AMUKKALE KAMULINDIDE!
2022: Munyaka Wazwide Mapenzi—Bbayibbili lyaambaanzi?
Mu2022, nkondo, kubulika kwamali amapenzi aalichitikila nzizyo zyakali kwaambuulwa koonse-koonse. Bbayibbili ndilyo kupela litubuzya atala akuti nkamboonzi zintu eezi nizili kuchitika.
Nchizyaamba zintu zyalikuchitika mu2022
Zintu zyakali kuchitika mumunyaka wayinda, zitondeezya kuti tulikupona “kumazuba aakumamanino” mbuli mbulyaamba Bbayibbili. (2 Timoti 3:1) Mazuba aaya akasaanguna mumunyaka wa1914. Amubone zintu zilikuchitika mazubaano mbuzyeendelana azyakaambwa aaBbayibbili:
‘Nkondo’—Mateyo 24:6.
“Mumunyaka Wa-2022 Mwakaba Nkondo Mu-Europe.” a
Langa chiiyo chiti “Russia Yanjila Changuzu mu-Ukraine.”
“Nzala.”—Mateyo 24:7.
“2022: Wakali Munyaka Wanzala.” b
Langa chiiyo chiti “Nkondo yaku-Ukraine Ilikupa Kuti Kube Chakulya Chiche Munyika Yoonse.”
“Malwazi.”—Lukka 21:11.
“Bulwazi bwa-polio bwakasaanguna lubo mpawo bulwazi bwa-monkeypox bwakabuka loko alubo bulwazi bwa-Corona buchiinkilila kunembo kujaya bantu. Eezi zibikka antanganana kuti bantu balakonzya kutabukilwa amalwazi aaya.” c
Langa chiiyo chiti “Bbayibbili Lityeni Atala Abantu Bali 6 Miliyoni Bakajayigwa Aabulwazi Bwakkorona?”
“Zintu ziyoosya.”—Lukka 21:11.
“Zuba lipya zyiindilide, bbalangwe, mililo yamusokwe amaanzi akukula zintu. Mu2022 bwiime bwakunze bwakachincha eezi zyakapa kuti zintu zyiingi zinyonyooke, bantu biingi bakafwa alubo mamiliyoni abantu bakasyaala kabatachikwe maanda aakukkala.” d
Langa chiiyo chiti “Kupya Kwiindilide Munyika Zisiyene-siyene.”
“Lupyopyongano [naakuti, “akubukilana,” makani aamunsi.].”—Lukka 21:9.
“Bantu biingi bakalinyemede akaambo kakubulika kwamali eezi zyakapa kuti babukile mfulumende mu2022.” e
Langa chiiyo chiti “Kutanta Kwazintu Munyika Yoonse.”
Niinzi zitazoochitike mumunyaka uutobela?
Taakwe uuzi pe zitazoochitike mu2023. Nzituzi nzyakuti lino-lino Bwaami bwaLeza naakuti mfulumende yakujulu iyoobambulula zintu zili kuchitika munyika. (Daniele 2:44) Mfulumende eeyi iyoogwisya zintu zyoonse zipa kuti bantu bafwabe akuba achoonzyo chakuti kuyanda kwaLeza kwachitwa aanyika.—Mateyo 6:9, 10.
Tumusungwaazya kuti muswiilile malayilile aJesu aakuti “amukkale kamulindide” akubona zintu zilikuchitika munyika mbuzilikuzuzikizya bupolofita buli muBbayibbili. (Makko 13:37) Tukukumbila kuti waambuule awumwi wesu kuti uzibe zyiingi atala aaBbayibbili mbulikonzya kukugwasya lino ambulikonzya kukupa bulangilizi bwajuunza bulikabotu iwe ampuli yako.
a AP News, “Mumunyaka wa-2022 Mwakaba Nkondo Mu-Europe.” zyakaambwa aa-Jill Lawless, December 8, 2022.
b World Food Programme, “Chakulya Chiche Munyika Yoonse.”
c JAMA Health Forum, “Kupona Muziindi Zyamalwazi Asiyene-Siyene Aali Mbuuli Corona, Monkeypox, Polio Aamwi Malwazi Ngitutazi” zyakaambwa aa-Lawrence O. Gostin, JD, September 22, 2022.
d Earth.Org, “Niinzi Chakapa Kuti Bwiime Bwakunze Buchinche Loko Mu-2022?” zyakaambwa aa-Martina Igini, October 24, 2022.
e Carnegie Endowment for International Peace, “Kubulika Kwamali Kwakapa Kuti Bantu Banyeme Akubukila Mfulumende Mu-2022” zyakaambwa aa-Thomas Carothers a-Benjamin Feldman, December 8, 2022.