1. Nkusalaanzi kubotu umwi awumwi nkwakonzya kuchita?

CHIINDI chiingi, nzibasala bazyali zili aanchizichita mubuumi bwabana babo kwachiindi chilamfu. Kuti teebasala kabotu, zilakonzya kupa kuti bana babo banjile mumapenzi. Pesi kuti basala kabotu, zilapa kuti bana babo babotelwe mubuumi. Bana ambabo beelede kusala kabotu. Kusala kubotu umwi awumwi nkwakonzya kuchita, nkubelekela Taateesu ulaaluyando Jehova.—Int. 73:28.

2. Nkusalaanzi kubotu Jesu abazyali bakwe nkubakachita?

² Bazyali baJesu bakali kuyanda kugwasya bana babo kuti babelekele Jehova alubo kusala nkubakali kuchita kwakatondeezya kuti bakali kukubona kakuyandikana kubelekela Jehova. (Lk. 2:40, 41, 52) Anguwe Jesu wakasala kabotu alubo eezi zyakapa kuti achite zintu zyakali kuyandwa aaJehova. (Mt. 4:1-10) Jesu wakakomena kali muntu uulaaluzyalo, uusyomeka alubo ulaachibindi, buntu bazyali bayoowa Leza mbubayanda kuti bana babo babe aabo.

3. Njiili mibuzyo njitutasandule muchiiyo eechi?

³ Muchiiyo eechi tulasandula mibuzyo iitobela: Nkusalaanzi kubotu Jehova nkwaakachitila Jesu? Bazyali bayiyaanzi kukusala kwakachitwa aJosefa aMariya? Bachikula bayiyaanzi kukusala kwakachitwa aJesu?

4. Nkusalaanzi kubotu Jehova nkwaakachitila Mwanaakwe?

⁴ Jehova wakasalila Jesu bazyali balikabotu. (Mt. 1:18-23; Lk. 1:26-38) Majwi aaMariya aazwa aansi amoyo aalembedwe muBbayibbele atondeezya kuti wakali kumuyanda Jehova  aJwi lyakwe. (Lk. 1:46-55) Alubo kuswiilila malayilile aaJehova nkwaakachita Josefa kutondeezya kuti wakali kumuyoowa Leza akuti wakali kuyanda kumubotezya.—Mt. 1:24.

5-6. Jehova wakazumizya Mwanaakwe kuti aswaanane azyiimo zili biyeni?

⁵ Jehova taakasalila Jesu bazyali banotede pe. Chipayizyo nchibakapa chiindi Jesu naakazyalwa chitondeezya kuti Josefa aMariya bakali kufwaba. (Lk. 2:24) Kulakonzeka kuti Josefa wakali akaanda kakali afwiifwi amuunzi wakwe kuNazareta nkwaakali kuchitila mulimu wakwe wakubeza (kufwala). Kweelede kuti teebakali azintu zyiingi pe, kapati mpuli yabo niyakakomena akuba abana bali 7 naakuti kwiinda aawo.—Mt. 13:55, 56.

⁶ Nikuba kuti Jehova wakamukwabilila Jesu muli bumwi buyumu-yumu pesi wakazumizya kuti aswaanane abumwi buyumu-yumu. (Mt. 2:13-15) Muchikozyano, Jesu wakeelede kulisimya kukukazigwa ababbululu bakwe bakatali kumusyoma. Yeeyela kuti zyakali kumuchisa biyeni Jesu kubona kuti bamwi banike bakwe teebakali kumusyoma pe kuti nguMesiya. (Mk. 3:21; Joh. 7:5) Alubo kweelede kuti Jesu wakaswaanana apenzi lyakufwidwa awisi waanyika Josefa. Kuti kakuli boobo, kweelede kuti Jesu wakazoochita bbizinesi lyakali kuchitwa awisi mbukunga nguwe wakali mutaanzi. (Mk. 6:3) Naakali kuyabukomena Jesu wakayiya mbaakali kukonzya kugwasya bakulimbabo kuti bajane ziyandikana. Kweelede kuti wakabeleka changuzu kuti abasanine. Jesu wakalizi kuti muntu ukatala biyeni kuti walibbizya kalikubeleka.

