1-2. Kuti kutanayelela kubbabbatizigwa, nkamboonzi nuteelede kumana manguzu? (Langa chifanikisyo chili aachivumbyo.)

 KUTI kuyanda kubbabbatizigwa, wakasala kabotu. Pesi walibambila na kubweza ntaamu eeyi iiyandikana lino? Kuti kubona kuti weelela kubbabbatizigwa akuti baalu kababona kuti weelela, utawayi-wayi pe, bbabbatizigwa kumuswaangano uutobela. Kuti wachita oobo, uyoojana zilongezyo zyiingi mukubelekela Jehova.

² Kuli umwi muntu na wakakubuzya kuti kuli zimwi nzweelede kuchita kutanabbabbatizigwa? Naakuti iwe lwako wakalibona kuti weelede kujana bwiimikila kubbabbatizigwa kuti uchite zintu eezyo? Kuti kakuli boobo, utamani manguzu pe. Ulakonzya kwiinkilila kunembo kuchita zintu zipa kuti uzooyelele kubbabbatizigwa muchiindi chilikunembo, kazitakwe ndaba kuti wakomena naakuti uchili muniini.

3. Nkume-nkume yaku-Itiyopiya yakamubuzyaanzi Filipi alubo nguuli mubuzyo ngutukonzya kubawo? (Milimu 8:36, 38)

³ Bala Milimu 8:36, 38. Nkume-nkume yaku-Itiyopiya yakabuzya mukambawusi Filipi kuti: “Niinzi chindikachizya kubbabbatizigwa?” Nkume-nkume yaku-Itiyopiya yakali aachiyandisyo chakubbabbatizigwa pesi mwaalumi ooyu wakali walibambila na choonzyo kuti abweze ntaamu eeyi iiyandikana?

4. Mwaalumi waku-Itiyopiya wakatondeezya biyeni kuti wakali kuyanda kwiiya zyiingi?

⁴ Mwaalumi waku-Itiyopiya “wakali waya kukukomba kuJerusalema.” (Mil. 8:27) Kweelede kuti wakali watambula bukombi bwamaJuda. Kulakonzeka kuti wakali wayiya atala aJehova  kuzwa mumalembe aasalala aaMagwalo aachiHebberu. Nikuba oobo, wakali aachiyandisyo chakwiiya zyiingi. Filipi naakaswaana mwaalumi ooyu mumugwagwa, wakamujana kachitaanzi? Wakali kubala bbuku lyakupeta lyamupolofita Isaya. (Mil. 8:28) Wakali kubala atala akasimpe kayandikana kamuBbayibbili. Mwaalumi ooyu taakakkutisikana aanjiisyo zyakusaanguna zyamuBbayibbili pesi wakali kuyanda kwiinkilila kunembo kayiya zyiingi.

5. Niinzi nzyaakachita mwaalumi waku-Itiyopiya atala aziintu nzyaakali kwiiya?

⁵ Mwaalumi waku-Itiyopiya wakali aachuuno chipati mubweendelezi bwaKkandesi, Mwaami wachanakazi waku-Itiyopiya. “Zintu zyoonse zyamung’anda yamwaami ooyo wachanakazi, zyakali mumaboko aakwe.” (Mil. 8:27) Kulakonzeka kuti mwaalumi ooyu wakali aamilimu myiingi njaakali kuchita naakali kubelekela mwaami ooyu wachanakazi. Pesi wakajana chiindi chakukomba Jehova. Taakali kugolela aakwiiya kasimpe luzutu pesi wakali kupona kweendelana anzyaakali kwiiya. Eezi zyakapa kuti ayende musinzo mulamfu kuzwa ku-Itiyopiya kaya kuJerusalema kuti akakombe Jehova kutempele. Musinzo ooyu wakali mulamfu zyakuti wakali kuyanda kuti abelesye chiindi chakwe azintu zyakwe. Pesi mwaalumi ooyu taakazilanga pe zyoonse eezi nkaambo wakali kuyanda kuyookomba Jehova.

