyonyoonwa nyika eeyi mbi. (Mk. 13:10; Ciy. 7:9, 10) Eezi zitondeezya kuti kulipeda akubbabbatizigwa zilayandikana. Muntu uulengwaana kubbabbatizigwa ulakonzya kutajana buumi butamani.

5. Tuyoolanga-langaanzi muchiiyo eechi?

⁵ Mbukunga kubbabbatizigwa nchintu chiyandikana, atulange-lange mibuzyo iitatu. Bbayibbele lityeni atala akubbabbatizigwa? Nziizili zintu nzyayelede kuchita muntu katanabbabbatizigwa? Nkamboonzi bazyali naakuti basikupupulula  nibeelede kuyiisya bana babo naakuti bantu mbibayiyaabo Bbayibbele kuti kubbabbatizigwa nchintu chiyandikana?

6, 7. (a) Pandulula kuti nkamboonzi nikwakali kuyandikana kubbabbatizya nkwaakali kuchita Johane. (b) Nchiichili chilongezyo chiyandikana Johane nchaakabaacho?

⁶ Kubbabbatizigwa kwakusaanguna kulembedwe muBbayibbele, kwakachitwa aJohane Mubbabbatizi. (Mt. 3:1-6) Bantu bakabbabbatizigwa aJohane bakatondeezya kuti bakaleka kuchita zintu zibi kweendelana aMulawu waMusa. Nikuba boobo, Johane wakabbabbatizya umwi muntu wakatali kuyandikana kusalazigwa kuzibi. Johane wakaba achilongezyo chakubbabbatizya Jesu, Mwana waLeza wakamaninide. (Mt. 3:13-17) Teekwakali kuyandikana kuti Jesu asalizigwe kuzibi nkaambo taakalikwe chibi. (1 Pet. 2:22) Kubbabbatizigwa kwaJesu kwakali kutondeezya kuti walipeda kuchita kuyanda kwaLeza.​—Heb. 10:7.

⁷ Jesu naakali aanyika, basikwiiya bakwe abalabo bakali kubbabbatizya bantu. (Joh. 3:22; 4:1, 2) Bantu bakabbabbatizigwa abasikwiiya baJesu bakatondeezya kuti bakali baleka kuchita zibi kweendelana aMulawu waMusa, mbuuli mbubakachita bantu bakabbabbatizigwa aJohane. Nikuba boobo, chiindi Jesu naakabusigwa makanze akubbabbatizigwa akachincha.

8. (a) Ngaali malayilile Jesu ngakalayilila basikumutobela naakabusigwa? (b) Pandulula kuti nkamboonzi muKristu nayelede kubbabbatizigwa?

⁸ Jesu naakabusigwa mu33 C.E., wakaboneka kubantu biinda ku5 000, kuswaanizya baalumi, banakazi abana. Kuyeeyelwa kuti mpimpawo mpaakalayilila kuti: “Kamuya mukabaiisye bantu bamisyobo yoonse, akubabapatizya muzina lya-Taata alya-Mwana alya-Muuya Uusalala, alimwi amubaiisye kuti bajatisye makani oonse ngendakamulailila.” (Mt. 28:19, 20; 1 Kor. 15:6) Kuyeeyelwa kuti kwakali basikumutobela biingi chiindi Jesu naakalayilila kuti bayiisye bantu kuti babe basikwiiya. Nkinkaako, Jesu wakatondeezya kuti bantu bayanda kuba basikwiiya bakwe beelede kubbabbatizigwa. (Mt. 11:29, 30) Muntu woonse uyanda kukomba Leza weelede kuzumina kuti Jesu nguwe uupa kuti makanze aaJehova azuzikizigwe. Kuti muntu waziba makani aaya, nga weelela kubbabbatizigwa. Kubbabbatizigwa mumaanzi kutondeezya kuti ulatambulika kuli Leza. Bbayibbele litondeezya kuti basikwiiya bapya bamumwaanda wamunyaka wakusaanguna bakalizi kuti kubbabbatizigwa kulayandikana. Nkinkaako teebakali kunonoka pe kubbabbatizigwa.​—Inc. 2:41; 9:18; 16:14, 15, 32, 33.

9, 10. Twiiyaanzi kuchikozyano chamuItiyopiya amwaapostolo Pawulu?