7. (a) Njiili mibuzyo ikonzya kugwasya bantu bakwetene kuti babakomezye kabotu bana babo? (b) Lugwalo lwa Tusimpi 2:1-6 niinzi bazyali nzibeelede kuyiisya bana babo?

⁷ Kuti kamukwetene alubo muyanda kuzooba abana mweelede kulibuzya kuti: ‘Tulalibombya na alubo tulisimide mubukombi zyakuti nga tulakonzya kuchita mulimu uuyandikana wakukomezya bana?’ (Int. 127:3, 4) Kuti kuli muzyali kale libuzye kuti: ‘Ndilabayiisya na bana bangu mbukuyandikana kubeleka changuzu?’ (Muk. 3:12, 13) ‘Ndibeleka changuzu na kuti ndikwabilile bana bangu muzintu zitali kabotu zili munyika yaSaatani?’ (Tus. 22:3) Tukonzyi pe kukwabilila bana bako kumapenzi woonse ngibakonzya kuswaana. Eezi tazichiti pe. Pesi ulakonzya kubagwasya kuti bazibe malayilile aali muJwi lyaLeza  ngibakonzya kubelesya kuti baswaanana abuyumu-yumu. (Bala Tusimpi 2:1-6.) Muchikozyano, bagwasye kuziba mbukuyandikana kuti bayinkilile kunembo kabakomba Jehova nikuba kuti umwi mumpuli waleka kukomba. (Int. 31:23) Alubo gwasya bana bako mbubakonzya kubelesya Jwi lyaLeza kuti batakataazikani loko akuti babe aluumuno mumizeezo kuti umwi mumpuli wafwa.—2 Kor. 1:3, 4; 2 Tim. 3:16.

8. Kweendelana alugwalo lwa Deuteronomo 6:6, 7, niinzi Josefa aMariya nzibakachita?

⁸ Josefa aMariya bakagwasya Jesu kuti achite zintu ziyandwa aLeza nkaambo bakatobelezya malayilile Jehova ngaakapa bazyali. (Bala Deuteronomo 6:6, 7.) Josefa aMariya bakali kumuyanda Jehova alubo bakali kuyanda kugwasya bana babo kuti ambabo bamuyande.

9. Nkusalaanzi kuyandikana nkubakachita Josefa aMariya?

⁹ Josefa aMariya bakali kukkala kabachita zintu zyabukombi kabalaamwi abana babo. Zilaantanganana kuti bakali kunjila miswaangano mviki amviki kusinagogu yakuNazareta alubo bakali kwiinka kuPasika munyaka amunyaka kuJerusalemu. (Lk. 2:41; 4:16) Kulakonzeka kuti Josefa aMariya bakali kuyiisya bana babo atala abakombi baJehova bachiindi nibakali kuya kuJerusalemu alubo kulakonzeka kuti bakali kwiinda kababona zimwi ndawu zyaambwa muMagwalo. Mbukunga mpuli yabo yakali kuyabukomena, kweelede kuti teekwakali kuuba pe kuli Josefa aMariya kuti bakkale kabachita zintu zyabukombi. Pesi bakajana zilongezyo. Mpuli yabo yakalisimide mubukombi nkaambo bakali kubikka kukomba Jehova mubusena bwakusaanguna.

10. Chikozyano chaJosefa aMariya chibayiisyaanzi bazyali bakomba Leza?

¹⁰ Chikozyano chaJosefa aMariya chibayiisyaanzi bazyali bakomba Leza? Chintu chiyandikana nkutondeezya bana bako kuti ulamuyanda Jehova kwiinda muzintu nzuwambuula anzuchita. Chipo chipati nchukonzya kubapa nkubagwasya kuti bayande Jehova. Chimwi chintu chiyandikana nchukonzya kubayiisya nkuti bakkale kabalipa chiindi chakubala, kukomba, kunjila miswaangano akuya mumulimu wakukambawuka. (1 Tim. 6:6) Alubo weelede kupa bana bako zintu zyakumubili ziyandikana.  (1 Tim. 5:8) Pesi utalubi kuti kuba abweenzinyina bulikabotu aJehova nkuko kukonzya kugwasya bana bako kuti bazoonjile munyika mpya kutali zintu zyakumubili. *—Ezk. 7:19; 1 Tim. 4:8.

