Kweendelana alipoti yakazwa ku-United Nations:

•    Kuzwa mu-October 7 kusika mu-October 23, 2023, bantu bayinda ku6 400 alubo bayinda ku15 200 bakalichisa akaambo kankondo iili aakati kaGaza a-Israel, alubo biingi babo mbantu bantu biyo. Mukuyungizya, bantu biingi bakasiya myuunzi yabo.

•    Kuzwa mu-September 24 2023, bantu biyo batakwe mulandu bali 9 701 bakajayigwa alubo bali 17 748 bakalichisa ku-Ukraine.

 Bbayibbili libapa bulangilizi buli aabo balikuswaana mapenzi akaambo kankondo?

 Bbayibbili lyaamba kuti Leza “ulamanizya nkondo munyika yoonse mboizulwa.” (Intembauzyo 46:9) Uzoobelesya mfulumende yakujulu naakuti bwaami kuti igwisye mfulumende zyoonse zyabantu. (Daniele 2:44) Bwaami bwaLeza buzoomaninsya mapenzi woonse ngibaswaana bantu.

 Bona nzyazoochita Jesu Kkristu, Mwaami waBwaami bwaLeza:

•    “Uyoovwuna mucete uukwiilila lugwasyo, uupengede alimwi amuntu uuli woonse uutajisi mugwasyi. Muntu uupengede alimwi amucete uyoobafwida lubomba, alimwi uyoofwutula buumi bwabacete. Uyoobavwuna kukudyaamininwa akunkondo, alimwi bulowa bwabo bunooli buyandisi mumeso aakwe.”—Intembauzyo 72:12-14.

 Leza uzoomaninsya mapenzi woonse ayeetwa aankondo akulwana, kabelesya Bwaami bwakwe.

•    “Alubo uzoosinda misozi yoonse kumeso aabo, alubo lufu taluchizoobi lubo pe, nikuba koomoka nikuba kulila nikuba kuchisa, takuchizoobi lubo pe. Zintu zyachiindi zyamana.”—Chiyubunuzyo 21:4.

 Lino-lino, Bwaami bwaLeza buzoochincha zintu aanyika. Bbayibbili lyakaamba atala “ankondo amilumbe yankondo” njitumvwa mazubaano. (Mateyo 24:6) Zintu eezi azimwi zilikuchitika zitondeezya kuti tulikupona “kumazuba aakumamanino” aabweendelezi bwabantu.—2 Timoti 3:1.