1-2. Muntu ugwasigwa biyeni chiindi naabbabbatizigwa?

 TULABOTELWA chiindi nitwabbabbatizigwa akuba mumpuli yaJehova. Nchilongezyo chipati kuba aabweenzuma buli aafwiifwi aJehova. Tuzuminana aamajwi ngakaamba sintembawuzyo Davida aakuti: “Ulikkomene muntu ngosala akuswenya kulinduwe kuti akkale mumabuwa aako.”—Int. 65:4.

² Jehova takweli kufumbwa muntu kuti aze mumabuwa aakwe. Mbuli mbutwakayiya muchiiyo chayinda, Jehova ukwela aabo batondeezya kuti bayanda kuba aabweenzuma buli aafwiifwi anguwe. (Jak. 4:8) Nkinkaako, kuti walipeda kuli Jehova akubbabbatizigwa, ulaswena aafwiifwi anguwe. Baachoonzyo chakuti chiindi nwaabbabbatizigwa, Jehova ‘ulakupoomweda zileleko zinji kapati cakuti tukoobulizya cintu cili coonse.’—Malk. 3:10; Jer. 17:​7, 8.

3. Niinzi nzibeelede kuchita maKkristu bakalipeda akubbabbatizigwa? (Mukambausi 5:​4, 5)

³ Kubbabbatizigwa masaangunino biyo. Chiindi nubweza ntaamu eeyi, kulayandikana kuti ubeleke changuzu kuti upone kweendelana achikonke chako nikuba chiindi nwaaswaana masunko aasunka lusyomo lwako. (Bala Mukambausi 5:​4, 5.) Mbuli sikwiiya waJesu, weelede kweezya kutobela chikozyano chakwe amilawu yakwe. (Mt. 28:​19, 20;1 Pet. 2:21) Chiiyo eechi chilakugwasya kuti uchite oobo.

 ‘YINKILILA KUNEMBO KUTOBELA’ JESU NIKUBA NWASWAANA MASUNKO

4. Muunzilaanzi basikwiiya baJesu mubakali kuzoonyampula ‘chisamu chakupenzezya’? (Lukka 9:23)

⁴ Kuti wabbabbatizigwa, utabonaanga tuchiswaani mapenzi. Jesu wakakabikka aantanganana kaambo aaka chiindi naakaamba kuti basikwiiya bakwe bakali kuyoonyampula “chisamu . . . chakupenzezya.” Bakali kuyoochita oobo “buzuba abuzuba.” (Bala Lukka 9:23.) Jesu wakali kwaamba kuti batobeli bakwe bakali kunooswaana mapenzi kupela na chiindi choonse? Teembaakali kwaamba pe. Wakali kusimya kaambo kakuti, kuyungizya aazilongezyo nzibakali kujana, bakali kuzooswaana mapenzi. Amwi mapenzi aayo akali kuyoopa kuti buumi bubayumine.—2 Tim. 3:12.

5. Nziizili zilongezyo nzyaakabasyomezya Jesu aabo basala kusweekelwa zimwi zintu mubuumi kuti babikke Bwaami mubusena bwakusaanguna?

⁵ Kulakonzeka kuti wakakazigwa kale abamumpuli naakuti kuli zintu zyakumubili nzwaakasiya kuti ubikke Bwaami mubusena bwakusaanguna. (Mt. 6:33) Kuti kakuli oobo, baachoonzyo chakuti Jehova wakayibona milimu yako yoonse yalusyomo. (Heb. 6:10) Kulakonzeka kuti wakabona majwi aaJesu mbali aachoonzyo, aakuti: “Taakwe muntu wakasiya ng’anda naakuti bakulana naakuti banike naakuti bachizi naakuti banyina naakuti wisi naakuti bana naakuti myuunda akaambo kangu alubo akaambo kamakani mabotu, uutazoojani maanda, bakulana naakuti banike, bachizi, manyina, bana, amyuunda muchiindi eechino kazyiindulwidwe tuli 100 akupenzegwa alubo mubwiime bwazintu buza, buumi butamani.” (Mk. 10:​29, 30) Zilongezyo nzwaakajana nzyiingi loko kwiinda zintu nzwakasweekelwaazyo.—Int. 37:4.

