Amosi 2:1-16
2 “Mboobu mbwaamba Jehova,‘“Akaambo kamilandu yotatwe yabuzangi bwa Moabu,+ inzya akaambo kamilandu yone, tandikaleki kubauma,Akaambo kakuti wakaumpa mafwuwa aamwami wa Edomu kutegwa apange mulambo uutuba.
2 Aboobo ndiyootuma mulilo ku Moabu, eelyo uyakuumpa ngazi zikwabilidwe zyaku Kerioti;+Moabu uyoofwa nokunooli manyongwe,Loongololo lwankondo, akulila kwamweembo.+
3 Ndiyoogwisya mweendelezi* mukati kakweAkujaya basilutwe bakwe boonse antoomwe amweendelezi ooyo,”+ mbwaamba Jehova.’
4 Mboobu mbwaamba Jehova,‘Akaambo kamilandu yotatwe yabuzangi bwa Juda,+ inzya akaambo kamilandu yone, tandikaleki kubauma,Akaambo kakuti bakaukaka mulawo* wa Jehova,Alimwi akaambo kakuti tiibakaatobela malailile aakwe;+Pele bubeji mbubonya mbubakali kutobela bamausyi bwabapa kusweeka.+
5 Aboobo ndiyootuma mulilo ku Juda,Eelyo uyakuumpa ngazi zikwabilidwe zyaku Jerusalemu.’+
6 Mboobu mbwaamba Jehova,‘Akaambo kamilandu yotatwe yabuzangi bwa Israyeli,+ inzya akaambo kamilandu yone, tandikaleki kubauma,Akaambo kakuti basambala bantu baluleme kuti bajane nsiliva,Alimwi basambala bantu bacete kuti bajane mpato zyobilo buyo.+
7 Balyatauka mitwe yabantu bapengede mulusuko lwaansi,+Alimwi basinka nzila yababombe myoyo.+
Musankwa abausyi ibakamuzyala beenda amusimbi omwe,Aboobo basofwaazya zina lyangu lisalala.
8 Kumbali aazipaililo zyoonse,+ balalandabala aazisani nzyobakanyanga bamwi kazili cisyomezyo cakubbadelela cikwelete;+Alimwi waini ngobanywa kuŋanda* yabaleza babo bakaujana kubantu mbobakabbadelesya.’
9 ‘Pele ndime ndakanyonyoona muna Amori wakali kumbele lyabo,+Ooyo iwakali mulamfwu mbuli zisamu zyakkedari, alimwi iwakajisi nguzu mbuli masamu mapati;Ndakanyonyoona micelo yakwe yakali kujulu alimwi amiyanda yakwe yakali kunsi.+
10 Nywebo ndakamugusya mucisi ca Egepita,+Akumweenzya munkanda myaka iili 40,+Kutegwa mukone cisi camuna Amori.
11 Ndakabusya bana banu bamwi kuti babe basinsimi+Abalombwana banu bamwi kuti babe ba Naziri.+
Sena tabusyi oobo, nobana Israyeli?’ mbwaamba Jehova.
12 ‘Pele nywebo mwakazumanana kupa ba Naziri waini kuti banywe,+Abalo basinsimi mwakabalailila kuti: “Tamweelede kusinsima pe.”+
13 Aboobo ndilamupwaya mubusena bwanu,Mbubonya mbuli ŋola iizwide maila aatebulwa mboipwaya zili kunsi aanjiyo.
14 Muntu silubilo uyoobula kwakutijila,+Imuntu singuzu uyoomaninwa nguzu,Alimwi kunyina sikalumamba uuyoofwutula buumi bwakwe.
15 Sibuta takazumanani kwiima nji,Silubilo wamaulu takafwutuki pe,Awalo muntu weendela aabbiza takafwutuli buumi bwakwe.
16 Naba sicamba kapati akati kabasikalumambaUyootija amantanda mubuzuba oobo,’+ mbwaamba Jehova.”
Bupanduluzi buyungizyidwe
^ Mu Chihebrayo, “mubetesi.”
^ Naa “bakaakaka malailile.”
^ Naa “kutempele.”
