Peepe, tauli mulawo buya kuti mucite oobo. Bantu banji balaikkomanina pulogilamu yesu yakwiiya Bbaibbele kakunyina kutusangana. a Makanze aapulogilamu eeyi ngakumutondezya ncoliyiisya Bbaibbele. Mwaba aluzyibo, mulalisalila cakucita mumakani aaya. Tulizyi kuti lusyomo ncintu cakulisalila.​—Joshua 24:15.

 Inzya. Nokuba kuti tulakkomana kubelesya Bbaibbele lya Busanduluzi Bwanyika Mpya ilijisi mwaambo wamazuba aano alimwi akuti, ikuti kamuyanda, inga twamupa Bbaibbele kakunyina kubbaddela, inga tulakkomana kuti mwabelesya Bbaibbele lyanu. Mulakonzya kwiiya mulumbe wamu Bbaibbele wabulangizi alimwi awalufwutuko kuzwa mu Bbaibbele lili lyoonse.

•   Kaambo kapati katupa kucita boobo, nduyando ndotujisi kuli Jehova Leza, walo uuyanda kuti Banakristo kabayiisya bamwi nzyobaiya. (Matayo 22:37, 38; 28:19, 20) Tucibona kuba coolwe cipati kapati kuba “basimilimonyina a Leza” kugwasya bantu kuzyiba ncoliyiisya Jwi lyakwe.​—1 Bakorinto 3:6-9.

•   Alimwi tulakulwaizyigwa aluyando ndotujisi kuli basimukoboma. (Matayo 22:39) Cilatukkomanisya kwaambila bamwi zintu zibotu nzyotwakaiya.​—Milimo 20:35.