Lugwalo oolu lunoneezya lwaamba kuti: “Ikuti wabona muntu mucete kadyaamininwa akubona bantu babetekwa calunya akutacitilwa cabululami mucooko, utagambwi pe amakani aaya. Nkaambo muntu ooyo mupati ulangwa ayooyo mupati kwiinda nguwe, alimwi nkobali aabo bapati kapati kwiinda boonse aabo bapati.”​—Muk. 5:8.

Kuti katubelesya liso lyanyama, lugwalo oolu lubonekaanga lwaamba beendelezi bamfulumende zyabantu. Pesi lugwalo oolu lulaakasimpe kali atala aJehova, kasimpe aaka kalatuumbulizya.

Lugwalo lwa Mukambausi 5:8, lwaamba atala amweendelezi udyaaminina muntu uufwaba akumujata munzila yalunya. Mweendelezi ooyu weelede kuziba kuti kuli muntu mupati uumubwene alubo ulaachuuno chipati mumfulumende kwiinda chakwe. Alubo kulakonzeka kuti kuli bamwi lubo bali azyuuno zisumpukide kwiinda zyabo. Chuusisya nchakuti bantu boonse bali azyuuno mumfulumende zyabantu balakonzya kutabajata kabotu bantu bafwaba alubo eezi zipa kuti bantu baswaanane amapenzi.

Nikuba kuti zintu kazibonekaanga tazizoochinchi pe, tulawumbulizigwa akuziba kuti Jehova ‘uulikubalanga bantu aabo bapati’ mumfulumende zyabantu. Tulakonzya kukumbila Leza kuti atugwasye akumubuzya zyoonse zitukataazya. (Int. 55:22; Flp. 4:6, 7) Tulizi kuti “meso aa Jehova alalanga-langa munyika yoonse kutegwa atondezye nguzu zyakwe ikugwasya baabo bamusyoma camoyo woonse.”​—2 Mak. 16:9.

Lugwalo lwa Mukambausi 5:8 lutugwasya kubona kuti mumfulumende zyabantu kuli muntu ulaachuuno chipati kwiinda bamwi. Kwiinda zyoonse, lugwalo oolu lutondeezya kasimpe kayandikana kakuti Jehova nguwe ulaachuuno chipati kwiinda boonse alubo nguwe Mweendelezi Mupati kwiinda boonse. Ulikweendelezya lino kabelesya Mwanaakwe Jesu Kristu, Mwaami waBwaami bwakwe. Singuzuzyoonse ulazibona zyoonse zichitika, mululami, tadyaaminini pe alubo Mwanaakwe mbabede.