6-7. Niinzi nzyaakachita mwaalumi waku-Itiyopiya zyakali kupa kuti ayinkilile kunembo kuyanda Jehova?

⁶ Mwaalumi waku-Itiyopiya wakayiya kasimpe kayandikana kuzwa kuli Filipi kaswaanizya kuziba Mesiya. (Mil. 8:34, 35) Naakayiya atala azintu nzyaakamuchitila Jesu zyakapa kuti abotelwe loko. Mwaalumi ooyu wakachitaanzi naakayiya zintu eezyo? Wakali kukonzya kukkala kalibobo, kali mwaalumi uulemekwa wachimwi chisi. Pesi teembakachita pe, wakayungizya kuyanda Jehova aJesu. Eezi zyakapa kuti abweze ntaamu iiyandikana loko yakubbabbatizigwa akuba mutobeli waJesu Kkristu. Filipi wakabona kuti mwaalumi ooyu uleelela nkinkaako, wakamubbabbatizya.

⁷ Kuti watobelezya chikozyano chamwaalumi waku-Itiyopiya, anduwe ulakonzya kweelela kuti ubbabbatizigwe. Anduwe ulakonzya kwaamba majwi aakozyenie aakuti, “Niinzi chindikachizya kubbabbatizigwa?” Kwalino, atulange-lange zintu nzukonzya kuchita zyakachitwa aamwaalumi waku-Itiyopiya: Wakayinkilila kunembo kwiiya, wakali kubelesya nzyaakali kwiiya alubo wakali kuchita zintu zitondeezya kuti wakali kumuyanda loko Leza.

8. Lugwalo lwa Johane 17:3 lukusungwaazya kuti uchiteenzi?

⁸ Bala Johane 17:3. Majwi aaya akaambwa aaJesu apa kuti uyande kwiiya Bbayibbele na?  Biingi besu akapa kuti tuyande kwiiya. Ani alatusungwaazya na kuti twiinkilile kunembo kwiiya? Iiyi. Tuyooyinkilila kunembo “kuziba . . . Leza wachoonzyo uuli aalikke.” (Muk. 3:11) Tunookkala katwiiya kusikila kukabe kutamani. Kuti twachita oobo, tulaba aabweenzuma busimide aJehova.—Int. 73:28.

9. Tweelede kugolela aakwiiya njiisyo zyakusaanguna zyamuBbayibbili luzutu na? Pandulula.

⁹ Kwiiya atala aJehova kusaangunina aakwiiya njiisyo zyakusaanguna zyamuBbayibbili. Mulugwalo ndwaakalembela maHebberu mwaapostoli Pawulu wakaamba njiisyo eezi kuti ‘zintu zyakusaanguna.’ Taakali kuubaansya “njiisyo yakusaanguna” pe pesi wakali kwiikozyanisya aamalili aakomezya mwana. (Heb. 5:12; 6:1) Alubo wakasungwaazya maKkristu bakusaanguna kuti batagoleli aakwiiya njiisyo zyakusaanguna luzutu pe pesi beelede kwiiya njiisyo zinikide zili muJwi lyaLeza. Ulaachiyandisyo na chakwiiya atala anjiisyo zyakusaanguna zyamuBbayibbili? Ulayanda na kwiinkilila kunembo kwiiya zyiingi zizwa muBbayibbili akwiiya atala aJehova amakanze aakwe?

10. Nkamboonzi bamwi nikubayumina kubala?

¹⁰ Biingi besu zyakubala tazili mulindiswe pe. Mbulimvwa na anduwe? Kwakali kukunoneezya na kubala nwaakali kuchikolo? Naakuti wakabona kuti zyamabbuku tazili mulinduwe pe. Tawuli aawulikke pe. Pesi utakataazikani pe, Jehova ulakugwasya. Jehova Muyiisi uumaninide alubo wiinda bayiisi boonse.