⁹ Bala Incito 8:35, 36. Atulange-lange chikozyano chamuItiyopiya wakazwa kuJerusalemu kukukomba Leza kabweeda kumuunzi wakwe. Filipi wakabuzigwa amungelo kuti ayinke kumuItiyopiya ‘akumwaambila makani ali atala aJesu.’ Niinzi nchaakachita muItiyopiya ooyo? Nzyaakachita zyakatondeezya kuti makani ngaakayiiya akamusika amoyo. Wakachita kweendelana amabambe aLeza nkinkaako wakabbabbatizigwa mpawaawo.

¹⁰ Chikozyano chabili, nchamuJuda wakali kupenzya maKristu.  Wakazyalilwa muchisi chakasalidwe aLeza. Nikuba boobo, maJuda teebakachili abweenzinyina bulikabotu aJehova. Muntu ooyo wakalisungweete muziyanza zyachiJuda pesi wakazoochincha. Wakakambawukilwa aJesu Kristu. Muntu ooyo wakachitaanzi? Wakazumina kugwasigwa amuKristu uutegwa Ananiya. Bbayibbele lyaamba kuti muntu ooyo “wakanyamuka wabapatizigwa.” (Inc. 9:17, 18; Gal. 1:14) MuJuda ooyo wakazooba mwaapostolo Pawulu. Alubo naakaziba mulimu waJesu mumakanze aaLeza, Pawulu wakabweza ntaamu. Wakabbabbatizigwa mpawaawo.​—Bala Incito 22:12-16.

11. (a) Niinzi chipa kuti bantu bayiya Bbayibbele babbabbatizigwe? (b) Tulimvwa biyeni chiindi bantu nibabbabbatizigwa?

¹¹ Mbukubede kubantu mbitwiiyaabo Bbayibbele, kufumbwa kuti mbapati naakuti mbaniini. Bantu bazisyoma nzibayiya muBbayibbele balalipeda akubbabbatizigwa. Kumiswaangano yamabazu ayabbooma kupegwa nkani zyabantu bayanda kubbabbatizigwa. Bakamboni baJehova balabotelwa chiindi bantu mbibayiyaabo Bbayibbele nibabbabbatizigwa. Bazyali maKristu balabotelwa chiindi bana babo nibabbabbatizigwa. Mumunyaka wamulimu wamu2017, bantu bayinda ku284 000 ‘basalidwe,’ bakalipeda kuli Jehova akubbabbatizigwa. (Inc. 13:48) Bantu aaba bakalizi kuti kubbabbatizigwa chintu chiyandikana kumaKristu. Niinzi chakapa kuti babbabbatizigwe?

12. Muntu uyanda kubbabbatizigwa weelede kuchitaanzi?

¹² Muntu ulikwiiya Bbayibbele katanabbabbatizigwa weelede kusyoma Leza, makanze aakwe akuti Leza uzoofutula bantu. (1 Tim. 2:3-6) Kusyoma muzintu eezi kugwasya sikwiiya Bbayibbele kuti apone kweendelana azyeelelo zyaJehova akutantamuka zintu zitabotezyi Leza. (Inc. 3:19) Muntu takonzyi kulipeda kuli Leza kumwi kachita zintu zipa kuti atakanjili muBwaami bwaLeza. (1 Kor. 6:9, 10) Pesi kuli zintu zyiingi nzyayelede kuchita kutali kukakatila kuzyeelelo zyaJehova zisumpukide luzutu. Muntu uuyandisya bululami weelede kunjila miswaangano yambungano akuchita mulimu wakufutula buumi bwabantu kwiinda mukugwasya bantu kuti babe basikwiiya. Jesu wakaamba kuti mulimu ooyu wakali kuyoochitwa abasikwiiya bakasimpe. (Inc. 1:8) Kuti wachita zyoonse eezi, sikwiiya ulakonzya kulipeda kuli Jehova kwiinda mukukomba akubbabbatizigwa kunembo lyabantu.

13. Nkamboonzi nitweelede kuziba kuti bantu mbitwiiyaabo Bbayibbele abana besu beelede kubbabbatizigwa?

¹³ Nitwiiya abantu Bbayibbele kuswaanizya abana besu, tweelede kuziba kuti bantu bayanda kuba basikwiiya beelede kubbabbatizigwa. Kuchita oobo, kuyoopa kuti chibe chuuba kubasungwaazya kuti babbabbatizigwe. Alubo kuyoopa kuti tuyanduule chiindi chilikabotu chakubabuzya mbukuyandikana kulipeda akubbabbatizigwa. Tuyanda kuti bantu mbitwiiyaabo Bbayibbele kuswaanizya abana besu babbabbatizigwe!

