MuJuly 2022 kwakaba malipooti aali atala akupya kwiindilide kwakachitika mundawu zisiyene-siyene:

•   “Kaba kachibili mumweezi uuno kuChina kakwaambilizigwa atala akupya kwiindilide kutachitike mumadolopo amuChina aasika ku70.”—July 25, 2022, CNN Wire Service.

•   “Akaambo kakupya zyiindilide kuli kuchitika muEurope, kuli kuba mililo mibi loko ilikuumpa lusaka munyika zisiyene-siyene zili muEurope.”—July 17, 2022, The Guardian.

•   “MuNsondo, mumadolopo miingi aakuUnited States kwakapya loko, kuzwa kuEast Coast akuli zimwi ndawu zili kuSouth akuMidwest.”—July 24, 2022, The New York Times.

 Zintu zyoonse eezi zyambaanzi? Zyaamba kuti muchiindi chifwiifwi chili kutobela kunooli kakutachiponeki na aanyika? Bbayibbili lityeni?

 Iiyi. Kupya zyiindilide munyika zisiyene-siyene kuzuzikizya zyakaambwa muBbayibbili atala amazuba aakumamanino. Muchikozyano, Jesu wakaamba kuti “bantu bazoobona zintu ziyoosya azitondeezyo zipati.” (Lukka 21:11) Bantu biingi balikuyoowa kuti muchiindi chili kunembo kunooli kakutachiponeki pe aanyika akaambo kakupya zyiindilide kulikuchitika munyika zisiyene-siyene.

 Peepe. Leza wakalenga nyika kuti bantu bakkale mulinjiyo kukabe kutamani. (Intembauzyo 115:16; Mukambausi 1:4) Leza takoobazumizya pe bantu kuti banyonyoone nyika pesi ‘uyoonyonyoona aabo balikunyonyoona nyika’.—Chiyubunuzyo 11:18.

 Bona bupolofita bubili butondeezya nzyaakasyomezya Leza:

•   “Inkanda alimwi anyika iinyina maanzi ziyoosekelela, acalo cibanda camucimpayuma ciyookondwa akufwulula mbuli maluba-luba aasaferone.” (Isaya 35:1) Leza takoozumizya kuti nyika ibe ndawu iitakkaliki pe pesi uyoobambulula ndawu zyakanyonyoonwa aabantu.

•   “Yebo ulailanganya nyika, wiipa kuti izyale micelo minji kapati alimwi akuti ibote kapati.” (Intembauzyo 65:9) Leza uyoopa kuti nyika ibe paradayizi.

 Kuti uzibe zyiingi atala akuti kuchincha kwabwiime bwakunze zyiindilide kubuzuzikizya biyeni bupolofita buli muBbayibbili bala chiiyo chiti “Climate Change and Our Future—What the Bible Says.”

 Kuti uzibe zyiingi atala achisyomezyo chaLeza chakuti nyika iyoochincha bala chiiyo chiti “Who Will Save the Earth?”