11. (a) Malayilile aajanika muli 1 Timoteyo 6:17-19 abagwasya biyeni bazyali kuti basale kabotu chiindi nibakomezya bana babo? (b) Niinzi bazyali nzibakonzya kusala kuchita kabalaamwi abana babo alubo zyeeta zilongezyoonzi? (Langa kabbokesi kati “ Nzimukonzya Kusala Kuchita”)

¹¹ Zilabotezya kuti bazyali biingi balikusala kabotu kuchitila kuti bagwasye bana babo kuti babelekele Jehova. Bakkala kabachita milimu yabukombi kabalaamwi. Bayinkaamwi kumiswaangano yambungano amiswaangano mipati. Bayinkaamwi mumulimu wakukambawuka. Alubo bamwi bazyali nga bayinkaamwi abana babo kuti bakakambawukile kundawu zitakambawukwi-kambawukwi. Bamwi nga baswaya kuBbeteli alubo balagwasilizya mumilimu yakuyaka. Mpuli zinga zyasala kuchita oobo zilalipeda kubelesya mali yazyo alubo chimwi chiindi nga teekuuba pe. Pesi zilongezyo nzibajana zibagwasya kuti basime mubukombi. (Bala 1 Timoteyo 6:17-19.) Bana bakakomenena mumpuli zili boobo bakomena kabachita zintu zilikabotu alubo tabalisoli pe. *—Tus. 10:22.

12. Niinzi Jesu nchakeelede kuchita naakakomena?

¹² Taateesu Jehova ukkala kasala kabotu alubo bazyali baJesu baanyika bakasala kabotu. Nikuba boobo, chiindi Jesu naakakomena wakeelede kulisalila. (Gal. 6:5) Mbuli bantu boonse, Jesu wakali alwaangunuko lwakulisalila. Wakali kukonzya kusala kubikka nzyayanda mubusena bwakusaanguna. Pesi wakasala kuba abweenzinyina bulikabotu aJehova. (Joh. 8:29) Chikozyano chaJesu chibagwasya biyeni bachikula mazubaano?

13. Nkusalaanzi kuyandikana Jesu nkwaakachita kuzwa kachili muniini?

¹³ Kuzwa kali muniini, Jesu wakali kuswiilila bazyali bakwe. Takwe naakakaka kuswiilila bazyali bakwe kayeeya kuti ulaaluzibo lwiingi kwiinda mbabo. Pesi “wakazumanana kubamvwida.” (Lk. 2:51) Jesu wakalizi kuti kuli mulimu uuyandikana ngwakeelede kuchita mbukunga wakali mwana mutaanzi. Wakabeleka changuzu kuti ayiye mulimu wakali kuchitwa awisi kuchitila kuti azibe mbaakali kuyookonzya kusanina bampuli yakwe.

14. Tuzizi biyeni kuti Jesu wakali kukkala kabala Jwi lyaLeza?

¹⁴ Kweelede kuti bazyali baJesu bakamubuzya atala azigambyo zyakachitika chiindi  naakazyalwa azintu zyakaambwa abatumwa baLeza atala anguwe. (Lk. 2:8-19, 25-38) Kuyungizya muli nzyaakayiisigwa abazyali bakwe, Jesu wakali kulipa chiindi chakubala Magwalo. Tuzizi biyeni eezi? Nkaambo naakali mulombe bayiisi bamuJerusalemu bakali “kulijata kumulomo akaambo kabusongo mbwaakajisi alimwi ambwaakali kwiingula.” (Lk. 2:46, 47) Alubo naakali aminyaka iili 12 Jesu wakali waziba kuti Jehova nguWisi.—Lk. 2:42, 43, 49.