14. Nkamboonzi nituteelede kusungilizya muntu kuti abbabbatizigwe?

¹⁴ Bazyali naakuti bamwi mumbungano, tabeelede kusungilizya muntu kuti abbabbatizigwe. Kuchita oobo takumubotezyi pe Jehova. (1 Joh. 4:8) Nitwiiya abantu, tweelede kubagwasya kuti babe abweenzinyina bulikabotu aJehova.  Muntu ngutwiyaawe Bbayibbele weelede kuzisyoma nzyayiya akulipeda kuba muKristu, eezi ziyoopa kuti ayande kubbabbatizigwa.​—2 Kor. 5:14, 15.

15, 16. (a) Kuli minyaka yeelela na kuti muntu abbabbatizigwe? Pandulula. (b) Nkamboonzi muntu nayelede kubbabbatizigwa kali Kamboni waJehova, nikuba kuti wakalibbabbatizidwe kuli chimwi chikombelo?

¹⁵ Muntu ulakonzya kubbabbatizigwa kufumbwa minyaka njalaayo. Bantu bakomena munzila iisiyene muzintu zyabukombi. Biingi bakabbabbatizigwa kabachili baniini alubo bakayinkilila kunembo kabakomba Jehova. Bamwi bantu bayiiya kasimpe kabali bakomena nkinkaako bamwi ngababbabbatizigwa kabali baba aminyaka iili kuma100.

¹⁶ Umwi muntu wakali kwiiya Bbayibbele, wakali wakomena, wakabuzya muntu ngwaakali kwiiyaawe kuti kwakali kuyandikana kuti abbabbatizigwe lubo na, nkaambo wakali wabbabbatizigwa kale muli zimwi zikombelo. Muntu ngwaakali kwiiyaawe wakamugwasya kabelesya Magwalo. Sikwiiya ooyu wakazimvwisisisya zyeelelo zyamuBbayibbele alubo wakabbabbatizigwa. Nikuba kuti wakali waba aminyaka iili kuma70, wakabona kuti wakeelede kubbabbatizigwa. Muntu weelede kuba aluzibo lwakasimpe atala aJehova kuti abbabbatizigwe. Nkinkaako, muntu weelede kubbabbatizigwa nikuba kuti wakalibbabbatizidwe kuli chimwi chikombelo katanayiya Bbayibbele.​—Bala Incito 19:3-5.

17. Muntu weelede kuyeeyesesyaanzi mubuzuba naabbabbatizigwa?

¹⁷ Buzuba muntu mbwabbabbatizigwa bantu ngababotelwa. Nchichiindi chakuti muntu ayeeyesesye atala ambukuyandikana kulipeda. Kuti muntu apone kweendelana akulipeda nkwaakachita, weelede kubeleka changuzu. Nchicho chakapa kuti Jesu akozyanisye kulipeda ooku akupikula jokwe. Batobeli baJesu ‘tabachiliponeneni beni pesi baponena ooyo wakabafwida akubuka.’​—2 Kor. 5:15; Mt. 16:24.

18. Njiili mibuzyo njitutakalange-lange muchiiyo chitobela?

¹⁸ Banyina aMariya bakalibuzya mibuzyo iili kumatalikilo achiiyo nkaambo bakalizi kuti kubbabbatizigwa nchintu chiyandikana. Kuti kuli muzyali, kulakonzya kuti wakalibuzizye kuti: ‘Mwanaangu wakeelela na kuti abbabbatizigwe? Ulaaluzibo na atala aJehova zyakuti ulakonzya kulipeda kuli nguwe? Ulaamaboneno aali biyeni atala alwiiyo lwaajulu naakuti amulimu uufolwa mali nyingi? Kujana ndachita biyeni kuti mwanaangu wabbabbatizigwa mpawo wazoochita chibi chipati?’ Muchiiyo chitobela, tuyoolanga-langa mibuzyo eeyi akubona bazyali mbubakonzya kuba amaboneno aalikabotu atala akubbabbatizigwa.