2 Samuele 22:1-51
22 Lino Davida wakaambila Jehova majwi aaya kwiinda mulwiimbo+ oolu mubuzuba oobo Jehova naakamuvwuna kumaanza aabasinkondonyina+ boonse akujanza lya Saulo.+
2 Wakati:
“Jehova ngomwala wangu, mampangala aangu+ alimwi ngonguwe uundivwuna.+
3 Leza wangu nindomba yangu,+ oomo mondiyubila,Nintobo yangu+ alimwi ndwija* lwalufwutuko lwangu,* mayubilo aangu aakwabilidwe,+Mbusena bwangu bwakutijila,+ mufwutuli wangu;+ ulandivwuna kulupyopyongano.
4 Ndiita Jehova, ooyo weelela kutembaulwa,Eelyo ndiyoofwutulwa kuli basinkondoma.
5 Nkaambo mayuwe aalufwu akandizinguluka;+Bantu babuyo banji mbuli maanzi aapaya bakandiyoosya.+
6 Intambo zya Cuumbwe* zyakandizinguluka;+Itukole twalufwu twakalindijisi.+
7 Mumapenzi aangu ndakaita Jehova,+Ndakaluujisi kwiita kuli Leza wangu.
Mpoonya kuzwa mutempele lyakwe wakalimvwa ijwi lyangu,Alimwi kukwiila kwangu kwakuti andigwasye kwakasika kumatwi aakwe.+
8 Nyika yakatalika kutenkaana akuzungaana;+Intalisyo zyamajulu zyakazuzuma+Akuzungaana akaambo kakuti wakanyema.+
9 Busi bwakauntumuka mumpemo zyakwe,Awalo mulilo uumpa cakumaninina wakazwa mukanwa lyakwe;+Makala aayaka mulilo akayokoloka kulinguwe.
10 Wakoongomeka majulu naakali kuseluka;+Alimwi kunsi aamaulu aakwe kwakali mudima uusiya mbi.+
11 Wakatanta kerubi+ akuboola kauluka.
Wakalibonya atala aamababa aacilenge camuuya.*+
12 Mpoonya wakalivwumba mudima mbuli citungu,+Maanzi aasiya mbi alimwi amakumbi aasiya mbi.
13 Mukumweka ikwakali kumbele lyakwe mwakazwa makala aavwilima mulilo.
14 Mpoonya Jehova wakatalika kuzuma kuzwa kujulu;+Mupatikampatila wakapa kuti ijwi lyakwe limvwugwe.+
15 Wakafwusa mivwi yakwe+ akubamwaya;Wakawaala andabo akubanyonganya.+
16 Itako lyalwizi lyakalibonya;+Intalisyo zyanyika zyakaba aatuba akaambo kakukalalilwa a Jehova,Kwiinda mumuya wanguzu iwakazwa mumpemo zyakwe.+
