Hagai 2:1-23
2 Mumwezi waciloba, mubuzuba bwa 21 bwamwezi, ijwi lya Jehova lyakasika kwiinda mumusinsimi Hagai+ kaliti,
2 “Komwaambila Zerubabeli+ mwana wa Sealitiyeli, imweendelezi wa Juda,+ alimwi a Joshua+ mwana wa Jehozadaki+ imupaizi mupati, abantu boonse bambi kuti:
3 ‘Ino nguni uusyeede akati kanu iwakabona bulemu mboyakajisi ŋanda* eeyi kaindi?+ Ino lino ilibonya buti kulindinywe? Sena mwayeezyanisya tailibonyi buyo mbuli cintu cabuyo?’+
4 “‘Pele lino koyuma, O Zerubabeli,’ mbwaamba Jehova, ‘koyuma ayebo Joshua, omwana wa Jehozadaki imupaizi mupati.’
“‘Amuyume, nyoonse nobantu bamucisi,’+ mbwaamba Jehova, ‘mubeleke.’
“‘Nkaambo ndilaandinywe,’+ mbwaamba Jehova wamakamu.
5 ‘Amuyeeye ncindakamusyomezya nomwakazwa mucisi ca Egepita,+ awalo muuya wangu mpoucili akati kanu.*+ Mutayoowi pe.’”+
6 “Nkaambo mboobu mbwaamba Jehova wamakamu, ‘Mukaindi kaniini buyo, ndiyakwaazungaanya alimwi majulu, nyika, lwizi alimwi ansi njumu.’+
7 “‘Ndiyoozungaanya zisi zyoonse, eelyo zintu ziyandisi zyazisi zyoonse ziyooboola akunjila mukati;+ aboobo ndiyoozuzya ŋanda eeyi abulemu,’+ mbwaamba Jehova wamakamu.
8 “‘Nsiliva njiyangu, ayalo ngolida njiyangu,’ mbwaamba Jehova wamakamu.
9 “‘Bulemu bwaŋanda eeyi mpya bunooli bupati kwiinda bwaŋanda iilya yakaindi,’+ mbwaamba Jehova wamakamu.
“‘Eelyo mubusena oobu ndiyoopa kuti kube luumuno,’+ mbwaamba Jehova wamakamu.”
10 Mubuzuba bwa 24 bwamwezi wafwuka, mumwaka wabili wa Dariyo, ijwi lya Jehova lyakamusikila musinsimi Hagai+ kaliti:
11 “Mboobu mbwaamba Jehova wamakamu, ‘Amubabuzye bapaizi kujatikizya mulawo, kuti:+
12 “Ikuti muntu wanyamuna nyama iisalala munkomo yacisani cakwe, mpoonya cisani cakwe caguma cinkwa, musinza, waini, mafwuta naa cakulya camusyobo uuli woonse, sena eeco icagumwa inga casalala?”’”
Bapaizi bakavwiila kuti: “Peepe!”
13 Kumane Hagai wakabuzya kuti: “Ikuti muntu iwasofwaazyigwa amutunta wajata cintu cili coonse akati kazyeezyi, sena cilasofwaala?”+
Bapaizi bakavwiila kuti: “Inzya, cilasofwaala.”
14 Aboobo Hagai wakaamba kuti: “‘Oobu mbobabede bantu aaba, acalo cisi eeci mbocibede kumbele lyangu,’ mbwaamba Jehova, ‘ayalo milimo yamaanza aabo yoonse mboibede; kufwumbwa cintu ncobatuula okuya cilisofweede.’
15 “‘Pele lino, kuzwa sunu kuya kumbele amwaayeeyesye makani aaya: Kakutanabikkwa bbwe atala aabbwenyina mutempele lya Jehova,+
16 ino zintu zyakali buti ciindi eeco? Muntu naakaboola kumulwi wamaila kalangila kujana zisuwo zili 20, wakajana buyo zili 10 ; alimwi naakaboola kucikandilo camisaansa kalangila kuteka nongo zyawaini zili 50 mucilindi cawaini, wakajana buyo zili 20 ;+
17 nywebo antoomwe amilimo yamaanza aanu yoonse ndakamuuma amuwo uupya, ngubi+ alimwi acivwulamabwe, pele kunyina naba omwe akati kanu wakapiluka kulindime,’ mbwaamba Jehova.
18 “‘Amwaayeeyesye makani aaya kuzwa sunu kuya kumbele, kuzwa mubuzuba bwa 24 bwamwezi wafwuka, kuzwa ciindi ntalisyo yatempele lya Jehova niyakabikkwa;+ amwaayeeyesye makani aaya:
19 Sena kucili mbuto mubutala?+ Musaansa, mukuyu, cisamu camapomegranite alimwi acisamu camaolifa, noliba lino tazinazyala, sena tabusyi? Pele kuzwa sunu ndilamulongezya.’”+
20 Ijwi lya Jehova lyakamusikila Hagai ciindi cabili mubuzuba bwa 24 bwamwezi,+ kaliti:
21 “Komwaambila Zerubabeli imweendelezi wa Juda kuti, ‘Ndiyoozungaanya majulu alimwi anyika.+
22 Ndiyoozunda mami akunyonyoona nguzu zyamami aamuzisi;+ ndiyoonyonyoona nkalaki abantu batantide mulinzizyo, eelyo mabbiza alimwi abantu baatantide bayakuwa, umwi aumwi uyoojaigwa apanga lyamwanookwabo.’”+
23 “‘Mubuzuba oobo,’ mbwaamba Jehova wamakamu, ‘Ndiyookubweza yebo, omubelesi wangu Zerubabeli+ omwana wa Sealitiyeli,’+ mbwaamba Jehova, ‘eelyo ndiyookupa kuba mbuli nweenwe yakusimbya, akaambo kakuti yebo ndonduwe ngundasala,’ mbwaamba Jehova wamakamu.”
Bupanduluzi buyungizyidwe
^ Naa “tempele.”
^ Naa ambweni, “ciindi muuya wangu niwakacili akati kanu.”
