Mavidiyo ngitweebela kumiswaangano yabbooma atusika aamoyo alubo apa kuti twaamvwisisisye Magwalo. Muswaangano waBbooma wamu2020 ulaamavidiyo aali 114. Mavidiyo aaya alaswaanizya ankani zili 43 zyakapegwa aabamuKabunga Keendelezya abagwasilizi babo. Nga walibuzya na kuti mupati biyeni mulimu wakuchita mavidiyo aaya akuti kuyandikana maliinzi?

 Bakwesu abachizi basika ku900 munyika yoonse bakalipeda kubelesya chiindi chabo aluzibo lwabo kuchitila kuti bagwasilizye mumulimu ooyu. Bakabeleka kwaminyaka yiinda iibili alubo kwama-awa ayinda ku100 000 mumulimu ooyu. Ma-awa aaya alaswaanizya ama-awa aali 70 000 ngibakabelesya kupanga chisobano chamuBbayibbele chamamineti aali 76 chiti, Nehemiya: “Lukkomano Lwa Jehova Ndolumuyumya.”

 Kwakali kuyandikana mali nyingi kuchitila kuti basikulipeda aaba bakonzye kujana zintu ziyandikana zyabuzuba abuzuba. Alubo kwakali kuyandikana zibelesyo andawu yakuchitila mulimu wabo.

 Mukwesu Jared Gossman uubeleka kudipatimenti lyamavidiyo wakaamba kuti: “Kkomiti Yakuyiisya yabamuKabunga Keendelezya iyanda kuti mumavidiyo eesu muzwe bantu bali aziyanza zisiyene-siyene andawu zisiyene-siyene. Eezi zitondeezya kuti tuli bakombima bamunyika yoonse. Kuti eezi zikonzeke, matimu aali 24 aali munyika zili 11 akabelekaamwi. Kuti mulimu ooyo uzwidilile kuyandikana mali nyingi, kupulana kabotu akubelekelaamwi.”

 Mavidiyo eesu miingi ayanda ndawu iilikabotu yakuchitila chisobano azibelesyo zisiyene-siyene. Muchikozyano, busena bwakabelesegwa muvidiyo yaNehemiya: “Lukkomano Lwa Jehova Ndolumuyumya,” bwakayakilwa mustudiyo iili kuMt. Ebo aafwiifwi akuPatterson, New York, U.S.A. Kuti bayibelesye kabotu mali iisangwa alubo aachiindi chimwi kabayanda kuti vidiyo itondeezye zintu zyakali kuchitika chiindi, bakwesu bakabelesya zintu zitaduli pe kuti bakonzye kuchita miduli iikozyenie amiduli yakuJerusalemu yachiindi. Muduli umwi awumwi wakachitwa amapulanga aali mamita aasika ku6. Nibakamaninsya bakayipenta kuchitila kuti ibonekaanga yakapangwa amabwe. Miduli eeyo yakali kukonzya kunyampulwa akubikkwa aali bumwi busena kweendelana aziyandikana muchisobano. Nikuba boobo kwakali kuyandikana mali iisika ku$100 000 (U.S.) kuti kuchitwe miduli yachisobano eechi luzutu. *

 Kuziba zintu eezi kupa kuti tuubone kuyandikana loko muswaangano wabbooma wamunyaka uuno. Tulaachoonzyo chakuti mulimu woonse wakachitwa kuti kube muswaangano ooyu kupa kuti Jehova atembawulwe. Tulamulumba azipo zyakuliyandila zigwasya mulimu uuchitwa munyika yoonse nzimupa kamubelesya donate.pr418.com azimwi nzila.