Baroma 13:1-14
13 Muntu uuli woonse kalibombya kubeendelezi,+ nkaambo kunyina bweendelezi bukonzya kuba ccita kuti bwazumizyigwa a Leza;+ ibeendelezi aabo ibali muzyuuno zyaandeene-andeene balizumizyidwe a Leza.+
2 Aboobo kufwumbwa uukazya bweendelezi ukazya bubambe bwa Leza; aabo ibakazya bubambe bwakwe bayooliletela lubeta lubeelede.
3 Nkaambo baleli aabo balayoosya kuli baabo bacita zibi, ikutali kuli baabo bacita zibotu.+ Sena uyanda kuti kabutakuyoosyi bweendelezi? Kozumanana kucita zibotu+ eelyo uyootembaulwa abeendelezi;
4 mbwaanga mbabelesi ba Leza ibabelekela kugwasya nduwe. Pele ikuti kocita zibi, kolibilika, nkaambo tabanyamuni panga cabuyo. Mbabelesi ba Leza, basikusubula uucita zibi kutondezya bukali bwakwe.
5 Aboobo, nywebo muleelede kulibombya, ikutali buyo akaambo kabukali oobo, pele alimwi akaambo kamanjezyeezya aanu.+
6 Nkakaambo kaako mulatela mitelo; nkaambo mbabelesi ba Leza bagwasya buleya, ibabelekela kuzuzikizya makanze ngoonya aaya lyoonse.
7 Amubape boonse zibeelede: ooyo uuyanda mutelo, amumupe mutelo;+ ooyo uuyanda kubbadelwa, amumubbadele; ooyo uuyanda kuyoowegwa, amumuyoowe;+ ooyo uuyanda kulemekwa, amumulemeke.+
8 Mutabi acikwelete nociba comwe kumuntu uuli woonse, ccita buyo cikwelete cakuyandana;+ nkaambo kufwumbwa uuyanda simukobonyina wazuzikizya mulawo.+
9 Nkaambo milawo yakuti, “Utaciti bumambe,+ utajayi,+ utabbi,+ utanyonokeli,”+ alimwi amilawo iimbi iili yoonse iiliko, ilaambwa mukaambo aaka komwe kakuti: “Weelede kuyanda simukobonyoko mbubonya mbuli mboliyanda omwini.”+
10 Uuyanda simukobonyina takonzyi kumubisizya;+ aboobo, luyando ndoluzuzikizya mulawo.+
11 Amucite oobo nkaambo mulicizyi mbocibede ciindi ncotupona. Mulizyi kuti nciindi cakuti musinsimuke kuŋonzi,+ mbwaanga lufwutuko lwesu lino luli afwaafwi kapati kwiinda leelyo notwakaba basyomi.
12 Busiku bwaumbuluka; buyanda kuca. Aboobo atusowe milimo yamudima+ akusama zilwanyo zyamumuni.+
13 Atweende bweelede+ mbuli bantu beenda syikati, ikutali mumapobwe aateendelezyeki amubukolwi, ikutali mukoonana kutondwa amubukkale busesemya,*+ ikutali mukuzwangana alimwi amukufwidilana munyono.+
14 Pele amulisamike Mwami Jesu Kristo,+ alimwi mutanookanzi kuzuzikizya zisusi zyanyama.+
Bupanduluzi buyungizyidwe
^ Naa “amubukkale bwakutalisenda.” Mu Chigiriki, a·selʹgei·a. Amubone Bupanduluzi Bwamabala.
