Peepe. Bakamboni ba Jehova Mbanakristo, alimwi tatuliboni kuti tuli ba Protestanti. Nkaambo nzi?

 Bbala lyakuti Protestanti lyaambwa kuti “nkabunga kabukombi ikakazya bu Katolika bwaku Roma.” Nokuba kuti masimpe kuti Bakamboni ba Jehova balazikazya njiisyo zya cikombelo caba Katolika, pele tatuliboni kuti tuli ba Protestanti akaambo katwaambo ootu tutobela:

1.   Bunji bwanjiisyo zyaba Protestanti tazyeendelani acini ncoliyiisya Bbaibbele. Mucikozyanyo, Bbaibbele liyiisya kuti “kuli Leza omwe buyo,” ikutali Butatu. (1 Timoteyo 2:5; Johane 14:28) Alimwi cakusalazya liyiisya kuti Leza tasubuli basizibi mumulilo wa helo pe, pele ubanyonyweeda limwi kukabe kutamani.​—Intembauzyo 37:9; 2 Batesalonika 1:9.

2.   Tatukazyi pe naa kusola kucinca njiisyo zya Cikombelo ca Katolika naa mbunga iili yoonse yabukombi. Mukwiindana, tukambauka makani mabotu aa Bwami bwa Leza, akusolekesya kugwasya bantu kuba alusyomo mumakani mabotu. (Matayo 24:14; 28:19, 20) Tubikkila kapati maano kuyiisya bantu babombe myoyo kasimpe kajatikizya Leza alimwi a Jwi lyakwe, Bbaibbele, ikutali kusola kucinca njiisyo zyatubunga twabukombi.​—Bakolose 1:​ 9, 10; 2 Timoteyo 2:24, 25.