6. Nkamboonzi nweelede kwiinkilila kunembo kulwana “zintu ziyandwa aamubili” chiindi nwaabbabbatizigwa?

⁶ Kunoochiyandikana kuti ulwane “zintu ziyandwa aamubili” chiindi nwaabbabbatizigwa. (1 Joh. 2:16) Nkamboonzi? Nkaambo nga uchili aachibi chakazwa kuli Adamu. Chimwi chiindi, ulakonzya kulimvwa munzila njaakalimvwaayo mwaapostoli Pawulu, wakalemba kuti: “Ndiwuyanda loko mulawu waLeza mumoyo wangu, pesi mumubili wangu, ndibwene umwi mulawu uulikulwana aamulawu wamizeezo yangu alubo ulikupa kuti ndibe musungwa wamulawu wachibi uuli mumubili wangu.” (Rom. 7:​22, 23) Ulakonzya kumana manguzu akaambo kakupambanisya nkuchita. Nikuba oobo, kuyeeya atala achisyomezyo nchwaakasyomezya Jehova chiindi nwaakalipeda kulinguwe kulakugwasya kuti ube aamanguzu aakulwana sunko. Kwaamba choonzyo, kuti waswaana masunko, kulipeda nkwaakachita kulakugwasya kuti uzunde. Biyeni?

7. Kulipeda kuli Jehova kukugwasya biyeni kuti ukkale kusyomeka kulinguwe?

⁷ Kuti walipeda kuli Jehova, nga tuchiponi mbuli mbuyanda pe. Eezi zyaamba kuti nga wasala kutachita zintu ziyandwa aamubili akutasala zipeekezyo zitamubotezyi pe Jehova. (Mt. 16:24) Nkinkaako, kuti waswaana sunko, tuyeeyi tubili nkaambo nga wakasala kale nzweelede kuchita kuti ukkale kusyomeka kuli Jehova. Unooli aamakanze aakubotezya Jehova chiindi choonse. Kuti wachita oobo, ulaba mbuli Jobu. Nikuba kuti Jobu wakaswaana masunko miingi, pesi wakaamba kuti: “Tandikaleki kusyomeka pe!”—Job. 27:5.

8. Kuyeeyesesya atala ankombyo yako yakulipeda kukugwasya biyeni kuti utantamuke masunko?

⁸ Kuyeeyesesya atala ankombyo yako yakulipeda kuli Jehova kukugwasya kuti utantamuke kufumbwa sunko. Muchikozyano, uyoochita zintu zitondeezya kuti ulamuyanda na muntu uuli mulukwatano kale? Peepe. Wakasyomezya Jehova kuti tuzoochiti zintu zili oobu. Nkinkaako, kuti twaalekela mizeezo iitali kabotu kuti isimpe miyanda muli nduwe, kuyookuubila kuti uyigwisye kuti yakusikila. ‘Uyooleya’ “munzila yababi.”—Tus. 4:​14, 15.

9. Kuyeeyesesya atala ankombyo yakulipeda kukugwasya biyeni kuti ukkale kubikka zintu zyamubukombi mubusena bwakusaanguna?

 ⁹ Ulachita biyeni kuti wajana mulimu uukukachizya kuti unjile miswaangano yachiKkristu chiindi choonse? Uzizi kale nzweelede kuchita. Kutanajana mulimu, wakasala kale kuti tuzoozumini pe kubeleka mulimu uuli oobu. Tukayeeyi kuti amwi kuti ndazumina mulimu ooyu ndizoojana chiindi chakuti ndibikke kuyanda kwaJehova mubusena bwakusaanguna. Kuyeeyesesya atala achikozyano chaJesu kulakugwasya. Jesu wakakanzide kuchita zintu zibotezya Wisi. Mbuli Jesu, uyoofwambaana kutantamuka zintu zitamubotezyi pe Leza.—Mt. 4:10; Joh. 8:29.

10. Jehova ukugwasya biyeni kuti ‘uyinkilile kunembo kutobela’ Jesu chiindi nwaabbabbatizigwa?

¹⁰ Masunko akupa mweenya wakuti utondeezye kuti ukanzide “kwiinkilila kunembo kutobela” Jesu. Chiindi nuchita oobo, baachoonzyo chakuti Jehova ulakugwasya. Bbayibbili lyaamba kuti: “Leza ulasyomeka alubo tazoomulekeli kuti musunkwe aazintu nzimutakonzyi kulisimya kulinzizyo, pesi mwanoosunkwa, uzoomujulila nzila yakuzwaayo kuchitila kuti mukonzye kulisimya.”—1 Kor. 10:13.

