Bugwebenga Buzoomana Na?
Kuti mwanjililwa aazigwebenga, ulakonzya kulibuzya kuti: ‘Leza ulaandaba na azilikuchitika? Nkamboonzi zintu eezi nizilikuchitika? Bugwebenga a buzoomana na? Ndiyoosikaali kandiyoowela buumi bwangu?’ Bbayibbele lilaansandulo zyamibuzyo yoonse eeyi.
Leza ububona biyeni bugwebenga?
Leza ulakuzonda kulwana abugwebenga. (Intembauzyo 11:5; Tusimpi 6:16, 17) Jesu, mwiiminini waLeza wakakasya basikwiiya bakwe chiindi nibakayanda kubusya musindo. (Matayo 26:50-52) Nikuba kuti bamwi nga balwana kababelesya zina lyaLeza pesi Leza tayandi pe kuti bachite oobo. Alubo Leza taziswiilili pe nkombyo zyabantu balibobo.—Isaya 1:15.
Leza ulaandaba abaabo banga baswaana mapenzi kuswaanizya abaabo banjililwa aazigwebenga. (Intembauzyo 31:7; 1 Petro 5:7) Alubo, Bbayibbele litondeezya kuti Leza uzoomaninsya kulwana koonse.—Isaya 60:18.
Muyanda wabugwebenga
Bbayibbele lilakatondeezya kaambo kapa kuti kube bugwebenga, litii: “Muntu nayendelezya muntunyina munzila iimuletela mapenzi.” (Mukambausi 8:9) Kuzwa chiindi, bantu bali mubweendelezi babelesya nguzu zyabo kuti badyaaminine bamwi. Akaambo kakudyaamininwa, bantu ambabo nga babweedezya kababelesya bugwebenga.—Mukambausi 7:7.
Mamanino aabugwebenga
Leza wakasyomezya kuzoogwisya kuyoowa akulwana akuzoopa kuti munyika kube luumuno. (Isaya 32:18; Mika 4:3, 4) Leza:
Uzoonyukula muyanda wabugwebenga. Leza uzoogwisya mfulumende zyabantu akubikka yakwe iitazooyendelezye nyika yoonse. Jesu Kristu, Mweendelezi wamfulumende yaLeza uyoobajata kabotu bantu alubo uyoogwisya budyaamizi boonse akulwana. (Intembauzyo 72:2, 14) Muchiindi eecho, taakwe muntu uyoobusya bugwebenga pe. Bantu “bayoobotelwa kapati muluumuno lunji.”—Intembauzyo 37:10, 11.
Uzoogwisya mapenzi woonse akayetwa aabugwebenga. Leza uyoobambulula zintu zyoonse zyakapambanisigwa aabugwebenga, kube kusweekelwa zintu zyesu naakuti kukataazikana mumyoyo. (Isaya 65:17; Ciyubunuzyo 21:3, 4) Alubo, Leza usyomezya kuyoobusya bantu bakafwa kuti bazoopone munyika inooli aaluumuno.—Johane 5:28, 29.
Bbayibbele lilaatwaambo tupa kuti tusyome kuti Leza ulabweza ntaamu lino-lino. Nikuba oobo, ulakonzya kulibuzya kuti, ‘Nkamboonzi Leza naazumizya kuti munyika mube bugwebenga?’ Kuti ujane nsandulo yamubuzyo ooyu, yebela kavidiyo katii, Nkamboonzi Leza Nazumizya Bubi aMapenzi?
a “Bugwebenga” chaamba kubusya musindo kuchitila kuti bantu bachinche muli zyapolitikisi, zyachikombelo naakuti zimwi. Nikuba oobo, bantu nga bakazya kuti michito iilibobo mbugwebenga.
You May Also Like
NGAZIYAKULINDA
Bwaami bwaLeza Buzoochitaanzi?
Jesu wakalizi kuti Bwaami bwaLeza njiyo mfulumende ayilikke iikonzya kumaninsya mapenzi aanyika. Niinzi zyakachitwa aaBwaami bwaLeza zipa kuti tubusyome?
NJIISYO ZYABBAYIBBILI ZIYANDIKANA
Nkamboonzi Leza Nazumizya Bubi aMapenzi?
Bbayibbele litupa nsandulo ituumbulizya.