17 Wakatandabika janza lyakwe kuzwa kujulu;Wakandijata akundinuna mumaanzi malamfwu.+
18 Wakandivwuna kuli sinkondoma singuzu,+Kuli baabo bakandisulide, ibakali kundiinda nguzu.
19 Bakandilwana ibuzuba nindakali mumapenzi,+Pele Jehova nguwakandigwasya.
20 Wakandileta mubusena bukwabilidwe;*+Wakandivwuna nkaambo wakandikkomanina.+
21 Jehova ulandilumbula kweelana abululami bwangu;+Ulandijolela kweelana akusalala kwamaanza aangu.+
22 Nkaambo ndazibamba nzila zya Jehova,Alimwi tiindazanga akusiya Leza wangu.
23 Mbeta zyakwe zyoonse+ zili kumbele lyangu;Tandikaleyi kumilawo yakwe.+
24 Ndilazumanana kubula kampenda+ kumbele lyakwe,Alimwi ndinoobutantamuka bubi.+
25 Jehova aandipe bulumbu kweelana abululami bwangu,+Kweelana akusalala kwangu kumbele lyakwe.+
26 Kumuntu uusyomeka, yebo ulasyomeka;+Kumuntu singuzu uutakwe kampenda, ayebo tokwe kampenda;+
27 Kumuntu uusalala, yebo ulasalala,+Pele kumuntu uupilingene, yebo ulicenjede.*+
28 Nkaambo yebo ulabavwuna babombe,+Pele meso aako taabalangi ibalisumpula, alimwi ulabafwiinsya.+
29 Nkaambo uli lambe lyangu, O Jehova;+Ngu Jehova uundimunikila mumudima.+
30 Kwiinda mukugwasyigwa anduwe ndilakonzya kutandaanya zigwebenga zisaala;Kwiinda munguzu zya Leza ndilakonzya kutanta bwaanda.+
31 Inzila ya Leza mwini-mwini ililondokede;+Majwi aa Jehova alasalala.+
Walo nintobo kuli baabo boonse ibayuba mulinguwe.+
32 Nkaambo sena kuli Leza uumbi kunze lya Jehova?+
Alimwi sena kuli ndomba iimbi kunze lya Leza wesu?+
33 Leza mwini-mwini nimpangala yangu njumu,+Alimwi uyoopa kuti nzila yangu ilondoke.+
34 Upa kuti maulu aangu abe mbuli aansya;Undipa kwiimikila amasena aali mujulu.+
35 Ulayiisya maanza aangu kulwana nkondo;Maanza aangu alakonzya koongomeka buta bwamukuba.
36 Yebo ulandipa ntobo yako yalufwutuko,Alimwi kulicesya kwako kulandisumpula.+
37 Ulakwakwabula nzila mwiinda maulu aangu;Maulu* aangu taakatezeleki pe.+
38 Ndiyoobatandaanya basinkondoma mane ndikabanyonyoone;Tandikapiluki pe kusikila bakanyonyweedwe limwi.
39 Ndiyoobanyonyoona akubapwayaula cakuti tabakabuki limbi;+Ndiyoobalyatauka amaulu aangu.
40 Yebo uyoondipa kuba anguzu zyakulwana munkondo;+Uyoopa kuti basinkondoma baganyuke kunsi aamaulu aangu.+
41 Yebo uyoopa kuti basinkondoma banditije;*+Ndiyoobanyonyoona* aabo bandisulide.+
42 Balakwiila kuti bagwasyigwe, pele kunyina uubafwutula;Naba Jehova balamukwiilila, pele tabavwiili pe.+
43 Ndiyoobatwa mane bakabe mbuli lusuko;Ndiyoobapwayaula akubalyatauka mbuli ntimba munzila.
44 Yebo uyoondivwuna kubantu bangu bandijanina mulandu.+
Uyoondikwabilila kuti ndibe silutwe wamasi;+Ibantu mbonditazyi bayoondibelekela.+
45 Bamuzwamasi bayooboola kabazuzuma kulindime;+Nzyobamvwa kujatikizya ndime ziyoobapa kuti bandimvwide.*
46 Bamuzwamasi bayoogonkelwa;*Bayooboola kabakankama kuzwa mumampangala aabo.
47 Jehova muumi! Aitembaulwe Ndomba yangu!+
Aasumpulwe Leza, indomba yalufwutuko lwangu.+
48 Leza mwini-mwini nguubapilusizya cibi basinkondoma;+Nguubombya bantu kunsi aamaulu aangu;+
49 Nguundivwuna kuli basinkondoma.
Yebo nduwe uundisumpula atala+ lyabaabo bandilwana;Nduwe uundifwutula kumuntu sinkondo.+
50 Nkakaambo kaako ndinookulumba akati kamasi,+ O Jehova,Alimwi ndinootembaula zina lyako munyimbo:*+
51 Nguucitila mwami wakwe milimo mipati yalufwutuko;*+Ulatondezya luyando lutamani kumunanike wakwe,Kuli Davida alimwi akulunyungu lwakwe mane kukabe kutamani.”+
Bupanduluzi buyungizyidwe
^ Amubone Bupanduluzi Bwamabala.
^ Naa “mufwutuli wangu singuzu.”
^ Naa “Cikkalilo Cabafwu.” Amubone Bupanduluzi Bwamabala.
^ Naa “aamuwo.”
^ Naa “busena bukwakwabukide.”
^ Naa ambweni, “ucita mbuli muntu mufwubafwuba.”
^ Naa “Ingo.”
^ Naa “Yebo uyoondipa makosi aabasinkondoma.”
^ Mu Chihebrayo, “Ndiyoobaumuzya.”
^ Mu Chihebrayo, “Mbobayakumvwida buyo amatwi aabo, bayoondimvwida.”
^ Naa “bayoozimaana.”
^ Naa “ndinakwiimba nyimbo zyakutembaula zina lyako.”
^ Naa “milimo mipati yakuzunda.”
