Jesu ulaanzi mapenzi ayetwa aakaambo milandu akutajatwa kabotu. Wakatamikizigwa mulandu, wakawumwa katakwe mulandu, wakabetekwa chakutalulama, wakasungwa akujayigwa munzila yalunya. Nikuba kuti taakalikwe mulandu, wakapeda “buumi bwakwe kuti bube chinunuzyo chakunununa biingi.” (Mateyo 20:28; Johane 15:13) Lino-lino, mbukunga Mwaami waBwaami bwaLeza uzoomaninsya kutajatwa kabotu koonse kuli munyika amilandu chakumaninina.—Isaya 42:3.

 Bbayibbili litondeezya buumi mbubutanoobede Jesu nazoobweza ntaamu:

•   “Kusyeede kaindi kaniini buyo, ibantu babi tabakabi limbi pe; uyoolanga nkobakabede, pele tabakabiko pe. Pele babombe myoyo bayookona nyika, eelyo bayoobotelwa kapati muluumuno lunji.”—Intembauzyo 37:10, 11.

 Kujana twatondeezya biyeni kuti tulazilumba zintu nzitwakachitilwa aaJesu azeezyo nzyayanda kuzootuchitila muchiindi chilikunembo? Aali Lukka 22:19, Jesu wakabuzya batobeli bakwe kuti bayeeye lufu lwakwe. Eezi nzizyo zipa kuti munyaka amunyaka Bakamboni baJehova babunganaamwi kuti bayeeye lufu lwakwe mubuzuba mbwaakafwa. Tulakutamba kuChiyubulusyo chalufu lwaJesu, chinoochitwa muNsondo 24 March 2024.

Yanduula ndawu iitachitilwe Chiyubulusyo