Hosea 11:1-12
11 “Israyeli naakacili mulombe, ndakamuyanda,+Alimwi ndakaita mwanaangu kuzwa mu Egepita.+
2 Nibakazumanana kubaita,*Abalo bakazumanana kubatantamuka.+
Bakazumanana kutuula zipaizyo kuzikozyanyo zya Baala+Alimwi akutuula zipaizyo kumituni iibezedwe.+
3 Pele mebo ndendime ndakamuyiisya kweenda Efraimu,+ ndakali kubanyamuna mumaanza aangu;+Pele balo tiibakazumina kuti ndime ndakabaponya.
4 Ndakaluujisi kubakwela antambo zyabantu,* azyaanzyo zyaluyando;+Kulimbabo ndakali mbuli muntu uugwisya joko munsingo zyabo,Alimwi kabotu-kabotu ndakaleta cakulya kuli umwi aumwi wabo.
5 Tabakajokeli kucisi ca Egepita, pele Asuri uyooba mwami wabo,+Akaambo kakuti bakakaka kujokela kulindime.+
6 Ipanga liyakuvwukaulwa muminzi yakwe+Akunyonyoona mpingizyo zyakwe alimwi akubajaya boonse akaambo kamakanze aabo.+
7 Bantu bangu balizyibide kutasyomeka kulindime.+
Nokuba kuti bakaitwa kujulu,* kunyina uunyamuka.
8 Ino inga ndakuleka buti, O Efraimu?+
Ino inga ndakwaaba buti, yebo O Israyeli?
Ino inga ndakucitila buti mbuli Adima?
Ino inga ndakupa buti kuba mbuli Zeboimu?+
Ndacinca mizeezo, moyo wangu wakaka;Aciindi nciconya ndamvwa lweetelelo.+
9 Tandikatondezyi bukali bwangu.
Tandikamunyonyooni kabili Efraimu,+Nkaambo mebo ndime Leza ikutali muntunsi,Ndime Uusalala akati kanu;Alimwi tandikakubooleli cabukali.
10 Bayoomutobela Jehova, alimwi walo uyoovwuluma mbuli syuumbwa;+Aakuvwuluma, bana bakwe bayooboola kuzwa kumbo kabakankama.+
11 Bayookankama mbuli kayuni baakuboola kuzwa mu Egepita,Ambuli nziba baakuboola kuzwa mucisi ca Asuri;+Eelyo ndiyoobapa kuti bakkale mumaanda aabo,” mbwaamba Jehova.+
12 “Efraimu wandizinguluka abubeji,Bamuŋanda ya Israyeli bandizinguluka alweeno.+
Pele walo Juda uceendeenda* a Leza,Alimwi ulasyomeka kuli Yooyo Uusalalisya.”+
Bupanduluzi buyungizyidwe
^ Nkokuti, basinsimi alimwi abantu bambi ibakatumwa kuyiisya bana Israyeli.
^ Naa “antambo zyalubomba,” mbuli zyamuzyali.
^ Nkokuti, kubukombi busumpukide.
^ Naa “uceenda.”
