Hosea 12:1-14
12 “Efraimu uli mukulya muwo.
Buzuba boonse uluujisi kutandaanya muwo wakujwe.
Uvwuzya bubeji alimwi ankondo.
Bapangana cizuminano acisi ca Asuri,+ alimwi batola mafwuta ku Egepita.+
2 Jehova ujisi kaambo a Juda;+Uyoomusubula Jakobo kweelana anzila zyakwe,Akumujolela kweelana amicito yakwe.+
3 Kacili mwida wakajata mwanookwabo kukasindi,+Alimwi anguzu zyakwe zyoonse wakazundana a Leza.+
4 Wakazumanana kulwana amungelo eelyo wakazunda.
Wakalila akulomba kulelekwa.”+
Leza wakamujana ku Beteli, eelyo ooko wakaambaula andiswe,+
5 Jehova Leza wamakamu,+Jehova ndezina lyakwe lyaciibalusyo.*+
6 “Aboobo, kojokela kuli Leza wako,+Kozumanana kutondezya luyando lutamani alimwi abululami,+Alimwi kolangila Leza wako lyoonse.
7 Pele simakwebo* ujisi zikkelo zyakubeja mumaanza aakwe;Uyandisya kuunina bamwi.+
8 Efraimu uluujisi kwaamba kuti, ‘Ncobeni ndavwuba;+Ndalijanina lubono.+
Mumilimo yoonse njendicita, tabakajani cintu cili coonse citaluzi naa cibi.’
9 Pele mebo ndime Jehova Leza wako kuzwa kucisi ca Egepita.+
Ndiyookupa kukkala mumatente alimwi,Mbubonya mbuli kumazuba aakuciindi cibikkidwe.*
10 Ndakaambaula abasinsimi,+Ndakavwuzya zilengaano zyabo,Alimwi ndakaamba zikozyanyo kwiinda mubasinsimi.
11 Ku Gileadi kwacitika zintu zyalweeno*+ alimwi zyakubeja.
Ku Giligala batuula bapoho,+Alimwi zipaililo zyabo zili mbuli milwi yamabwe iili mumifwolo yamumuunda.+
12 Jakobo wakatijila mucisi* ca Aramu;*+Israyeli+ wakabelekela nkuko kutegwa apegwe mukaintu,+Wakeembela mbelele kutegwa apegwe mukaintu.+
13 Kwiinda mumusinsimi, Jehova wakagusya Israyeli mu Egepita,+Alimwi wakamukwabilila kwiinda mumusinsimi.+
14 Efraimu wandinyemya kapati;+Mulandu wakwe wabulowa ucili amutwe wakwe,Simalelaakwe uyoomujolela masampu aakwe.”+
Bupanduluzi buyungizyidwe
^ Naa “ndezina ndyayeeyegwa andilyo.”
^ Naa “musambazi.”
^ Naa ambweni, “capobwe.”
^ Naa “zyamasalamuzi; zyamizimo.”
^ Naa “Siriya.”
^ Mu Chihebrayo, “musyokwe.”
