MAJWI AAMUBBAYIBBILI
“Leza Wakali Kulekelela Zibi Zyakachitwa Chiindi”
Chinunuzyo chaJesu kupela nchicho chipa kuti tulekelelwe zibi zyesu. (Ef. 1:7) Pesi Bbayibbili lyaamba kuti: “Leza wakali kulekelela zibi zyakachitwa chiindi,” nkukwaamba chiindi Jesu katanapa chinunuzyo. (Rom. 3:25) Jehova wakali kuzichita biyeni eezi aachiindi chimwi kayinkilila kunembo kuchita zintu nzyaakasala kuti zililuleme?
Kweendelana amaboneno aaJehova, kwakali mbuli kuti chinunuzyo chakabbadalwa chiindi naakasala ‘lunyungu’ kuti luzoofutule bantu bamusyoma. (Matl. 3:15; 22:18) Leza wakali aachoonzyo chakuti aachiindi chakwe, Mwanaakwe uuzyedwe aalikke wakali kuzooliyandila kuti ape chinunuzyo. (Gal. 4:4; Heb. 10:7-10) Jesu naakali aanyika kali mwiiminini waLeza, wakali aanguzu zyakulekelela zibi zyabantu nkaambo wakalizi kuti chinunuzyo nchaakali kuzoopa kunembo chakali kuzoopa kuti bantu balekelelwe zibi zyabo.—Mt. 9:2-6.