2 Makani 27:1-9
-
Jotamu, mwami wa Juda (1-9)
27 Jotamu+ wakali amyaka iili 25 naakaba mwami, alimwi wakalela kwamyaka iili 16 mu Jerusalemu. Banyina bakali ba Jerusa mwana wa Zadoki.+
2 Wakazumanana kucita ziluleme mumeso aa Jehova, mbubonya mbwaakacita Uziya usyi,+ pele walo tanaakanjila mutempele lya Jehova.+ Pele bantu bakacili kucita zibi.
3 Ngonguwe wakayaka mulyango waatala waŋanda ya Jehova,+ alimwi wakayaka zintu zinji kapati kubwaanda bwa Ofeli.+
4 Alimwi wakayaka minzi+ mumalundu aa Juda,+ wakayaka masena aakwaabilidwe+ alimwi angazi+ muzisaka.
5 Wakalwana amwami wabana Amoni+ eelyo wakabazunda, mpoonya mumwaka ooyo bana Amoni bakamupa matalenta* aansiliva aali 100, makore* aawiiti aali 10,000 alimwi aabbaale aali 10,000. Bana Amoni alimwi bakabbadela zintu eezyi kulinguwe mumwaka wabili awatatu.+
6 Aboobo Jotamu wakazumanana kuyuma nkaambo wakabamba nzila zyakwe kubusyu bwa Jehova Leza wakwe.
7 Makani oonse aakaindi aamba zya Jotamu, nkondo zyakwe zyoonse alimwi anzila zyakwe alilembedwe mu Bbuku lya Bami ba Israyeli alimwi aba Juda.+
8 Wakali amyaka iili 25 naakaba mwami alimwi wakalela myaka iili 16 mu Jerusalemu.+
9 Mpoonya Jotamu wakoona abamausyi alimwi bakamuzikka mu Munzi wa Davida.+ Eelyo Ahazi mwanaakwe wakaba mwami mubusena bwakwe.+
Bupanduluzi buyungizyidwe
^ Talenta lyomwe lyakali kulema makkilogilamu aali 34.2. Amubone Makani Aayungizyidwe B14.
^ Kore lyomwe lyakaleelene amalita aali 220. Amubone Makani Aayungizyidwe B14.