11. Jehova utondeezya biyeni kuti ‘Muyiisi Mupati’?

¹¹ Jehova ulyaamba kuti ‘Muyiisi wako Mupati.’ (Is. 30:20, 21) Muyiisi uulaamoyo mulamfu, ulaaluzyalo alubo uumvwisisisya. Ubikkila maanu kuzintu zibotu zichitwa aabantu mbayiisya. (Int. 130:3) Alubo talangilili kuti tuchite zintu zyiingi nzitutakonzyi pe kuchita. Tutalubi kuti nguwe wakalenga boongo bwesu, chipo chibotu loko. (Int. 139:14) Zili mulindiswe kuti tube aachiyandisyo chakwiiya. Mulengi wesu uyanda kuti tukkale katwiiya kukabe kutamani alubo katubotelwa. Nkinkaako, kulikabotu kuti tube ‘aachiyandisyo’ chakwiiya kasimpe kamuBbayibbili lino. (1 Pet. 2:2) Sala zintu nzukonzya kuchita lino mpawo utobelezye pulogilamu yako yakubala Bbayibbili. (Jos. 1:8) Kwiinda mukugwasigwa aaJehova, uyooyiya mbukonzya kuba aachiyandisyo chakubala akwiiya atala abubotu bwakwe chiindi choonse.

12. Nkamboonzi nikuyandikana kuti ulipe chiindi chakwiiya atala abuumi bwaJesu amulimu ngwaakali kuchita?

¹² Kkala kuyeeyesesya atala abuumi bwaJesu amulimu ngwaakali kuchita aansi aano. Kuti katuyanda kuti tubelekele Jehova, tweelede kulyata mwakali kulyata Jesu ikapati muziindi eezino ziyumu. (1 Pet. 2:21) Jesu wakaamba kuti basikwiiya bakwe bakali kuyooswaanana aamapenzi. (Lk. 14:27, 28) Pesi wakali aachoonzyo chakuti batobeli bakwe bachoonzyo bakali kuyoozwidilila mbuli mbaakachita. (Joh. 16:33) Lipe chiindi chakwiiya atala abuumi bwaJesu alubo usale zintu nzukonzya kuchita kuti umutobelezye mubuumi bwako.

13. Niinzi nchweelede kukkala kukumbila kuli Jehova alubo nkamboonzi?

¹³ Tatweelede kugolela kuba aaluzibo luzutu. Luzibo lutugwasya kuti twiiye zyiingi atala aJehova akuti tube aabuntu bubotu mbuli kumuyanda akumusyoma. (1 Kor. 8:1-3) Chiindi nuyinkilila kunembo kwiiya, kkala kukumbila Jehova kuti akugwasye kuti uyungizye kuba aalusyomo. (Lk. 17:5) Jehova unoozisandula nkombyo zyako. Lusyomo ndubaalo chiindi nuyiya atala aLeza lukugwasya kuti wiinkilile kunembo mubukombi.—Jak. 2:26.

14. Mwaapostoli Petro wakatondeezya biyeni kuti kulayandikana kubelesya zintu nzitwiiya? (Langa chifanikisyo.)

¹⁴ Mwaapostoli Petro wakatondeezya mbukuyandikana  kuti batobeli baKkristu babelesye zintu nzibayiya chiindi choonse. Wakabelesya lwaano lwamuBbayibbili luli atala aNowa. Jehova wakabuzya Nowa kuti wakali kuyoonyonyoona bantu bamuchiindi chakwe kabelesya Zambangulwe. Kuziba kuti kwakali kuzooza Zambangulwe teenkuko pe akulikke kwakali kuzoopa kuti Nowa ampuli yakwe bafutuke. Mutalubi kuti Petro wakaamba atala achiindi Zambangulwe kalitanaba “bwaato nibwakali kuyakwa.” (1 Pet. 3:20) Nowa ampuli yakwe bakali kubelesya zintu nzibakali kwiiya kuzwa kuli Leza kwiinda mukuyaka bwaato bupati. (Heb. 11:7) Petro wakakozyanisya mulimu ngwaakachita Nowa akubbabbatizigwa chiindi naakalemba kuti: “Kubbabbatizigwa, ooko kweendelana aazintu eezi, ankuko kulikumufutula lino.” (1 Pet. 3:21) Mulaamwi majwi tulakonzya kukozyanisya mulimu ngulikuchita lino kuti ulibambile kubbabbatizigwa amulimu ngwaakachita Nowa ampuli yakwe kwaminyaka myiingi kuti bayake bwaato. Nguuli mulimu nguyelede kuchita kuti weelede kubbabbatizigwa?

