Munyika yoonse bantu tabajisini pe akaambo kapolitikisi. Kweendelana akuyanduulisisya kwakachitwa aba Pew Research Center mu2022, “bantu bali 65 pesenti munyika zili 19 zisiyene-siyene baamba kuti bantu balikumabazu aapolitikisi aasiyene-siyene balakazyania alubo tabazuminani pe.”

 Wakali wazibona na kuti zyapolitikisi zilikupa kuti bantu batajatani kundawu nkukkala? Nkamboonzi nikuli oobo? Niinzi zikonzya kuchitwa kuti kubambululwe penzi eeli? Bona nzilyaamba Bbayibbili.

 Bbayibbili lyakaambilizya kuti chiindi nchitulikupona chaamba “kumazuba aakumamanino,” kuti bantu bayooba aabuntu bupa kuti kuyume kujatana.

•   “Kumazuba aakumamanino, kuzooba ziindi ziyumu, zikataazya kupona mulinzizyo. Nkaambo bantu bazooba basikuliyanda, . . . batayandi kuzuminana aabamwi.”—2 Timoti 3:1-3.

 Nikuba kuti bantu balikweezya kubeleka changuzu pesi mfulumende tazili kuzwidilila pe. Bantu bakazyania kulabayumina kuti babelekelaamwi kuti babambulule mapenzi. Eezi zilikuzuzikizya zintu zyakaambwa aaBbayibbili kakuchili chiindi.

•   “Muntu nayendelezya muntunyina munzila iimuletela mapenzi.”—Mukambausi 8:9.

 Nikuba oobo, Bbayibbili lyaamba kuti mapenzi aaya azoomana chiindi nikwazooba mfulumende iitazoyendelezegwe aawumwi muntu utazoogwisye mapenzi ngibalikuswaana bantu mazubaano.

 Bbayibbili litubuzya kuti Jesu Kkristu mweendelezi weelela uukonzya kumaninsya mapenzi ngibaswaana bantu. Jesu ulaamanguzu achiyandisyo chakuti bantu bajatane akuti babe aaluumuno.

•   “Mumazuba aakwe balulami bayoozwidilila, alwalo luumuno luyoovwula.”—Intembauzyo 72:7.

•   “Bami boonse bayoomukotamina.”—Intembauzyo 72:11.

 Jesu mweendelezi uulikabotu nkaambo ulaandaba abantu alubo uyanda kubagwasya ikapati aabo batajatwi kabotu.

•   “Uyoovwuna mucete uukwiilila lugwasyo, uupengede alimwi amuntu uuli woonse uutajisi mugwasyi. Muntu uupengede alimwi amucete uyoobafwida lubomba, alimwi uyoofwutula buumi bwabacete. Uyoobavwuna kukudyaamininwa akunkondo.”—Intembauzyo 72:12-14.

 Yiya zyiingi atala aBwaami bwaLeza, mfulumende yakujulu iiyendelezegwa aaJesu. Bona mbukonzya kugwasigwa aamfulumende eeyi ambukonzya kutondeezya kuti uli kulubazu lwayo.

•   Yebela kavidiyo katii Bwaami bwaLeza Niinzi?

•   Bala chiiyo chiti “Bwami bwa Leza—Mfwulumende Iitaciti Makulo”