15. Jesu wakatondeezya biyeni kuti wakasala kuchita kuyanda kwaJehova?

¹⁵ Chiindi Jesu naakaziba zintu Jehova nzyaakali kuyanda kuti achite, wakasala kuzichita. (Joh. 6:38) Wakalizi kuti bantu biingi bakali kuyoomuzonda alubo kulakonzeka kuti teekwakali kumubotezya pe kuziba eezi. Nikuba boobo, wakasala kuswiilila Jehova. Chiindi Jesu naakabbabbatizigwa mu29 C.E., wakali kubikka kuchita kuyanda kwaJehova mubusena bwakusaanguna. (Heb. 10:5-7) Nikuba chiindi naakali kujeegwa aachisamu chakupenzezya, Jesu taakwe naakaleka kuchita kuyanda kwaWisi.—Joh. 19:30.

16. Chikozyano chaJesu chibayiisyaanzi bana?

¹⁶ Swiilila bazyali bako. Mbuuli Josefa aMariya, bazyali bako balaachibi. Pesi Jehova wakabapa mulimu wakuti bakukwabilile akuti bakuyiisye. Kuti wabaswiilila akubalemeka ziyoopa kuti “zintu zikweendele kabotu.”—Ef. 6:1-4.

17. Kweendelana alugwalo lwa Joshua 24:15, bachikula beelede kusalaanzi?

¹⁷ Sala nguyanda kubelekela. Weelede kuziba Jehova, kuziba nzyayanda ambukonzya kuzichita mubuumi bwako. (Rom. 12:2) Eezi ziyoopa kuti usale chintu chiyandikana loko kwiinda zyoonse mubuumi bwako, kubelekela Jehova. (Bala Joshua 24:15; Muk. 12:1) Kubala Bbayibbele akuyeeyesesya kuyoopa kuti luyando lwako kuli Jehova luyungizye akuti lusyomo lwako lusime.

18. Niinzi nchibeelede kusala bachikula alubo cheeta mpinduunzi?

¹⁸ Sala kubikka kuyanda kwaJehova mubusena bwakusaanguna mubuumi bwako. Bantu bali munyika yaSaatani baamba kuti ulakonzya kubotelwa kuti wabelesya chipo chako kuchita nzuyanda. Pesi tulizi kuti bantu bayandisya zintu zyabunoti balaliyasawula  “koonse-koonse amacise manji.” (1 Tim. 6:9, 10) Kuli limwi bbazu, kuti waswiilila Jehova akusala kubikka kuyanda kwakwe mubusena bwakusaanguna mubuumi bwako uyoozwidilila alubo “unoocita zintu cabusongo.”—Jos. 1:8.

19. Niinzi nzibeelede kuziba bazyali?

¹⁹ Nibazyali, amuchite zyoonse nzimukonzya kuti mugwasye bana banu kuti babelekele Jehova. Kuti mwamusyoma uyoomugwasya kuti musale kabotu. (Tus. 3:5, 6) Mutalubi kuti bana batobelezya kapati zintu nzimuchita kwiinda nzimwaambuula. Nkinkaako mweelede kusala munzila iitagwasye bana banu kuti bazoosale kubelekela Jehova.

20. Bachikula bayoojana zilongezyoonzi kuti basala kubelekela Jehova?

²⁰ Nibachikula, bazyali banu balakonzya kumugwasya kuti musale kabotu. Pesi nduwe weelede kulisalila kuti ubotezye Jehova. Nkinkaako amutobelezye chikozyano chaJesu kwiinda mukusala kubelekela Taateesu uuli kujulu. Kuti mwachita oobo muyooba azyiingi zyakuchita, muyoojana zilongezyo alubo muyoobotelwa mubuumi bwanu. (1 Tim. 4:16) Alubo muchiindi chili kunembo muyoobotelwa loko.