15. Kusanduka kwachoonzyo kuswaanizyaanzi?

¹⁵ Chimwi chintu chakusaanguna nchitweelede kuchita nkusanduka kuzibi zyesu. (Mil. 2:37, 38) Kuti twasanduka chachoonzyo, ngatwachincha maponeno eesu. Wakasiya na kuchita zintu zitabotezyi Jehova mbuli kuchita bwaamu, kufwepa naakuti kwaambuula chisapi? (1 Kor. 6:9, 10; 2 Kor. 7:1; Ef. 4:29) Kuti kutanasiya michito eeyi, beleka changuzu kuti uchinche. Kumbila muntu ngwiiyaawe Bbayibbili naakuti baalu bamumbungano kuti bakugwasye. Kuti kuchili muniini alubo kuchikkala aabazyali, bakumbile bakugwasye kuti usiye michito eeyi iikonzya kukukachizya kuti ubbabbatizigwe.

16. Nziizili zintu zyabukombi nzitweelede kuchita?

¹⁶ Kulayandikana kuti utobelezye pulogilamu yako yazintu zyabukombi. Pulogilamu eeyo iswaanizya kunjila miswaangano yambungano akutola lubazu kumiswaangano eeyo. (Heb. 10:24, 25) Kuti weelela kuchita mulimu wakukambawuka, baachoonzyo chakuti ulawuchita mulimu ooyu chiindi choonse. Kuti wakkala kuchita mulimu ooyu uufutula buumi bwabantu, uyoobotelwa loko. (2 Tim. 4:5) Kuti kuchili muniini alubo kukkala aabazyali libuzye kuti, ‘Bazyali bangu mbabo bandiyeezya na kuti ndeelede kwiinka kumiswaangano akwiinka mumulimu wakukambawuka? Naakuti ndime  ndilisalila biya na kuchita milimu eeyi?’ Kuti kakuli nduwe uulisalila biya kuchita milimu eeyi, nga ulikutondeezya kuti uli aalusyomo muli Jehova Leza, ulamuyanda akuti ulamulumba. Milimu yoonse eeyi ‘michito yakulipeda kuli Leza,’ nzipo nzitupa Jehova. (2 Pet. 3:11; Heb. 13:15) Zipo zyoonse nzitupa Jehova amoyo woonse zilamubotezya. (Kozyanisya aa 2 Bakkorinte 9:7.) Tuchita milimu eeyi nkaambo tulabotelwa kupa Jehova zintu zyoonse zibotu.

17-18. Mbuubuli buntu buyandikana mbweelede kubaabo kuti weelede kubbabbatizigwa alubo nkamboonzi? (Tusimpi 3:3-6)

¹⁷ Chiindi nuyinkilila kunembo kuchita zintu zipa kuti weelele kubbabbatizigwa, uyooswaanana aabuyumu-yumu. Bantu balakonzya kukuseka akaambo kalusyomo lwako, bamwi balakonzya kukukazya naakuti kukupenzya. (2 Tim. 3:12) Chiindi nubeleka changuzu kuti usiye umwi muchito uutali kabotu, chimwi chiindi uzoolibona wawubweedela lubo muchito ooyo uutali kabotu. Amwi ulakonzya kutaba aamoyo mulamfu akubboyikana nkaambo nga ulikubonaanga taakwe nzulikuchita pe kuti weelele kubbabbatizigwa. Pesi niinzi zikonzya kukugwasya kuti ulisimye? Nkuyanda Jehova.

