Munyaka amunyaka bantu bali mumulimu wachiindi choonse balatambwa kuti bazoonjile Chikolo chaGiliyadi chichitilwa kuWatchtower Educational Center kuPatterson iili kuNew York. * Kuchikolo eechi, bakwesu abachizi bayiya mbubakonzya kwiichita kabotu milimu yoonse njibapegwa mumbunga yaJehova. Alubo lwiiyo ndubajana lubagwasya kuti basimye mbungano amitabi iili munyika yoonse.

 Giliyadi nchikolo chinjilwa aabantu bazwa munyika yoonse. Muchikozyano, kkilasi yachi147 yakachitwa mu2019 yakali aabasikwiiya bali 56 bazwa munyika zili 29. Bakwesu banga batambwa kuti bazoonjile chikolo chaGiliyadi babeleka mumulimu wachiindi choonse mbuli kuBbeteli, balangizi bamabazu, mamishinali amapayona aayandikana.

 Bakwesu ngabalibambila kakuchili chiindi chikolo kachitanatalika. Muchikozyano, baDipatimenti Iilangania Mulimu Wakweendeenda bali kuMawofesi Mapati, ngabawula matiketi aandeke abakwesu abachizi banga batambwa kuti bazoonjile chikolo. Umwi awumwi wabantu bakanjila kkilasi yachi147 yachikolo chaGiliyadi wakali kuyandikana mali iisika ku$1 075 (U.S.), kuti akonzye kusika kuPatterson akuti abweede kuli mbabo. Basichikolo bakali kuzwa kuSolomon Islands bakagada ndeke zili 4 kuti bakasike kuPatterson mpawo kukubweeda bakagada zitatu. Eezi zyaamba kuti bakeenda kwamakkilomita aali 35 400. Alubo eezi zyaamba kuti umwi awumwi wakeelede kubbadala mali iisika ku$2 300 (U.S.) Kuti batabelesyi mali nyingi bakwesu babeleka muDipatimenti Iilangania Mulimu Wakweendeenda babelesya pulogilamu yakkompiyuta iibagwasya kuti bajane ndeke zichipide. Nikuba kuti bayijana ndeke iichipide, pulogilamu eeyo yamukkompiyuta ilabagwasya kuti bazumanane kuyanduula kwamviki naakuti kwamyeezi kuchitila kuti babone kuti kulizimwi na ndeke zichipide kwiinda eeyo njibakajana. BaDipatimenti Iilangania Mulimu Wakweendeenda babelesya mapoints aanga asangwa aabakwesu abachizi bakagadide ndeke alubo mapoints aayo abagwasya kuti bakonzye kuula aamwi matiketi.

 Basichikolo biingi ngabayandikana kuti babe aamaviza kuchitila kuti bakakonzye kusika kuUnited States. Bakwesu babeleka muDipatimenti lyaMulawu lili kumaWofesi Mapati mbabo bagwasya basichikolo kuti bakonzye kujana maviza. Sichikolo weelede kubbadala mali iisika ku$510 (U.S.) kuti akonzye kujana viza eeyo azimwi ziyandikana.

 Nzibayiya kuchikolo chaGiliyadi bakwesu abachizi aaba zitugwasya biyeni? Umwi mwaalu uutegwa Hendra Gunawan wakuSoutheast Asia uunjila aamukwesu amwanakazi wakwe bakanjila chikolo chaGiliyadi, wakaamba kuti: “Mumbungano yesu teemwakalikwe mapayona bachiindi choonse pe. Pesi kuzwa mukwesu amwanakazi wakwe nibasika mumbungano yesu, bamwi bakasaanguna kupayona akaambo kakuti bakabona kubeleka changuzu nkubakali kuchita abuntu bwabo bubotu. Mukuya kwachiindi, umwi muchizi wamumbungano yesu wakazoonjila Chikolo chaBakambawusi baBwaami.”

 Sergio Panjaitan ulikuSoutheast Asia uubeleka aaBbeteli aamwi abantu bakanjila chikolo chaGiliyadi. Wakaamba kuti: “Zintu nzibakayiya tazigwasyi mbabo abalikke pe pesi zili kutugwasya toonse. Nikuba kuti bakayiya zyiingi tabaliboni kuti bayandikana loko kwiinda bamwi pesi balababuzya bamwi zintu nzibakayiya. Eezi zipa kuti tusungwaazyanie abeenzuma.”

 Mali iibelesegwa kuchikolo eechi izwa kuli? Izwa kumali iisangwa kuti igwasilizye mulimu uuchitwa munyika yoonse alubo nyingi yakkona isangwa kakubelesegwa donate.pr418.com. Tumulumba loko akulipeda nkumuchita kuti mupe zipo zipa kuti bakwesu abachizi bali munyika yoonse bakonzye kunjila chikolo eechi.