Mulipoti yamuJune 2022 president waWorld Bank Group wakachenjezya kuti “zintu zyakatalika kudula lubo munyika yoonse.” “Aachiindi eechino zintu zili kudula alubo bantu tabakwe mali pe kuti bakonzye kuzyuula.”

 International Monetary Fund yakaamba kuti “Fuel achakulya zilikudula zitachiti zyakuti bantu bakkala munyika zitakwe mali kubayumine kupona.

 Bbayibbili lilatugwasya kumvwisisisya kuti nkamboonzi nitulikuswaana buyumu-yumu oobu, kuti nga tulalisimya biyeni akuti kuli bulangilizi bwakuti buzoomana.

•   Bbayibbili lyaamba kuti chiindi nchituli kupona ‘mazuba aakumamanino.’—2 Timoti 3:1.

•   Jesu wakaamba kuti “zintu ziyoosya” zizoochitika muchiindi eechino nchituli kupona. (Luka 21:11) Kutanta kwazintu kulikupa kuti bantu bayoowe. Bantu balikukataazikana atala alyajuunza akuti balakonzya kupa bamumpuli zyabo zintu nzibayanda.

•   Bbuku lyaChiyubunuzyo lyakaamba kuti chakulya chakali kuyootanta muchiindi eechino. “Ndakamvwa chintu chakali kumvwikka mbuli jwi. . . . Kachiti, ‘Lita lyawiiti lilawulwa adinari limwi alubo malita aatatu aabbali alawulwa adinari limwi’” mali ifolwa amuntu wabeleka buzuba boonse.—Chiyubunuzyo 6:6.

 Kuti wiiye zyiingi atala “amazuba aakumamanino abupolofita bujanika muli Chiyubunuzyo yebela kavidiyo kategwa Nyika Yachincha Kuzwa mu 1914 mpawo ubale chiiyo chiti “Basimabbiza Bone-Ino Mbaani?”

•   “Bayooyaka maanda akukkala mulingawo, Bayoosyanga myuunda yamisaansa akulya micelo yanjiyo. Tabakayaki maanda kuti muntu uumbi akakkale nguwe mulingawo, Alimwi tabakasyangi myuunda kuti muntu uumbi akalye nguwe micelo yanjiyo.”—Isaya 65:21, 22.

•   “Kuyooba maila manji anyika; Atala lyamalundu ayoovwula citaambiki.”—Intembauzyo 72:16.

•   “Akaambo kakuti bantu bapengede baladyaamininwa, Akaambo kakutongela kwabacete, Ndilanyamuka akubweza ntaamu,” mbwaamba Jehova.”—Intembauzyo 12:5. a

 Lino-lino Leza uzoomaninsya buyumu-yumu boonse mbutuswaana kutali munyika iimwi pe pesi munyika yoonse. Kuti ubone kuti uzoobumaninsya biyeni bala chiiyo chiti “Sena Cilakonzyeka Kubantu Boonse Kuba Azintu Nzyobayandika?”

 Nikuba mazubaano Bbayibbili lilakonzya kukugwasya kuti ube amaboneno alikabotu atala akutanta kwazintu. Nga lilakugwasya biyeni? Lilaamalayilile mabotu akonzya kutugwasya atala ambutukonzya kwiibelesya kabotu mali. (Tusimpi 23:4,  5; Mukambausi 7:12) Kuti wiiye zyiingi bala chiiyo chiti “Kwabilila Zintu Zikugwasya Kuti Upone” achiti “Mbomukonzya Kuubya-ubya Bukkale Bwanu.”