Bakolose 2:1-23
2 Nkaambo ndiyanda kuti muzyibe mbondipenga kapati akaambo kandinywe abaabo bali ku Laodikeya+ alimwi abaabo boonse batanandibona cantongolameso.
2 Eeci cili boobo ikutegwa baumbulizyigwe+ akuti bakamantane muluyando.+ Munzila eeyi banoojisi lubono, nkokuti kumvwisya kwini-kwini alimwi kusinizyide kubikkilizya aluzyibo lwini-lwini lujatikizya maseseke aa Leza, nkokuti Kristo.+
3 Mulinguwe molusisidwe kabotu-kabotu lubono loonse lwabusongo alimwi aluzyibo.+
4 Ndaamba boobu kutegwa kutabi muntu uuli woonse uumweena amakani aakoongelezya.
5 Nokuba kuti tandili andinywe kumubili, ndilaandinywe kumuuya, eelyo ndilakondwa nondibona mbomuzicita kabotu zintu+ alimwi akuyuma kwalusyomo lwanu muli Kristo.+
6 Aboobo, mbubonya mbomwakamuzumina Kristo Jesu Mwami, amuzumanane kweenda kamukamantene anguwe,
7 kamusimpide miyanda akuyakwa mulinguwe+ alimwi akukkalikila mulusyomo lwanu,+ mbubonya mbomwakayiisyigwa, alimwi kamulumba kapati.+
8 Amucenjele kuti kutabi muntu uumoongelezya kuti mucegwe kwiinda mubusongo bwabantu alweeno,+ kweelana atunsiyansiya twabantu alimwi azintu zyantalisyo zyamunyika eeyi ikutali kweelana a Kristo;
9 nkaambo mulinguwe mobubede bube bwa Leza boonse.+
10 Aboobo kunyina ncomubulide pe akaambo kanguwe, ooyo uuli ngomutwe wamfwulumende zyoonse abweendelezi boonse.+
11 Kwiinda mulinguwe anywebo mwakapalulwa abupalule bwatakacitwa amaanza abantu kwiinda mukugusya nyama yamubili wacibi,+ mwakapalulwa abupalule buswaangene a Kristo.+
12 Nkaambo mwakazikkwa antoomwe anguwe mulubbapatizyo lwakwe,+ alimwi kwiinda mukukamantana anguwe anywebo mwakabusyigwa+ antoomwe anguwe akaambo kalusyomo lwanu muzintu zyakacitwa anguzu zya Leza, ooyo wakamubusya kuzwa kubafwu.+
13 Kunze lyaboobo, nokuba kuti mwakalifwide mumilandu yanu alimwi amukutapalulwa kwamibili yanu, Leza wakamupa kuba baumi antoomwe anguwe.+ Wakatulekelela milandu yesu yoonse camoyo woonse+
14 alimwi wakamwaya ceeco cakalembedwe ajanza+ icakajisi malailile+ alimwi icakali kutukazya.+ Wakacigusya kwiinda mukucigagaila aacisamu cakupenzyezya.*+
15 Wakazunda mfwulumende abeendelezi banzizyo kwiinda munguzu zyacisamu cakupenzyezya* alimwi wakababikka antangalala ikutondezya kuti wakabazunda+ akubasololela kabeenda mbuli nkamu yazundwa.
16 Aboobo kutabi muntu naba omwe uumubeteka mumakani aakulya akunywa+ naa kujatikizya pobwe naa kusekelela mwezi mupya+ naa Sabata.+
17 Zintu eezyo ncimvwule buyo cazintu ziciboola kumbele,+ pele icintu cini-cini ngu Kristo.+
18 Kutabi muntu naba omwe uumunyanga bulumbu bwanu+ ooyo uukkomanina kulicesya kwakubeja akukomba bangelo, “uuli kulubazu”* lwazintu nzyaakabona. Mubwini muntu ooyo akaambo kamizeezo yakwe yanyama ulalisumpula kakunyina kaambo keni-keni,
19 alimwi tajatilide kumutwe wakwe,+ kuli yooyo uupa kuti mubili woonse kausaninwa akunungwa kabotu-kabotu mumanungo alimwi amilambi, alimwi akukomena kweelana akukomezya kwa Leza.+
20 Ikuti naa mwakafwa antoomwe a Kristo kuzintu zyantalisyo zyamunyika eeyi,+ nkaambo nzi ncomupona mbuli kuti mucili banyika kwiinda mukuzumanana kutobela milawo yakuti:+
21 “Utajati, utalabili, utagumi,”
22 nkokuti ikwaamba zintu zyoonse izimana kwiinda mukubelesyegwa, kweelana amilawo alimwi anjiisyo zyabantu?+
23 Nokuba kuti zintu eezyo zilibonya mbuli kuti nzyabusongo mukukomba kwakulipangila, mukulicesya kwakubeja, akupenzya mubili,+ tazigwasyi pe mukulwana zisusi zyanyama.
Bupanduluzi buyungizyidwe
^ Amubone Bupanduluzi Bwamabala.
^ Naa ambweni, “kwiinda mulinguwe.”
^ Majwi aaya akazubululwa kuzwa kuzilengwa zyabantu batasyomi Leza.