MBUKONZYA KWIINKILILA KUNEMBO KUTOBELA JESU

11. Njiili imwi nzila iiyandikana loko iikonzya kukugwasya kuti wiinkilile kunembo kutobela Jesu? (Langa chifanikisyo.)

¹¹ Jesu wakali musungu alubo wakali kukomba kuli Jehova kuchitila kuti akkale kali aafwiifwi anguwe. (Lk. 6:12) Imwi nzila iikonzya kukugwasya kuti wiinkilile kunembo kutobela Jesu chiindi nwaabbabbatizigwa nkukkala kuchita zintu zipa kuti uswene aafwiifwi aJehova. Bbayibbili lyaamba kuti: “Kweendelana ambutwakomena, atwiinkilile kunembo kweenda bweelede munzila njiyeeyi.” (Flp. 3:16) Chiindi achiindi, unoomvwa zintu zyakachitikila bakwesu abachizi bakachita zyiingi mumulimu  waJehova. Amwi bakanjila Chikolo chaBakambawusi baBwaami naakuti bakalongela kubusena buyanda basikupupulula biingi. Kuti anduwe walibikkila chipeekezyo chili oobu, yezya kuchizuzikizya. Bakombi baJehova bali aachiyandisyo chakuyungizya mulimu wabo nibabelekela Jehova. (Mil. 16:9) Ani kuti kutakonzyi lino kuti uchite zintu eezi? Utabonaanga tuyandikani loko pe kuli Jehova mbuli bamwi bachita mulimu ooyu. Chiyandikana nchakuti wiinkilile kunembo kuli kulisimya. (Mt. 10:22) Utalubi kuti upa Jehova nzukonzya kuchita kweendelana azyiimo zyako. Eeyi niinzila iiyandikana loko iikonzya kukugwasya kuti wiinkilile kunembo kutobela Jesu chiindi nwaabbabbatizigwa.—Int. 26:1.

12-13. Niinzi nzukonzya kuchita kuti wabona kuti tuchili musungu pe mbuli chiindi? (1 Bakkorinte 9:​16, 17) (Langa kabbokesi kati, “ Kkala Kuli Mumuzundaano.”)

¹² Niinzi nzukonzya kuchita kuti kubonaanga nkombyo zyako tazizwi aansi aamoyo pe naakuti tulikubotelwa pe mumulimu wakukambawuka? Alubo niinzi nzukonzya kuchita kuti kutachibotelwi akubala Bbayibbili mbuli mbwaakali kuchita chiindi? Kuti eezi zyachitika chiindi nwaabbabbatizigwa, utabonaanga Jehova tachikupi pe muuya uusalala. Akaambo kakuti uli aachibi, ulakonzya kulimvwa munzila iili oobu chiindi achiindi. Kuti wabona kuti tuchili musungu pe mbuli chiindi, yeeyesesya atala achikozyano chamwaapostoli Pawulu. Nikuba kuti wakali kweezya kutobelezya Jesu, pesi chimwi chiindi wakali kulimvwa katakwe chiyandisyo pe chakuchita zintu nzyaakelede kuchita. (Bala 1 Bakkorinte 9:​16, 17.) Wakaamba kuti: “Nikuba kuti ndawuchita kanditayandi, ndichili aamulimu wabulangizi ngundakapegwa.” Pawulu wakakanzide kuchita zyiingi mumulimu wakukambawuka nikuba kuti chimwi chiindi takalikwe chiyandisyo pe.

¹³ Munzila iikozyenie, utasali kuchita zintu kweendelana ambulimvwa. Kanza kuchita zintu  zilikabotu kazitakwe ndaba kuti ulikulimvwa biyeni aachiindi eecho. Zintu nzuchita zyeelede kuzoopa kuti uchinche mbulimvwa mukuya kwachiindi. Kukkala kuchita zintu zyamubukombi kukugwasya kuti wiinkilile kunembo kutobela Jesu chiindi nwaabbabbatizigwa. Bakwesu abachizi nibakubona kuchita zintu eezi, balasungwaazigwa.—1 Tes. 5:11.

‘YINKILILA KUNEMBO KULILANGA-LANGA’

14. Niinzi nzweelede kukkala kulanga-langa alubo nkamboonzi? (2 Bakkorinte 13:5)

¹⁴ Kulilanga-langa chiindi choonse kulakugwasya chiindi nwaabbabbatizigwa. (Bala 2 Bakkorinte 13:5.) Chiindi achiindi, yezya kulanga maponeno aako azintu nzuchita ubone kuti ulakomba na buzuba abuzuba, ulabala na Bbayibbili akuyanduulisisya, ulanjila na miswaangano akuti ulakambawuka na. Yezya kuyanduula nzila zipa kuti ugwasigwe loko akuti ubotelwe nuchita zintu eezi. Muchikozyano, ulakonzya kulibuzya kuti: ‘Ndilakonzya na kupandulwida bamwi njiisyo zyakusaanguna zyamuBbayibbili? Kuli nzindikonzya kuchita na kuti mulimu wakukambawuka undinoneezye? Chiindi nindikomba kuli Jehova, ndilamubuzya na zintu zyoonse zili aansi aamoyo alubo nkombyo zyangu zilatondeezya na kuti ndilamusyoma Jehova chiindi choonse? Ndikkala kandinjila miswaangano yambungano na? Niinzi nzindikonzya kuchita kuti kandiswiilisisya akutola lubazu kumiswaangano kwiinda mbundichita?’