¹⁸ Kuyanda Jehova nchintu chibotu loko alubo chiyandikana nchuli kuchita. (Bala Tusimpi 3:3-6.) Kuyanda Leza kulakonzya kukugwasya kuti ulisimye chiindi nwaaswaana buyumu-yumu. Bbayibbili lyaamba kuti Jehova ubatondeezya luyando lutamani bakombi bakwe. Akaambo kaluyando lutamani, ziyume zitete Jehova tabalekelezyi pe bakombi bakwe. (Int. 100:5) Wakalengwa muchikozyano chaLeza. (Matl. 1:26) Nkinkaako, nga ulalutondeezya biyeni anduwe luyando lutamani?

19. Nga ulatondeezya biyeni kuti ulamulumba Jehova akaambo kazintu zyoonse nzyaakakuchitila? (Bagalatiya 2:20)

¹⁹ Ba muntu uulumba. (1 Tes. 5:18) Buzuba abuzuba, libuzye kuti, ‘Jehova ulikutondeezya biyeni kuti ulandiyanda?’ Mpawo ube aachoonzyo chakuti ulamulumba Jehova chiindi nukomba kulinguwe kuwamba zintu nzyaakakuchitila. Bona zintu eezyo nzyaakakuchitila Jehova mbuli kuti wakachitila nduwe kukugama. Kuti wachita oobo, nga ulikuchita mbuli mbaakachita mwaapostoli Pawulu naakabona kuti Jehova wakali kumuchitila zintu zibotu. (Bala Bagalatiya 2:20.) Libuzye kuti, ‘Nga ndilamutondeezya biyeni Jehova kuti ndilamuyanda?’ Kuyanda Jehova kuyookugwasya kuti uzumanane kutantamuka masunko akulisimya  chiindi nuswaana buyumu-yumu. Alubo kulakugwasya kuti ukkale kuchita zintu zyabukombi, kutondeezya kuti ulamuyanda Taateesu buzuba abuzuba.

20. Niinzi nzweelede kuchita kuti ulipede kuli Jehova alubo nkamboonzi kuchita oobo nikuyandikana?

²⁰ Mukuya kwachiindi, kuyanda Jehova kuzoopa kuti uzookombe kulinguwe kumubuzya majwi aayandikana loko. Nga ulikumubuzya kuti walipeda kulinguwe. Utalubi kuti kulipeda kuli Jehova nchintu chiyandikana loko nchutazoochite nkaambo ngawaba waJehova kukabe kutamani. Kuti walipeda kuli Jehova nga ulikusyomezya kuti unoomubelekela muziindi zibotu amuziindi ziyumu. Takwiindululwi pe kulipeda kuli Jehova. Nkinkaako, chiindi nitulipeda kulinguwe, nga tuli kubweza ntaamu iiyandikana. Nichoonzyo kuti uyoosala zintu zibotu loko mubuumi bwako pesi taakwe kusala kwiinda kusala kulipeda kuli Jehova. (Int. 50:14) Saatani uyooyezya kuchita zintu zipa kuti uleke kuyanda Jehova kalangilila kuti ulaleka kusyomeka kulinguwe. Pesi utamupi mweenya pe. (Job. 27:5) Kuyanda Jehova kulakugwasya kuti upone kweendelana achisyomezyo chako chakulipeda kuli Jehova akuswena aafwiifwi aTaateesu wakujulu.

21. Nkamboonzi kubbabbatizigwa nali masaangunino biyo?

²¹ Chiindi nwaazwa kulipeda kuli Jehova, buzya baalu bamumbungano yako kuti ulikuyanda kubweza ntaamu iiyandikana. Weelede kukkala kuzi kuti kubbabbatizigwa masaangunino biyo. Mpimpawo mpusaanguna kubelekela Jehova kwabuumi bwako boonse. Weelede kusaanguna kumuyanda loko Jehova lino. Libikkile zipeekezyo zipa kuti umuyande Jehova buzuba abuzuba. Kuchita oobo kuyoopa kuti weelele kubbabbatizigwa. Buzuba bwako bwakubbabbatizigwa mbuzuba buyandikana loko. Pesi masaangunino biyo. Yanda Jehova aMwanaakwe lino mane kukabe kutamani.