Kuli kuba lupyopyongano akaambo kazyapolitikisi alubo eezi zilikupa kuti bantu biingi bakataazikane munyika.

•   Ku-Mexico kwakajayigwa bantu bazyapolitikisi bali 39, eeyi ninamba mpati loko alubo kakali kakusaanguna kuchitika alubo kwakabuka lupyopyongano lwakagambya bantu zyakuti bakakachilwa kuvoota kabotu mukuvoota kwakachitwa mu2023 kaziya mu2024.

•   Lino-lino ku-Europe kuli bantu biingi bakali kulwana akaambo kapolitikisi, kuswaanizya akweezya kujaya prime minister wa-Slovakia mu15 May, 2024.

•   Bantu ku-United States balikugamba akaambo kakuti Donald Trump ooyo wakali mweendelezi wanyika wakasijayigwe mu 13 July, 2024.

 Nkamboonzi bantu nibatali kumvwanana akaambo kapolitikisi? Nkondo eeyi izoomana na? Ani Bbayibbili lityeni?

 Bbayibbili litondeezya kuti muchiindi eechi nchitulikupona, chaambwa kuti “kumazuba aakumamanino,” bantu biingi bakali kuzooyandisya zyakulwana akutamvwanana.

•   “Kumazuba aakumamanino, kuzooba ziindi ziyumu, zikataazya kupona mulinzizyo. Nkaambo bantu bazooba . . . batalumbi, batasyomeki, . . . batayandi kuzuminana aabamwi, . . . bayoosya, . . . basikuuzya bamwi, bali aamitwe miyumu, balibikka aajulu.”—2 Timoti 3:1-4.

 Bbayibbili lyakaamba kuti mumazuba ngitulikupona bantu biingi bakali kuzoobukila mfulumende akubusya lupyopyonganno. (Lukka 21:9, makani aamunsi.) Pesi eezi zizoomana.

 Bbayibbili litondeezya kuti Jehova uzoogwisya mfulumende zyoonse ziliwo lino akubikka mfulumende yakwe.

•   “Lino mumazuba aabami aabo Leza wakujulu uyoobikka bwami . . . buyoopwayaula akumanizya mami aaya oonse, mpoonya bwalo bulikke buyakwiima nji mane kukabe kutamani.”—Daniele 2:44.

 Bwaami bwaLeza buzoopa kuti bantu bajatane akweeta luumuno munyika yoonse.

•   Mweendelezi waBwaami bwaLeza, Jesu Kkristu, uyitwa kuti “Mwaami Waluumuno,” alubo uzooba aachoonzyo chakuti Bwaami bwakwe ‘aluumuno tazikamani pe.’—Isaya 9:6, 7.

•   Nikuba mazubaano, aabo balikweendelezegwa aaBwaami oobu balikwiiya kukkala muluumuno abamwi. Akaambo kazeezi, Bbayibbili lyaamba kuti: “Bayoofwula mapanga aabo kuba maamba aakulimya amasumo aabo kuba zyakukwezuzya zisamu. Cisi tacikanyamuni panga kulwana cisinyina, alimwi tabakaiyi limbi nkondo pe.”—Isaya 2:3, 4.

 Kuti wiiye zyiingi bala chiiyo chiti “Bwaami bwaLeza Buzoochitaanzi?” alubo uyebele vidiyo ilaamutwe utii Bwaami bwaLeza Niinzi?