15-16. Wayiyaanzi kuzwa kuli zyakachitikila umwi mukwesu atala akutantamuka sunko?

¹⁵ Kulayandikana kuti ulange-lange zintu nzutakonzyi kuchita kabotu. Mukwesu uutegwa Robert wakaamba zyakamuchitikila atala ankani eeyi, wakati: Nindakali aaminyaka iili kuma20, ndakali aawumwi mulimu ngundakali kubeleka kwamazuba mache mumviki. Bumwi buzuba kandili ndachayizya, umwi mwanakazi ngundakali kubelekaawe wakanditamba kung’anda yakwe. Wakaamba kuti twakali kuyooba aatulikke akuti twakali kuyoobotelwa loko nkaambo wakali kuyanda kuti toonaamwi. Kumasaangunino, ndakaliluma-luma pesi ndakazookaka mpawo ndakamupandulwida kuti nkamboonzi nindakakaka. Mukwesu Robert wakalizunda sunko eeli alubo tulamulumba anzyaakachita. Nikuba oobo, mukuya kwachiindi naakayeeya atala azyakali zyachitika, wakabona kuti kuli nzyaakali kukonzya kuchita zisiyene aanzyaakachita kuti alizunde sunko eelyo. Wakaamba kuti: “Teendakafwambaana pe kukaka akutondeezya kuti tandiziyandi pe mbuli mbaakachita Josefa chiindi naakasunkwa aamwanakazi waPotifara. (Matl. 39:​7-9) Ndakachibula chintu chakali kupa kuti kundiyumine kuti ndikake. Zintu eezi zyakachitika zyakandigwasya kubona kuti ndakeelede kusimya bweenzuma bwangu aJehova.”

 ¹⁶ Ulakonzya kugwasigwa kuti walilanga-langa mbuli mbaakachita Mukwesu Robert. Nikuba kuti wazwidilila kuzunda sunko, libuzye kuti: ‘Zyanditolela chiindi chilamfu biyeni kuti ndaambe kuti tandiyandi pe?’ Kuti wabona kuti kuli mpuyeelede kubambulula, utamani manguzu. Botelwa akaambo kakuti lino waziba mpuyeelede kubambulula. Komba kuli Jehova alubo bweza ntaamu yakuti usimye makanze aako akuti upone kweendelana amilawu yaJehova yakulijata.—Int. 139:​23, 24.

17. Zina lyaJehova lyakalemekwa biyeni kuzwa kuli zyakachitikila Robert?

¹⁷ Kuli zimwi nzitukonzya kwiiya kuzwa kuMukwesu Robert. Wakaamba kuti: “Nindakaka kwiinka kung’anda yamwanakazi ooyu, mwanakazi ooyu wakandibuzya kuti, ‘Wazwidilila!’ Ndakabuzya mwanakazi ooyu kuti wakali kwaambaanzi. Wakaamba kuti mweenzinyina, wakali Kamboni chiindi, wakamubuzya kuti Bakamboni bachiniini boonse bachita zintu zitali kabotu kabasisikizya kuti bajana mweenya. Nkinkaako, mwanakazi ooyo wakabuzya mweenzinyina kuti wakali kuyoondisunka kuti abone kuti andime mbundibede na. Ndakabotelwa loko anzindakachita nkaambo ndakapa kuti zina lyaJehova lilemekwe.”

18. Wakanza kuchitaanzi kuzwa chiindi nwaabbabbatizigwa? (Langa kabbokesi kati, “ Zyiiyo Zikonzya Kukugwasya.”)

¹⁸ Kuti walipeda kuli Jehova akubbabbatizigwa, nga utondeezya kuti uyanda kusalazya zina lyakwe kazitakwe ndaba kuti waba muzyiimo zilibiyeni. Baachoonzyo chakuti Jehova ulaazi masunko nguswaana anzuchita kuti waatantamuke. Ulazilongezya nzuchita kuti ukkale kusyomeka. Baachoonzyo chakuti ulakupa manguzu kabelesya muuya uusalala kuti ukkale kuchita oobo. (Lk. 11:​11-13) Kuti wagwasigwa aaJehova, ulakonzya kwiinkilila kunembo kutobela Jesu kuzwa chiindi nwaabbabbatizigwa.