Beendelezi banyika atubunga balikukachilwa kweeta luumuno kubantu. Mazubaano, bantu balikulwana loko kuzwa chiindi nikwakaba Nkondo Yanyika Yabili. Bantu basika ku2 bbiliyoni bali munyika bakkala mundawu zili aankondo.

 Nkamboonzi bantu nibatakonzyi kweeta luumuno? Bbayibbili lityeni?

1.  1. Bantu bali aabuntu bupa kuti bakachilwe kweeta luumuno. Bbayibbili lyaakambilizya kuti muchiindi nchitulikupona, “bantu bazooba basikuliyanda, basikuyandisya mali, basikulidunda, basikulisumpula, . . . batasyomeki, . . , batayandi kuzuminana aabamwi, . . . batalinyoni, bayoosya, . . . bali aamitwe miyumu, balibikka aajulu.”—2 Timoti 3:2-4.

2.  2. Bantu boonse bali munyika, tabakonzyi pe kubambulula mapenzi aabo kabatagwasigwi aaMulengi wabo, Jehova a Leza. Bbayibbili lyaamba kuti “muntu weenda tapedwe nguzu zyakusololela noziba ntaamu zyakwe.”—Jeremiya 10:23.

3.  3. Nyika ilikweendelezegwa aamweendelezi ulaanguzu alubo ulaalunya, Saatani Dyabbulosi, ooyo “uulikweena bantu boonse bakkala aanyika.” (Chiyubunuzyo 12:9) Mbukunga “nyika yoonse ilikweendelezegwa aamubi,” kulwana akutamvwanana tazizoomani pe.—1 Johane 5:19.

 Bbayibbili lyaamba kuti luumuno luzoozwa kuli Leza kutali kubantu.

 Leza uyoochizuzikizya biyeni chisyomezyo eechi? “Leza ooyo uupa luumuno, uzoopwachula Saatani.” (Baroma 16:20) Leza uyoobelesya mfulumende yakujulu, eeyo yaambwa aaBbayibbili kuti “Bwaami bwaLeza,” kuti ayete luumuno munyika yoonse. (Lukka 4:43) Kabali aansi aabweendelezi bwaJesu Kkristu Mwaami waBwaami oobu, bantu bayoyiisigwa mbubeelede kupona muluumuno.—Isaya 9:6, 7.