Chiindi nikwanoochitwa misobano yama-Olympics yamu2024, kuyeeyelwa kuti bantu basika ku 5 bbiliyoni banooyebela bantu bazwa munyika zili 206 kabali kuchita misobano. “Tulaakati kamisobano iipa kuti bantu bajatane akuti kube luumuno munyika,” akaambwa aaThomas Bach mupati-pati wa-International Olympic Committee. “Atubotelwe amabambe aaya aakachitwa aakuti kube ma-Olympic nkaambo zitondeezya kuti tulakonzya kubotelwa akukkala muluumuno nikuba kuti tulisiyene.”

 Ma-Olympics alakonzya na kupa kuti bantu bajate akuti kube luumuno munyika? Kuli nikuzooba luumuno na akujatana munyika?

 Ma-Olympics apa kuti bantu bayeeye zyiingi kutali misobano kupela. Misobano eeyi yazibikka aantanganana kuti zyapolitikisi azintu zilikuchitika munyika zilikupa kuti bantu batajatani. Zintu eezi ziswaanizya zyeelelo zyabantu, kusaluulana kwabantu kweendelena amusyobo, kusiyana kwazikombelo azimwi.

 Misobano iili mbuli ma-Olympics ipa kuti bantu babotelwe. Pesi, itondeezya zintu nzibayeeya bantu zikonzya kupa kuti batamvwanani abamwi alubo kuchita oobo kulakonzya kupa kuti kutabi luumuno akujatana.

 Bbayibbili lyaakamba kuti bantu bakali kuzooba aabuntu bupa kuti kutabi kujatana munyika. (2 Timoti 3:1-5) Kuti wiiye zyiingi atala abupolofita bwamuBbayibbili, bala chiiyo chiti “Sena Bbaibbele Lyakaambilalimwi Bantu Mbobanikuyeeya Akucita Zintu Mazuba Aano?”

 Bbayibbili lili aamakani aakonzya kupa kuti bantu babe aaluumuno akuti bajatane munyika yoonse. Litusyomezya kuti bantu boonse munyika banoojisini kabeendelezegwa aamfulumende iitegwa ‘Bwaami bwaLeza.’—Lukka 4:43; Mateyo 6:10.

 Mwaami waBwaami bwaLeza, Jesu Kkristu, uzooyeta luumuno munyika yoonse. Bbayibbili lyaamba kuti:

•   “Balulami bayoozwidilila, alwalo luumuno luyoovwula.”—Intembauzyo 72:7.

•   “Uyoovwuna mucete uukwiilila lugwasyo . . . Uyoobavwuna kukudyaamininwa akunkondo.”—Intembauzyo 72:12, 14.

 Nikuba mazubaano, njiisyo zyaJesu zilikupa kuti bantu bakkala munyika zili 239 bajatane. Mbuli maKkristu, Bakamboni baJehova munyika yoonse bakayiisigwa mbubakonzya kuba aaluumuno. Kuti ujane makani miingi, bala Ngaziyakulinda ilaamutwe utii “Ulakonzya Kuzunda Penzi Lyakuzondana.”