MuJuly 2022 kuli kudubulana kuyoosya kwakachitika mundawu zisiyene-siyene:

•   “Kujayigwa kwamwaalumi wakuJapan wazyapolitikisi uuzibinkene loko utegwa Shinzo Abe wakali Prime Minister kwakayoosya akugambya bantu munyika yoonse kapati akaambo kakuti kuJapan kuzibinkene milandu miche loko yazyakulwana alubo kuli milawu miyumu loko atala akubelesegwa kwantobolo.”—July 10, 2022, The Japan Times

•   “Bantu bakuDenmark bamana mate chiindi mwaalumi naadubula bantu batatu kuchintolo chili kuCopenhagen.”—July 4, 2022, Reuters.

•   “KuSouth Africa: bantu bali 15 bafwa chiindi baalumi nibatalisya kudubula kubbawa lili kuSoweto township.”—July 10, 2022, The Guardian.

•   Muholiday kwakafwa akudubulwa bantu bayinda ku220 muU.S.”—July 5, 2022, CBS News.

 Kuli bulangilizi na bwakuti kujeegwa kwabantu kuzoomana? Bbayibbili lityeni?

 Bbayibbili lipandulula kuti tulikupona “kumazuba aakumamanino” aawo bantu nibalikuchita zintu ziyoosya zili alunya alubo zitamvwisisiki pe. (2 Timoti 3:1, 3) Zintu eezi zipa kuti bantu bayoowe. (Lukka 21:11) Nikuba oobo Bbayibbili lisyomezya kuti kulwana kuzoomana alubo bantu “bayookkala mubusena bwaluumuno, Mumakkalilo aakwabilidwe alimwi amumasena aakulyookezyela aaluumuno.” (Isaya 32:18) Kujeyana kuzoomana biyeni?

 Leza uzoonyonyoona basizibi azilwanisyo zyoonse.

•   “Pele babi bayoonyonyoonwa munyika.”—Tusimpi 2:22.

•   “Leza ulamanizya nkondo munyika yoonse mboizulwa. Ibuta ulabutyolaula alyalo sumo ulalipwayaula; inkalaki zyankondo ulazyuumpa amulilo.”—Intembauzyo 46:9.

 Leza uzoogwisya chisiko chipa kuti kube kujayana kwiinda mukuyisya bantu kuti bakkale muluumuno.

•   “Tabakaciti cintu cili coonse cibi Naa kunyonyoona mucilundu cangu cisalala coonse, Nkaambo masimpe nyika iyoozula luzyibo lwa Jehova Mbubonya maanzi mbwaazuzya lwizi.”—Isaya 11:9.

•   Nikuba mazubaano Leza ulikuyisya bantu munyika yoonse kuti baleke zyakulwana akubelesya zilwanisyo akuti bafwule “mapanga aabo kuba maamba aakulimya Amasumo aabo kuba zyakukwezuzya zisamu.”—Mika 4:3.

 Kuti wiiye zyiingi atala azisyomezyo zili muBbayibbili zili atala anyika ilaluumuno, bala chiiyo chiti “Freedom From Fear—Is It Possible?”

 Kuti wiiye zyiingi atala ambukuyomaninsigwa kulwana kukabe kutamani bala chiiyo chiti “Peace on Earth at Last!”