Bantu biingi bali munyika balikuyuminwa kujana mali yakuti bajane zintu zyakuponaazyo.

•    Kweendelana alipoti yamunyika yoonse yakazwa lino-lino, a mali njibajana bantu ilikuyungizya kubula mulimu. Alubo lipoti yakayungizya kuti, kuti zintu teezyachincha, kulaba musiyano mupati aakati kabantu banotede abafwaba alubo mpuli zyiingi tazizookonzyi kujana zyakuponaazyo mubuumi bwabo.

 Mfulumende zizookonzya na kumaninsya mapenzi woonse aaya?

 Bbayibbili lipandulula atala amfulumende itazoogwisye mapenzi woonse aayetwa akaambo kakubula mali kuswaanizya azintu zipa kuti kube musiyano wabantu banotede abafwaba. Lyaamba kuti “Leza wakujulu uyoobikka bwami,” nkukwaamba mfulumende iimwi kuti yeendelezye aanyika. (Daniele 2:44) Aansi aamfulumende eeyi, taakwe muntu uyoosiyigwa pe. (Intembauzyo 9:18) Bwaami bwaLeza busyomezya kuti muntu woonse uyoojana zintu zipa kuti abotelwe. Boonse bayoobotelwa anzibayoojana kuzwa kumilimu njibayoochita.—Isaya 65:21, 22.