2 Timoteyo 4:1-22
4 Ndakulailila canguzu kumbele lya Leza a Kristo Jesu, ooyo uuyoobeteka+ baumi abafwu+ kwiinda mukuyubunuka+ kwakwe amu Bwami+ bwakwe kuti:
2 Kokambauka jwi;+ kofwambaana kucita boobo cabusungu muziindi zili kabotu amuziindi zyamapenzi; kosinsa,+ kokalalila, alimwi kokulwaizya cakukkazika moyo kapati aluzyibo mukuyiisya.+
3 Nkaambo ciindi ciyoosika nobayooleka kutobela njiisyo mbotu,*+ pele akaambo kakutobela zisusi zyabo beni, bayooliyobolweda bamayi ibakubatekunya kumatwi.*+
4 Bayooleka kuswiilila kasimpe akutalika kubikkila maano kutwaano twakubeja.
5 Pele yebo, kobatama muzintu zyoonse, koliyumya mumapenzi,+ kocita mulimo wamukambausi,* uuzuzikizye cakumaninina mulimo wako.+
6 Nkaambo ndatalika kale kutilwa aacipaililo mbuli cituuzyo cinyugwa,+ alimwi ciindi cakuti ndaangununwe+ caswena afwaafwi.
7 Ndalwana nkondo mbotu,+ ndabalika mukusiyana mane kumamanino,+ ndalubamba lusyomo.
8 Kuzwa lino ndibambilidwe musini wabululami,+ ooyo Mwami, mubetesi uululeme,+ ngwayoondipa kabuli bulumbu mubuzuba oobo,+ nokuba boobo takapi buyo ndime ndelikke pe, pele alimwi uyoobapa abaabo boonse ibali kuyanda kuyubunuka kwakwe.
9 Soleka kusikila mpogolela kuboola kokuno nkondibede lino-lino.
10 Nkaambo Dema+ wandilekelezya akaambo kakuyandisya bweende bwazintu obuno,* alimwi wakaunka ku Tesalonika, Kresiko wakaunka ku Galatiya, alimwi Tito wakaunka ku Dalimatiya.
11 Luka alikke nguuli andime. Waboola umuletelezye a Marko, nkaambo ulandigwasya mumulimo.
12 Pele Tukiko+ ndakamutuma ku Efeso.
13 Waboola, uletelezye ajansi lyampeyo ndindakasiya ku Trowa kuli Karipo, uletelezye amabbuku aakuvwunga, ikapati aalya aazipaya.
14 Alekizanda mufwuzi wamukuba wakandicitila zintu zibyaabi zinji. Jehova* uyoomupilusizya kweelana amicito yakwe.+
15 Ayebo weelede kumucenjelela, nkaambo wakaukazya canguzu kapati mulumbe wesu.
16 Nindakali kulikwabilila mumulawo ciindi cakusaanguna kunyina wakandiiminina pe, pele boonse bakandilekelezya—lino Leza atabapi mulandu pe.
17 Pele Mwami wakalaandime lyoonse alimwi wakandipa nguzu, kutegwa kwiinda mulindime mulimo wakukambauka uzuzikizyigwe cakumaninina akuti bamasi boonse baumvwe;+ alimwi ndakavwunwa kumulomo wasyuumbwa.+
18 Mwami wangu uyoondivwuna kumulimo mubi uuli woonse alimwi uyoondifwutula, akanditole mu Bwami bwakwe bwakujulu.+ Kulinguwe akube bulemu lyoonse mane kukabe kutamani. Ameni.
19 Undaanzyile Purisika a Akula+ alimwi abamuŋanda ya Onesiforo.+
20 Erasito+ wakasyaala ku Korinto, pele Turofimo+ ndakamusiya kacisidwe ku Melito.
21 Soleka kusikila mpogolela kusika kuno mupeyo kautanatalika.
Yubolo wakwaanzya, awalo Pude, Linasi, Kilaudiya alimwi abakwesu boonse bakwaanzya.
22 Mwami abe anduwe akaambo kamuuya ngotondezya. Luzyalo lwakwe alube andinywe.
Bupanduluzi buyungizyidwe
^ Naa “zigwasya.”
^ Naa “ibabaambila nzyobayanda kumvwa.”
^ Naa “kozumanana kukambauka makani mabotu.”
^ Naa “bwaciindi ecino.” Amubone Bupanduluzi Bwamabala.
^ Amubone Makani Aayungizyidwe A5.
